ప్రతి ఇంట్లో కామన్ గా తల్లులు చేసే తప్పులు ఇవే...!

 ప్రతి తల్లి.. బిడ్డల క్షేమం కోసం, వారి అవసరాలు తీర్చడానికే చూస్తుంది. కానీ.. తెలిసీ తెలియక తల్లులు చేసే కొన్ని పనులు బిడ్డల భవిష్యత్తుపై ప్రతికూల ప్రభావాన్ని చూపిస్తున్నాయనే విషయం మీకు తెలుసా?

ఈ ప్రపంచంలో తల్లి ప్రేమ కంటే గొప్పది మరోటి లేదని చెప్పొచ్చు. తల్లి, తమ పిల్లల కోసం చాలా చేస్తుంది.  తాను ఆకలితో ఉన్నా.. తమ బిడ్డల ఆకలి తీరుస్తుంది.  తాను నిద్రపోకున్నా.. తన బిడ్డ మాత్రం ప్రశాంతంగా నిద్రపోవాలని అనుకుంటుంది.  దాదాపు మన దేశంలో ప్రతి తల్లి.. బిడ్డల క్షేమం కోసం, వారి అవసరాలు తీర్చడానికే చూస్తుంది. కానీ.. తెలిసీ తెలియక తల్లులు చేసే కొన్ని పనులు బిడ్డల భవిష్యత్తుపై ప్రతికూల ప్రభావాన్ని చూపిస్తున్నాయనే విషయం మీకు తెలుసా?

తమ బిడ్డల విషయంలో తల్లి తప్పు చేయడం ఏంటి అనే అనుమానం మీకు కలగొచ్చు. కానీ.. డైరెక్ట్ గా కాకపోయినా.. పొరపాటున అనే కొన్ని మాటలు చాలా ఎక్కువ ప్రభావం చూపిస్తాయి. అవేంటి..? పిల్లల ముందు తల్లి ఎలాంటి మాటలు మాట్లాడకూడదో ఓసారి చూద్దాం...

తల్లులు పిల్లలతో కాస్త స్ట్రిక్ట్ గా ఉండొచ్చు తప్పులేదు. కానీ కఠినంగా మాత్రం ఉండకూడదు. పిల్లలకు ప్రతి విషయంలో రూల్స్ పెట్టి... దానికి తగినట్లే ఉండాలి అని అనకూడదు. తల్లులు పిల్లలతో కాస్త సున్నితంగా ఉండాలి. మీరు ఏం చెప్పాలి అనుకుంటున్నారు అనే విషయాన్ని పిల్లలకు చాలా స్పష్టంగా తెలియజేయాలి. మరీ ఎక్కువ కఠినంగా ఉంటే... పిల్లలతో మీ బంధం సరిగా ఉండకపోవచ్చు.కాబట్టి... ఆ పొరపాటు చేయకండి. 

చాలా మంది తల్లులు... తమ మాట వినడం లేదని... తమ పిల్లలను తిడుతూ ఉంటారు. కానీ... మీరు అలా ఎక్కువగా తిట్టడం, అరవడం లాంటివి చేయడం వల్ల... వాటిని భరించలేక పిల్లలు మీకు దూరమైపోతూ ఉంటారు. ఆ పొరపాటు కూడా చేయకూడదు.

అంతేకాదు.. ఎక్కువ మంది తల్లులు చేసే పని ఏంటంటే.... పిల్లలు ఏదైనా చేయగానే వెంటనే మీ నాన్నకు చెబుతాను అని భయపెడుతూ ఉంటారు. ఇలా చేయడం వల్ల   పిల్లల దృష్టిలో తల్లి గౌరవం ఆటోమేటిక్‌గా తగ్గడం ప్రారంభమవుతుంది, ఎందుకంటే పిల్లలు తమ తల్లి ఒంటరిగా ఎటువంటి పరిస్థితిని ఎదుర్కోలేరని భావిస్తారు. మీరు కూడా ఇలాగే చేస్తే పిల్లల పెంపకంలో తెలిసి తెలియక పొరపాట్లు చేస్తున్నారు కాబట్టి వెంటనే మీ ఈ అలవాటుకు స్వస్తి చెప్పాలి.

Mother daughter

మనలో చాలా మంది తల్లులు మన పిల్లల మాట వినకుండా, వారితో బహిరంగంగా మాట్లాడకుండా వారికి సూచనలు మాత్రమే ఇస్తున్నారు. నిజానికి ఇలా చేయడం తప్పు. మీరు మీ పిల్లలతో మాట్లాడాలి. వారు చెప్పేదానిపై శ్రద్ధ వహించాలి. పిల్లలతో ఓపెన్ కమ్యూనికేషన్ ఉండేలా చూసుకోవాలి. పిల్లలకు ఎప్పుడూ సూచనలు ఇవ్వడమే కాదు... వారితో చక్కగా మాట్లాడాలి.

ఇక కామన్ గా చాలా మంది తల్లులు చేసే మరో తప్పు ఏంటంటే...  తమ పిల్లలను పక్కవారితో పోలుస్తూ ఉంటారు. ఒక్కోసారి పిల్లల లోపాలను ఎత్తి చూపి పక్కవారి పిల్లలతో పోల్చడం మొదలుపెడతాం, కొన్నిసార్లు అతని మార్కులు బాగా వచ్చినప్పుడు అదే తరగతికి చెందిన మరో పిల్లవాడితో పోల్చి చూస్తాం. ఇది మాత్రమే కాదు, చాలా మంది తల్లులు తమ ఇతర పిల్లలతో తమను తాము పోల్చుకోవడం ప్రారంభిస్తారు. వాస్తవానికి, ఇలా చేయడం వల్ల పిల్లల మనస్సులలో ఒత్తిడి ఏర్పడుతుంది. ఇది పిల్లలను చాలా మానసికంగా దెబ్బతీస్తుంది.