ఈ మూడూ చెప్పారంటే.. పిల్లలు మీకు ఫిదా!

పిల్లల్ని పెంచడం.. వాళ్లకు నచ్చేలా ఉండటం ఒక కళ. వాళ్లు మన మాట వినేలా చేస్తే వాళ్ల భవిష్యత్తును గొప్పగా తీర్చిదిద్దడం పెద్ద కష్టమేం కాదు. మరి అందుకు పిల్లలతో తల్లిదండ్రులు ఎలా ఉండాలి? వారి నుండి పిల్లలు ఏమి వినాలనుకుంటున్నారో ఇప్పుడు చూద్దాం...

పేరెంటింగ్ చిట్కాలు

పిల్లల భవిష్యత్తు బాగుండాలని తల్లిదండ్రులు కోరుకుంటారు. వారు తప్పు చేస్తే.. దేనిలోనైనా విఫలమైతే తిడతారు. తిట్టకపోతే, కొట్టకపోతే వాళ్లు చెడిపోతారని చాలా మంది తల్లిదండ్రులు భయపడతారు. కానీ అలా చేయడం వల్ల పిల్లల ఆత్మవిశ్వాసం తగ్గుతుంది. దానికి బదులుగా.. పిల్లలతో తల్లిదండ్రులు ఎలా ఉండాలి? వారి నుండి పిల్లలు ఏమి వినాలనుకుంటున్నారో ఇప్పుడు చూద్దాం...

చిన్న వయసులో తల్లిదండ్రుల మాటలు పిల్లల మనసుపై, ఆత్మవిశ్వాసంలో ఎక్కువ ప్రభావం చూపుతాయి. మీ పిల్లలకి 5 ఏళ్ల వరకు ప్రేమ, స్ఫూర్తినిచ్చే మాటలు చెబితే, వారు త్వరగా నేర్చుకుంటారు, బాగా ఎదుగుతారు. పిల్లలు తమ తల్లిదండ్రులతో, ప్రేమగా మాట్లాడేవారితో ఎక్కువగా దగ్గరవుతారు. పిల్లలు తప్పకుండా తల్లిదండ్రుల నోట ఈ కింది మాటలు వినాలి.

పిల్లలకు తల్లిదండ్రులు చెప్పాల్సిన ఆ మూడు మాటలు ఏమిటి?

1. నువ్వు నాకు చాలా స్పెషల్..

ప్రతి పిల్లవాడు తన తల్లిదండ్రులు తాను ఎలా ఉన్నా.. అలాగే ప్రేమించాలని కోరుకుంటారు. మరొకరిలా కాదు అని భావించాలనుకుంటారు. అందుకే తల్లిదండ్రులు కూడా.. మీ పిల్లలు మీకు చాలా స్పెషల్ అని చెప్పాలి. ఈ మాటల ద్వారా పిల్లలకి తాను తన తల్లిదండ్రులకు చాలా విలువైనవాడిని అనిపిస్తుంది. ఈ మాటలు పిల్లల ఆత్మవిశ్వాసం, స్వగౌరవాన్ని పెంచుతాయి. దీనివల్ల భవిష్యత్తులో వచ్చే సవాళ్లను వారు చక్కగా ఎదుర్కోగలుగుతారు.

2. నువ్వు గొప్పవాడివి...

చాలా సార్లు పిల్లలు తాము గొప్పవారు కాదని భావిస్తారు. నేను దేనికీ పనికిరాను అనుకుంటారు. ఇది ఎక్కువగా సామాజిక పోలికల వల్ల వస్తుంది. మన పిల్లలను వారి తోబుట్టువులతో, స్నేహితులతో, ఇతర పిల్లలతో పోల్చినప్పుడు, తెలియకుండానే వారిలో ఏదో లోపం ఉందనే భావన కలిగిస్తాం.
దానికి బదులుగా.. ఎవరితోనూ పోల్చకుండా వారు గొప్పవారని మీరు తెలియజేయాలి.

3. పోలికలకు అతీతంగా ఎలా ఉండాలి? మీ పిల్లలను ఒక అరుదైన, ప్రత్యేకమైన వ్యక్తిగా చూడండి.
ప్రతి పిల్లలలోనూ విభిన్న ప్రతిభ, గుణాలు ఉంటాయని గుర్తించండి. మీ పిల్లల ప్రత్యేకతలు, బలాలు, ప్రతిభను గుర్తించి, ప్రోత్సహించండి.

పిల్లలు ఎప్పుడూ "పరిపూర్ణంగా" ఉంటారని ఆశించకండి.
తప్పులు చేస్తే వాటి నుండి నేర్చుకోనివ్వండి. తప్పు చేయడం సహజమే అనే నమ్మకాన్ని కలిగించండి. ఈ మాటలు పిల్లలకి మానసిక భద్రతను కలిగిస్తాయి. దీనివల్ల వారు తమ ప్రత్యేకతను అర్థం చేసుకుని, ఆత్మవిశ్వాసంతో జీవిస్తారు.