Sofa Cleaning: సోఫాను 10 నిమిషాల్లో మురికి పోగొట్టి కొత్తదానిలా మార్చేయచ్చు.. ఇదిగో వైరల్ చిట్కా

Sofa Cleaning:  ప్రతి ఇంట్లోని సోఫా ఉంటుంది. దానిపై కొన్ని నెలలకు మురికి పేరుకుపోతుంది. దీన్ని కేవలం 10 నిమిషాల్లోనే కొత్తదానిలా మెరిపించవచ్చు. దీన్ని కొత్తగా మార్చేందుకు ఇంట్లోనే చిన్న చిన్ని చిట్కాలు పాటించాలి.

Image Credit : AI

సోఫా క్లీనింగ్

ప్రతి ఇంట్లో హాల్‌కి సోఫానే అందం. దాన్ని రోజూ వాడటం వల్ల సోఫాపై దుమ్ము, చెమట, తిన్న ఫుడ్, పిల్లల గీతలతో త్వరగా మురికిగా మారిపోతుంది. అలాగే వదిలేస్తే సోఫా లుక్ పాడవ్వడమే కాదు, చెడు వాసన వచ్చి అలర్జీలకు కూడా కారణం అవుతుంది. కొన్ని సింపుల్ టిప్స్‌తో మీ సోఫాను మళ్లీ కొత్తదానిలా మార్చుకోవచ్చు.

సోఫాను శుభ్రం చేసే ముందు దాని ఫ్యాబ్రిక్‌ను బట్టి  క్లీనింగ్ చేయాలి. దీనికోసం సోఫా కుషన్ల కింద ఉండే 'క్లీనింగ్ కోడ్' లేబుల్ చూడండి. 'W' అని ఉంటే నీటి ఆధారిత క్లీనర్లు, 'S' అని ఉంటే నీళ్లు లేని సాల్వెంట్ (Solvent) క్లీనర్లు వాడాలి. 'X' అని ఉంటే, కేవలం వాక్యూమ్ క్లీనర్ లేదా బ్రష్‌తోనే శుభ్రం చేయాలి. మీరు ఏ క్లీనింగ్ సొల్యూషన్ వాడినా, ముందుగా సోఫాలో కనిపించని చిన్న ప్రదేశంలో టెస్ట్ చేయాలి. ఓ 10 నిమిషాల తర్వాత, ఫ్యాబ్రిక్ రంగు మారలేదని నిర్ధారించుకున్నాకే మొత్తం సోఫాను క్లీన్ చేయడం మంచిది. అలాగే క్లీనింగ్ ముందు వాక్యూమ్ క్లీనర్‌తో సోఫా మూలల్లోని దుమ్మును పూర్తిగా తీసేయండి. తడి గుడ్డతో తుడవండి.

Image Credit : getty

సోఫా క్లీనింగ్ వైరల్ టిప్

సోఫాను క్లీన్ చేసేందుకు  ఒక గిన్నెలో గోరువెచ్చని నీళ్లు, కొన్ని చుక్కల గిన్నెలు కడిగే లిక్విడ్, ఒక టీస్పూన్ బేకింగ్ సోడా వేసి బాగా కలపాలి.  ఒక మైక్రోఫైబర్ క్లాత్‌ను ఈ మిశ్రమంలో ముంచి, నీళ్లు కారకుండా గట్టిగా పిండాలి.  ఒక ఫ్లాట్ గిన్నె మూతపై పెట్టి రబ్బర్ బ్యాండ్‌తో టైట్‌గా కట్టండి. ఈ మూతతో సోఫా మెల్లగా రుద్దితే, చేతులతో శుభ్రం చేయలేని మురికి కూడా సులభంగా వచ్చేస్తుంది. ఈ పద్ధతి వల్ల మురికి పోవడమే కాక, ఎక్కువ నీళ్లు సోఫాలోకి వెళ్లకుండా కూడా ఉంటాయి.

Image Credit : pinterest

మరకలు, వాసన పోవాలంటే

సోఫాపై కాఫీ, టీ మరకలు పడతాయి.  పైన చెప్పిన సబ్బు నీళ్లను అద్ది, మెల్లగా ఒత్తి తుడవాలి. గట్టిగా రుద్దకూడదు. పెన్ ఇంక్ లాంటి మరకలు పోయేందుకు దూదిలో కొద్దిగా రబ్బింగ్ ఆల్కహాల్ తీసుకుని నెమ్మదిగా తుడవాలి. సోఫా నుంచి వచ్చే చెడు వాసన పోవాలంటే దానిపై బేకింగ్ సోడా చల్లి, ఓ 20 నిమిషాల తర్వాత వాక్యూమ్ క్లీనర్‌తో క్లీన్ చేయండి. ఆ వాసన పోతుంది. ఫ్యాన్ వేసి సోఫాను గాలికి పూర్తిగా ఆరబెట్టాలి.