చలికాలంలో కీరాలను తినొచ్చా? ఒకవేళ తింటే ఏమౌతుంది?

నిజానికి కీరాలు మన ఆరోగ్యానికి ఎంతో మంచివి. ఈ కీరాలు 96 శాతం నీటితోనే తయారవుతాయి. ఇది బరువు తగ్గేందుకు సహాయపడుతుంది. జీర్ణక్రియ ఆరోగ్యం ఉంటుంది. నల్లని మచ్చలు, కళ్ల చుట్టూ నల్లటి వలయాలు తగ్గిపోతాయి. వడదెబ్బ కొట్టే అవకాశాలను తగ్గించడానికి సహాయపడుతుంది. అంతేకాదు ఈ కాయ ఎన్నో అనారగ్య సమస్యలను నయం చేస్తుంది. అందుకే కీరాను ఎండాకాలంలో రోజూ తినాలని ఆరోగ్య నిపుణులు, డాక్టర్లు చెప్తుంటారు. నిజానికి కీరాలను అన్ని రకాల వాతావరణంలో తినొచ్చు. అయితే చలికాలంలో తినాలా? వద్దా? అనే దానిపై కొందరికి అనుమానాలున్నాయి. మరి దీనిపై నిపుణులు ఏమంటున్నారో ఇప్పుడు తెలుసుకుందాం.. 

ఆయుర్వేదం ప్రకారం కీర దోసకాయకు మూడు ప్రధాన లక్షణాలు ఉన్నాయి. శీతలీకరణ, వైద్యం, ఆస్ట్రిజెంట్. ఇది మొక్కల ఆధారిత ఆహార పదార్థం. దీని లక్షణాలు సేంద్రీయమైనవి. ఈ కీరా శరీరాన్ని చల్లబర్చడానికి సహాయపడుతుంది. కడుపులో వేడిని ఉత్పత్తి చేసే ఔషదం లేదా ఏదైనా ఆహార పదార్థానికి అలెర్జీ అయితే దానిని తగ్గిస్తుంది. అలాగే కాలిన గాయలను, మొటిమలను, దద్దుర్లను తగ్గిస్తుంది. కీరదోసకాయ కఫ, పిత్తం, వాతం వంటి మూడు దోషాలను  తగ్గించడానికి సహాయపడుతుంది. ఇది శరీరంలో నీటి శాతం తగ్గకుండా చూస్తుంది. అయితే ఆరోగ్య నిపుణుల అభిప్రాయం ప్రకారం.. ముందే చలికాలం.. ఈ సీజన్ లో కీరాను తినడం ఆరోగ్యానికి మంచిది కాదు. 

చలికాలంలో కీరాను తినొచ్చా? 

సాధారణంగా రోగనిరోధక శక్తి తక్కువగా ఉండే వాళ్లు, జలుబు, దగ్గు సమస్యలతో బాధపడేవారు చలికాలంలో కీరదోసకాయను తినకపోవడమే మంచిది. ఎందుకుంటే ఇది సహజ శీతలీకరణ, ఆస్ట్రింజెంట్ లక్షణాలను కలిగి ఉంటుంది. ఈ సీజన్ లో శరీరానికి వెచ్చదనం కావాలి. కానీ కీరాలు మన శరీరంలో వేడిని తగ్గిస్తాయి. కీరదోసకాయలను తిన్నా లేదా దాని రసం తాగినా శరీరంలో కఫం కంటెంట్ పెరుగుతుంది. ఇది జలుబుకు దారితీస్తుంది. 

శీతాకాలంలో కూడా కీరదోసకాయను తినాలనుకునే వాళ్లు పగటిపూట మాత్రమే తినాలి. ముఖ్యంగా సూర్య రశ్మిలో ఉన్నప్పుడు కీరదోసకాయను తినడం వల్ల శీతాకాలంలో సంక్రమణ ఎక్కువయ్యే అవకాశాలు తగ్గుతాయంటున్నారు నిపుణులు. ఈ కాయను ఉదయం, సాయంత్రం, రాత్రి సమయాల్లో తినకూడదని ఆరోగ్య నిపుణులు చెబుతున్నారు.