Viral Video: ఇలా ఉన్నారేంట్రా బాబూ.. ఫస్ట్ నైట్ వీడియోను సోషల్ మీడియాలో పోస్ట్ చేశారు

సోషల్ మీడియా విస్తృతి పెరిగిన త‌ర్వాత ప్ర‌తీ ఒక్క‌రూ ఫేమ‌స్ అవ్వాల‌ని చూస్తున్నారు. ఎలా అయినా స‌రే ఓవ‌ర్ నైట్‌లో ఫాలోవ‌ర్ల‌ను పెంచుకోవాలి. మెజారిటీ ఇప్పుడు ఇదే అభిప్రాయంతో ఉన్నారు. అయితే ఇందుకోసం కొంద‌రు పిచ్చి ప‌నులకు కూడా వెన‌కాడ‌డం లేదు. తాజాగా జ‌రిగిన ఓ ఘ‌ట‌న సోష‌ల్ మీడియా పిచ్చి ప‌రాకాష్ట‌కు చెప్పందని చెప్పేందుకు సాక్ష్యంగా నిలుస్తోంది.  

సినిమాకు వెళ్లాం, షాపింగ్ మాల్‌కు వెళ్లాం, గుడికి వెళ్లాం.. ఇలాంటి వివ‌రాల‌ను తెలుపుతూ సోష‌ల్ మీడియాలో వీడియోల‌ను పోస్టు చేయ‌డం స‌ర్వ‌సాధార‌ణం అయితే. ఓ జంట మాత్రం ఏకంగా మొద‌టి రాత్రి వీడియోను ఇన్‌స్టాగ్రామ్‌లో పోస్ట్ చేసింది. ఇప్పుడీ వీడియో నెట్టింట తెగ వైర‌ల్ అవుతోంది. అయితే ఈ వీడియో ఇప్పుడు న‌వ్వులు పూయిస్తోంది. ఇంత‌కీ ఈ వీడియోలో ఏముందో ఇప్పుడు తెలుసుకుందాం. 

Viral Video

సజ్జాద్ చౌదరి అనే వ్య‌క్తి త‌న భార్య‌తో మొద‌టి రాత్రి క్ష‌ణాల‌ను సోష‌ల్ మీడియాలో పంచుకున్నారు. భార్య‌తో ఏకాంతంగా ఉన్న స‌మ‌యంలో వారిద్ద‌రి మ‌ధ్య జ‌రిగిన సంభాష‌ణ‌కు సంబంధించిన వీడియోను షేర్ చేయ‌గా ఇప్పుడీ వీడియో తెగ వైరల్ అవుతోంది. వీడియో రికార్డ్ చేస్తున్న స‌మ‌యంలో భార్య మాట్లాడుతూ.. "మన వ్యక్తిగత విషయాలను ప్రజలకు చూపిస్తున్నారా?" అని అడిగింది. 

భార్య ప్ర‌శ్న‌కు స‌జ్జాద్ బ‌దులిస్తూ.. త‌న రంగుపై తానే సెటైర్ వేసుకున్నారు. "రంగు ముఖ్యం కాదు, హృదయంతో ప్రేమించాలి" అని భార్యను చూపిస్తూ చెబుతాడు. అంటే త‌న భార్య త‌న‌కంటే తెల్ల‌గా ఉన్నా త‌న‌ను ప్రేమిస్తోంద‌ని అర్థం వ‌చ్చేలా చెప్పుకొచ్చాడు. ఇక అంత‌టితో ఆగ‌కుండా "ఇంత అందమైన భార్య ఉంటే, ప్రజలకు చూపించకూడదా?" అని భార్య‌తో ప్ర‌శ్నించాడు. 

ఇక కాసేప‌టికి గ‌దిలో లైట్ ఆఫ్ చేసినప్పుడు భార్య మాత్రమే కనిపించడం ఫ‌న్నీగా ఉంది. "చాలా అందమైన అమ్మాయిని పెళ్లి చేసుకున్నాను. మీరు నన్ను చూస్తున్నారా లేదా అనేది ముఖ్యం కాదు, నా భార్య నాతో ఉంటే చాలు.  ప్రేమించండి, పెళ్లి చేసుకోండి, సంతోషంగా ఉండండి" అని వీడియోను ముగించాడు.

ఇదిలా ఉంటే ఇప్పుడీ వీడియో సోష‌ల్ మీడియాలో వైర్ అవుతోంది. ఈ వీడియోను చూసిన కొంద‌రు నెటిజ‌న్లు ఫ‌న్నీగా స్పందిస్తున్నారు. "ముందు మీ భార్య మేకప్ తీసేయమని చెప్పు, తర్వాత అందం గురించి మాట్లాడు" అని ఒకరు అన్నారు.

"రంగు ముఖ్యం కాదు, డబ్బు ముఖ్యం. మీరు ప్రభుత్వ ఉద్యోగి అయితేనే ముఖ్యం" అని కొందరు వ్యాఖ్యానించారు. మొదటి రాత్రి వీడియో అంటేనే కొందరు అశ్లీలత ఉంటుందని అనుకుంటారు. కానీ ఇక్కడ యువకుడు "రంగు చూసి ప్రేమించకూడదు, మనసు చూసి ప్రేమించాలి" అని సందేశం ఇచ్చాడు.

ఈ వీడియోను చూసేందుకు ఇక్కడ క్లిక్ చేయండి.