గర్భిణులు తప్పకుండా తినాల్సిన ఆహారాలు..

ఆరోగ్య నిపుణుల ప్రకారం.. గర్భిణులు జింక్ పుష్కలంగా ఉండే ఆహారాలను ఖచ్చితంగా తినాలి. ఎందుకంటే ఇవి కడుపులో బిడ్డ ఆరోగ్యంగా పెరిగేందుకు అవసరం. అలాగే ఇది పిల్లల మెదడు ఆరోగ్యానికి కూడా అవసరం. 

గర్భిణులు పోషకాలు ఎక్కువగా ఉండే ఆహారాలను ఖచ్చితంగా తినాలి. ఎందుకంటే వీరి శరీరంలో ఎన్నో మార్పులు వస్తాయి. ముఖ్యంగా హార్మోన్లలో. అందుకే ఈ సమయంలో మహిళలకు ప్రత్యేకమైన పోషణ అవసరమవుతుందని నిపుణులు చెబుతున్నారు. గర్భధారణ సమయంలో స్త్రీల శరీరానికి జింక్ ఎంతో అవసరమైన ఖనిజాలలో ఒకటి. ఆరోగ్య నిపుణుల ప్రకారం.. జింక్ తల్లి, పెరుగుతున్న బిడ్డ ఆరోగ్యానికి చాలా చాలా అవసరం. ఇవి శిశువు శారీరక ఎదుగుదలకు, మెదడు ఆరోగ్యానికి ఎంతో అవసరం. గర్భధారణ సమయంలో రోజుకు జింక్ ను 12 మి.గ్రా / డి తీసుకోవాలని నిపుణులు చెబుతున్నారు.

zinc

రోగనిరోధక శక్తి, జీర్ణక్రియ, నరాల పనితీరు, జీవక్రియ రేటును పెంచడానికి జింక్ ఎక్కువగా ఉండే ఆహారాలను తినాలని నిపుణులు చెబుతున్నారు.  థైరాయిడ్ హార్మోన్ల ఉత్పత్తి, జీవక్రియకు జింక్ అవసరం. జింక్ మహిళల్లో హార్మోన్ల ఉత్పత్తి, సెల్యులార్ పెరుగుదల అవసరాలకు కూడా సహాయపడుతుంది. ఇందుకోసం గర్బిణులు ఎలాంటి ఆహారాలను తినాలో ఇప్పుడు తెలుసుకుందాం..

legumes general

చిక్కుళ్లు

చిక్కుళ్లు జింక్ కు మంచి మూలం. వేరుశెనగ, కాయధాన్యాలు, బీన్స్ మొదలైన వాటిలో గర్భిణులకు రోజుకు సరిపడా జింక్ ఉంటుంది. కాబట్టి వీటిని గర్బిణులు ఖచ్చితంగా డైట్ లో చేర్చుకోవాలి. ఇవి మీ  రోగనిరోధక శక్తిని పెంచడానికి సహాయపడతాయి. 

గింజలు

గర్భిణులకు గింజలు కూడా ఎంతో మేలు చేస్తాయి. జింక్, ఇతర పోషకాలు ఎక్కువగా ఉండే బాదం, జీడిపప్పును మీ ఆహారంలో తప్పకుండా చేర్చుకోవాలి. ఇవి కూడా మీ రోగనిరోధక శక్తిని పెంచడానికి సహాయపడతాయి. అలాగే మీ బిడ్డ ఎదుగుదలకు సహాయపడతాయి.

పొద్దుతిరుగుడు విత్తనాలు

పొద్దుతిరుగుడు విత్తనాలు కూడా గర్భిణులకు ప్రయోజనకరంగా ఉంటాయి. పొద్దుతిరుగుడు విత్తనాల్లో జింక్ పుష్కలంగా ఉంటుంది. వీటిని కూడా గర్భిణులు తమ ఆహారంలో చేర్చొచ్చు. ఇవి తల్లీ, బిడ్డను ఆరోగ్యంగా ఉంచుతాయి.

గుడ్లు

గర్బిణులు రోజుకు ఒకగుడ్డైనా ఖచ్చితంగా తినాలి. గుడ్లు పోషకాల భాండాగారం. ఇందులో విటమిన్ ఎ, విటమిన్ బి, విటమిన్ సి, విటమిన్ డి, విటమిన్ ఇ లు ఉంటాయి. గుడ్లలో కాల్షియం, సోడియం, పొటాషియం, మెగ్నీషియం,  ఇనుము కూడా పుష్కలంగా ఉంటాయి. ఒక పెద్ద గుడ్డులో 5 శాతం జింక్ ఉంటుంది.

Image: Getty

పాల ఉత్పత్తులు

గర్భిణులు ఖచ్చితంగా తీసుకోవాల్సిన వాటిలో పాలు, పాల ఉత్పత్తులు కూడా ఉన్నాయి. జింక్ ఎక్కువగా ఉండే ఈ ఆహారాలను మీ ఆహారంలో చేర్చడం వల్ల రోగనిరోధక శక్తి పెరుగుతుంది. 

చికెన్

చికెన్ లో కూడా జింక్ పుష్కలంగా ఉంటుంది. చికెన్ సూప్, గ్రిల్డ్ చికెన్ తినడం వల్ల జింక్ మీ శరీరానికి అందుతుంది. 

ఆలుగడ్డ

బంగాళాదుంపలను కూడా గర్బిణులు తినాలి. ఎందుకంటే వీటిలో తగినంత జింక్ కూడా ఉంటుంది.