బరువు తగ్గడానికి కేలరీలను తగ్గించాలా? లేకపోతే అడపాదడపా ఉపవాసం ఉండాలా? దీనిలో ఏది బెస్ట్ అంటే..

అడపాదడపా ఉపవాసం అంటే ఒక నిర్ధిష్ట కాలం వరకు కొన్ని ఆహారాలను తినడం లేదా పూర్తిగా నివారించడం. అయితే ఈ మధ్యకాలంలో బరువు తగ్గేందుకు చాలా మంది ఆడపాదడపా ఉపవాసమే ఉంటున్నారు. అసలు ఇది ఆరోగ్యకరమైనదేనా? 

weight loss

నిజానికి బరువు తగ్గడం అంత సులువు కాదు. కానీ పట్టువదలకుండా ప్రయత్నిస్తే మాత్రం మీరు ఖచ్చితంగా బరువు తగ్గుతారు. అలా తగ్గిన వారు చాలా మందే ఉన్నారు. ప్రతిరోజూ వ్యాయామం చేస్తూ..  కేలరీలు తక్కువగా ఉండే ఆహారాలను తింటే సులువుగా బరువు తగ్గుతారు. అయితే బరువు తగ్గడానికి ఒక్కొక్కరు ఒక్కో పద్దతిని ఫాలో అవుతుంటారు. ఈ మధ్యకాలంలో చాలా మంది అడపాదడపా ఉపవాసం ఉంటున్నారు. ఈ ఆడపాదడపా ఉపవాసంలో ఒక నిర్ధిష్ట సమయం పాటు కొన్ని ఆహారాలనే తినడం లేదా పూర్తిగా నివారించాల్సి ఉంటుంది. ఇది ప్రాచుర్యం పొందినప్పటికీ.. పగటిపూట మొత్తం తినే విండోను పరిమితం చేయడం వల్ల ఇది బరువును నియంత్రించడానికి సహాయపడుతుందో లేదో అధ్యయనాలు ఎలాంటి విషయాలు చెప్పలేదు. అమెరికన్ హార్ట్ అసోసియేషన్ జర్నల్  లో ప్రచురించబడిన పరిశోధన, ఆరేళ్ల ఫాలో-అప్ కాలంలో భోజన సమయం.. బరువు మార్పుతో సంబంధం కలిగి లేదని పేర్కొంది.

కేలరీలను తగ్గించడం లేదా అడపాదడపా ఉపవాసం?

అడపాదడపా ఉపవాసం

ఉపవాసం అనేది ఒక నిర్దిష్ట కాలం వరకు కొన్ని ఆహారాలను తినడం లేదా పూర్తిగా నివారించడం. ఈ మధ్యకాలంలో బరువు తగ్గాలనుకున్న వారు ఆడపాదడపా ఉపవాసాన్నే ఫాలో అవుతున్నారు. అధ్యయనాల సమయంలో.. అడపాదడపా ఉపవాసం అధిక బరువు లేదా ఊబకాయం ఉన్నవారిలో అనుకూలమైన ఫలితాలను ఇచ్చినప్పటికీ.. దీనిని ప్రయత్నించిన మహిళలకు మాత్రం ఎన్నో సమస్యలు తలెత్తాయని కనుగొన్నారు. అవేంటంటే.. 

తీవ్రమైన మూడ్ స్వింగ్స్
విపరీతమైన ఆకలి
తక్కువ శక్తి
అలసట
ఆహారం గురించి ఆలోచనలు
పరిమిత కేలరీలు లేని రోజుల్లో అతిగా తినడం
డిప్రెషన్
కోపం

<p>intermittent fasting</p>

చాలా మంది మహిళలు అడపాదడపా ఉపవాసం ఉన్న మొదటి కొన్ని వారాలలో ఇలాంటి సమస్యలున్నట్టు వెల్లడించారు. కేలరీల వినియోగాన్ని పరిమితం చేయడం వల్ల వారి రుతుచక్రానికి ఆటంకం కలిగిస్తుందని కూడా కనుగొన్నారు. 

కేలరీలను తగ్గించడం

ఇది ఒక నిర్దిష్ట ఆహారం, దాని ఆరోగ్య కారకాలపై దృష్టి పెట్టడం. దీని ద్వారా బరువు తగ్గడానికి ప్రజలకు సహాయపడుతుంది. తక్కువ సమయంలో ఎక్కువ బరువు తగ్గాలనే ఆలోచన ఉన్నవారు ఈ పద్దతిని ఎక్కువగా ఫాలో అవుతారు. కానీ ఇలా కేలరీలను తగ్గించడం వల్ల బరువు తగ్గడానికి కొంచెం ఎక్కువ సమయం పడుతుంది. కాని  కానీ బరువు తగ్గడానికి ప్రభావవంతమైన మార్గం ఇదే. అయితే కేలరీలను తగ్గించేటప్పుడు మీ శరీరంలో ఎన్నో మార్పులు వస్తాయి. 

ఆరోగ్యంగా బరువు తగ్గాలంటే ఎక్కువ కేలరీలు ఉండే ఆహారాలకు బదులుగా ఆరోగ్యకరమైన కార్బోహైడ్రేట్లు తక్కువగా ఉండే  ఆహారాలను తీసుకోండి. పిజ్జాకు బదులుగా సలాడ్ తీసుకోండి. లేదా చిప్స్ కు బదులుగా పాప్ కార్న్, పనీర్, మొక్కజొన్న లేదా టోఫుతో భర్తీ చేయండి. ఎన్నో పోషకాలను కలిగి ఉన్న, ఫైబర్ కంటెంట్ అధికంగా ఉండే పండ్లు, కూరగాయలను ఎక్కువగా తినండి. ఇవి మీ కడుపును ఎక్కువ సేపు నిండుగా ఉంచుతాయి. మీ ఆకలిని నియంత్రిస్తాయి. దీంతో మీరు ఆరోగ్యకరంగా బరువు తగ్గుతారు. అలాగని కేలరీలను మరీ ఎక్కువగా తగ్గిస్తే మాత్రం మీ శరీరంలో శక్తి స్థాయిలు తగ్గుతాయి. తొందరగా నీరసంగా మారిపోవడంతో పాటుగా ఎన్నో అనారోగ్య సమస్యలు వస్తాయి.