భారతీయ సంస్కృతిని విదేశాలకు పరిచయం చేసిన మోదీ.. ఆ గిఫ్టుల వెనుక ఇంత కథ ఉందా?

విదేశీ పర్యటనల్లో ప్రధాని మోదీ వివిధ దేశాల నాయకులకు భారతీయ కళ, సంస్కృతి ప్రతిబింబించే విశిష్టమైన బహుమతులు అందించారు. వీటిలో వార్లీ పెయింటింగ్స్ నుండి వెండి పాత్రలు, చెక్క బొమ్మల వరకు ఉన్నాయి. వాటి వెనుక ఉన్న కథేంటో ఇప్పుడు వివరంగా తెలుసుకుందాం రండి. 

వార్లీ పెయింటింగ్

ప్రధాని మోదీ ఏ దేశానికి వెళ్లినా భారత దేశానికి చెందిన కళలు, సంస్కృతిని ప్రతిబింబించే బహుమతులు వారికి ఇస్తుంటారు. భారత దేశ గొప్పతనాన్ని ఇతర దేశాలకు తెలియజేయడానికి దీని వెనుక ఉన్న రహస్యం. ఈ విధంగా వారికి మన దేశ గొప్పతనం తెలిసేలా అనేక రాష్ట్రాలకు చెందిన ఎన్నో చిత్రాలు, బొమ్మలను వివిధ దేశాల అధినేతలకు గిఫ్టులుగా ఇచ్చారు. అవేంటో ఇప్పుడు చూద్దాం. 

బ్రెజిల్ అధ్యక్షుడు, కరికాం దేశాల నాయకులకు వార్లీ పెయింటింగ్‌ను బహుమతిగా ఇచ్చారు. ఇది మహారాష్ట్రలోని వార్లీ తెగ కళను ప్రతిబింబిస్తుంది. అదేవిధంగా గయానా ప్రథమ మహిళకు పష్మీనా శాలువా, కరికాం నాయకులకు కాశ్మీరీ కుంకుమపువ్వు బహుమతిగా ఇచ్చారు. గయానా అధ్యక్షుడికి చెక్క రాజసవారి విగ్రహం, ఆయన కుమారుడికి చెక్క బొమ్మ రైలు, ఉపాధ్యక్షుడికి ఫిలిగ్రీ పడవ, నేషనల్ అసెంబ్లీ స్పీకర్‌కు లడఖీ కేటిల్ బహుమతిగా ఇచ్చారు.

తంజావూరు పెయింటింగ్

నైజీరియా, బ్రెజిల్, గయానా పర్యటనల్లో మోదీ దేశ నలుమూలల నుండి విభిన్న బహుమతులు తీసుకెళ్లారు. మహారాష్ట్ర నుండి 8, జమ్మూ కాశ్మీర్ నుండి 5, ఆంధ్రప్రదేశ్, రాజస్థాన్ నుండి 3 చొప్పున తీసుకెళ్లారు. అంతేకాకుండా జార్ఖండ్ నుండి 2, కర్ణాటక, తమిళనాడు, ఉత్తరప్రదేశ్, బీహార్, ఒడిశా, లడఖ్ నుండి ఒక్కో బహుమతి తీసుకెళ్లారు. ఫ్రాన్స్ అధ్యక్షుడికి మోదీ తమిళనాడు తంజావూరు పెయింటింగ్ బహుమతిగా ఇచ్చారు. 

సోహ్రాయ్ పెయింటింగ్

నైజీరియా ఉపాధ్యక్షుడికి మోదీ హజారీబాగ్ సోహ్రాయ్ పెయింటింగ్ ఇచ్చారు. ఇది గిరిజన సంస్కృతిని చూపిస్తుంది. ఇటలీ ప్రధానికి అందమైన వెండి కొవ్వొత్తి స్టాండ్ బహుమతిగా ఇచ్చారు. అర్జెంటీనా అధ్యక్షుడికి రాజస్థాన్ వెండి ఫోటో ఫ్రేమ్, కరికాం ప్రధాన కార్యదర్శికి వెండి పండ్ల గిన్నె, ఇండోనేషియా అధ్యక్షుడికి కోహార్ పెయింటింగ్, చిలీ అధ్యక్షుడికి వెండి, శిషాం చెక్క ఫోటో ఫ్రేమ్ బహుమతిగా ఇచ్చారు.

వెండి క్లచ్, అరకు కాఫీ

బ్రెజిల్ అధ్యక్షుడి భార్యకు ఆంధ్రప్రదేశ్ రత్నాలతో వెండి క్లచ్, కరికాం నాయకులకు అరకు కాఫీ బహుమతిగా ఇచ్చారు. పోర్చుగల్ ప్రధానికి చేతితో చెక్కినటువంటి వెండి చదరంగం బహుమతిగా ఇచ్చారు.

పంచామృత కలశం

నైజీరియా అధ్యక్షుడికి కోల్హాపూర్ పంచామృత కలశాన్ని బహుమతిగా ఇచ్చారు. గయానా అధ్యక్షుడికి మధుబానీ పెయింటింగ్ గిఫ్ట్ గా ఇచ్చారు.

నీలం రాయి బహుమతి

ఆస్ట్రేలియా ప్రధానికి పూణే నుండి తెచ్చిన వెండి ఒంటె తలతో ఉన్న నీలం రాయి బహుమతిగా ఇచ్చారు. అదే విధంగా నార్వే ప్రధానికి రాజస్థాన్ మక్రానా మార్బుల్ బహుమతిగా ఇచ్చారు.