Hotel Secrets: హోటల్ రూమ్ లో బెడ్ కింద వాటర్ బాటిల్ ఎందుకు దొర్లించాలి?
Hotel Secrets: హోటల్ కి వెళ్లినప్పుడు.. ఆ రూమ్ లో బెడ్ కింద వాటర్ బాటిల్ దొర్లించాలని.. ఇలా చేయడం వల్ల చాలా పెద్ద ప్రమాదం నుంచి బయటపడతారు అంటూ చాలా రోజులుగా వార్తలు వైరల్ అవుతున్నాయి. అసలు అలా ఎందుకు చేయాలి? ఉపయోగం ఏంటి?
Hotel Room
ఏదైనా ట్రిప్ కి వెళ్లినప్పుడు లేదా ఏదైనా కొత్త ప్లేస్ కి వెళ్లినప్పుడు హోటల్స్ స్టే చేయడం చాలా కామన్. కానీ.. చాలా మందికి హోటల్స్ లో బస చేయాలంటే చాలా అనుమానాలు ఉంటాయి. మనకు కనిపించకుండా ఏవైనా కెమేరాలు ఉంటాయేమో.. వాటితో మన పర్సనల్ వీడియోలను రికార్డు చేస్తారేమో అనే భయం చాలా మందిలో ఉంటుంది. ఎందుకంటే.. ఇప్పటి వరకు అలా పర్సనల్ వీడియోలు బయటకు వచ్చి ఇబ్బంది పడిన వారు చాలా మందే ఉన్నారు. ఇలాంటి వార్తలు చాలానే విన్నాం. అయితే.. అలాంటి ప్రమాదంలో పడకుండా ఉండేందుకు వాటర్ బాటిల్ టెక్నిక్ ఫాలో అవ్వాలని చెబుతున్నారు.
ఏంటి ఈ వాటర్ బాటిల్ హ్యాక్..?
మీరు ఏదైనా తెలియని ప్రదేశంలో హోటల్ కి వెళ్లి బస చేస్తున్నప్పుడు భద్రతను పాటించడం చాలా ముఖ్యం. మీరు రూమ్ లో చెక్ ఇన్ చేసిన వెంటనే మీ గదిలోకి వెళ్లి, మంచం కింద ఒక వాటర్ బాటిల్ ని దొర్లించాలి. ఇలా చేయడం వల్ల.. ఆ రూమ్ లో ఎవరైనా దుండగులు దాక్కొని ఉన్నారేమో అనే విషయం తెలుస్తుంది. హోటల్స్ లో బెడ్స్ చాలా పెద్దగా ఉంటాయి. వాటి కింద వేరే వాళ్లు దాక్కునే అవకాశం చాలా ఎక్కువగా ఉంటుంది. అందుకే.. బాటిల్ ని కిందకి రోల్ చేస్తే.. ఈజీగా ఎవరైనా ఉంటే తెలిసిపోతుంది. వాటర్ బాటిల్ వేయడం ఎందుకు తొంగి చూస్తే సరిపోతంది కదా అని మీరు అనుకోవచ్చు. నిజంగా ఎవరైనా ఉంటే.. వాళ్లు మీపై దాడి చేసే ప్రమాదం ఉంది. అందుకే.. డైరెక్ట్ గా వొంగి చూడకుండా.. వాటర్ బాటిల్ దొర్లించడం మంచిది.
మరి, సీక్రెట్ కెమేరాలు ఎలా కనుక్కోవాలి?
మరి, హోటల్స్ గదుల్లో సీసీ కెమేరాలు ఉన్నాయో లేదో ఎలా గుర్తించే ట్రిక్స్ కూడా ఉన్నాయి. మీరు రూమ్ లోకి వెళ్లగానే.. లైట్స్ అన్నీ ఆపేసి.. మొబైల్ ప్లాష్ లైట్ ఆన్ చేసి, అనుమానాస్పద వస్తువులపై ఫోకస్ చేయాలి. అక్కడ కెమేరా లెన్స్ ఉంటే.. మనకు తెలిసిపోతుంది. దీంతో పాటు.. మీరు మొబైల్ యాప్ లో లేదా ప్లే స్టోర్ లో లభించే హిడెన్ కెమెరా డిటెక్టర్ యాప్ ల ద్వారా కూడా గుర్తించవచ్చు.
తలుపు భద్రత – గ్లాస్ హ్యాక్
హోటల్ గది తలుపు తాళాలను కొన్నిసార్లు మాస్టర్ కీ ఉపయోగించి తెరవవచ్చు. దీనికోసం, రాత్రి పడుకునే ముందు, మీరు తలుపు హ్యాండిల్‌పై రెండు గాజు గ్లాసులను ఒకదానిపై ఒకటి ఉంచాలి. ఎవరైనా బయటి నుండి తలుపు తెరవడానికి ప్రయత్నిస్తే, ఆ గ్లాసులు కిందపడి పగిలిపోయి పెద్ద శబ్దం చేస్తాయి. దీనివల్ల మనం వెంటనే మేల్కొంటాము. ఈ చిన్న చిట్కాలను పాటించడం ద్వారా, మీరు పెద్ద ప్రమాదాల నుండి మిమ్మల్ని మీరు కాపాడుకోవచ్చు.
