Insects: వర్షాకాలంలో ఈ పురుగులు పాముల కంటే ఎక్కువ డేంజర్..!

Insects: ఈ వర్షాకాలంలో పాములతో ఎంత ప్రమాదం ఉంటుందో.. అంతకంటే ఎక్కువ ప్రమాదం కొన్ని రకాల పురుగుల వల్ల ఉంటుంది. ఏకంగా.. ప్రాణాలు పోయే ప్రమాదం కూడా ఉంది.

Image Credit : chat GPt

చిన్న పురుగులు...

వర్షాకాలంలో పాముల బెడద కాస్త ఎక్కువగానే ఉంటుంది. బయటి వర్షాలకు ఉండలేక అవి ఇంట్లోకి దూరిపోతూ ఉంటాయి. పాము కాటు వేస్తే ఎంత ప్రమాదమో అందరికీ తెలుసు. కానీ, పాము కంటే భయంకరమైనవి కొన్ని ఉన్నాయి. ముఖ్యంగా ప్రతిరోజూ మన ఇంట్లో తిరిగే కొన్ని చిన్న పురుగులే.. మన ప్రాణాలు తీసేసే ప్రమాదం కూడా ఉంది. మరి, పాములకంటే డేంజర్ అయిన పురుగులు ఏంటో చూద్దాం...

Image Credit : X

1.దోమ..

ప్రతిరోజూ దోమలు మన ఇంట్లో తిరుగుతూనే ఉంటాయి. దోమలే కదా అని మనం పెద్దగా పట్టించుకోం. కానీ, ఆ దోమల కారణంగానే ప్రాణాలు పోయే ప్రమాదం కూడా ఉంది. ఈ దోమల కారణంగా మలేరియా, డెంగ్యూ, చికెన్ గునియా, జికా వైరస్ వంటి ప్రాణాలు తీసే వ్యాధులు వచ్చే అవకాశం ఉంది. ఇలాంటి వాటి కారణంగా ప్రాణాలు కోల్పోయిన వారు కూడా ఉన్నారు. అందుకే.. ఇంట్లోకి దోమలు రాకుండా జాగ్రత్త పడాలి. పరిసరాలను శుభ్రంగా ఉంచుకోవాలి.

2.తేనెటీగలు, కందిరీగలు..

తేనెటీగలు, కందిరీగలు కూడా కుడితే చాలా ప్రమాదం. వాటిలో ఉండే విషం వల్ల కూడా కొందరికి అనాఫిలాక్సిస్ అనే తీవ్రమైన అలర్జీ లాంటివి రావచ్చు. దీని వల్ల శ్వాస సంబంధిత సమస్యలు కూడా వస్తాయి. అంతేకాదు ముఖం వాయడం, తల తిరగడం వంటి లక్షణాలు కనిపించినా కూడా వెంటనే డాక్టర్ ని కలవాలి.

Image Credit : freepik

3.ఎర్ర చీమ..

నార్మల్ గా కాదు.. ఎర్ర చీమలు కొన్ని పెద్దవి కూడా ఉంటాయి. అలాంటి ఎర్ర చీమలు కుట్టినా కూడా చాలా మందికి అలర్జీ లాంటి సమస్యలు వస్తాయి. అందుకే, ఇలాంటి చీమలు విషయంలోనూ చాలా జాగ్రత్తగా ఉండాలి.

4.టిక్స్..

ఇవి కుడితే కూడా చాలా ప్రమాదం. ఇవి.. మన శరీరంలో రక్తాన్ని ఎక్కువ పీల్చేస్తాయి. మనుషులు మాత్రమే కాదు.. పెంపుడు జంతువుల ప్రాణాలు కూడా ఇవి తీసేయగలవు. ఇంట్లో పెంపుడు జంతువులు ఉన్న వారికి వీటి గురించి బాగా తెలుస్తుంది. ఇవి మనల్ని కుట్టినప్పుడు నొప్పి కూడా అనిపించదు. కానీ.. ప్రమాదకరమైన వైరస్ లను మన శరీరంలోకి పంపే ప్రమాదం ఉంది.

5.అనసిస్ బగ్స్...

ఈ అనసిస్ బగ్స్ కూడా సాయంత్రపూట ఇంట్లోకి ఈజీగా దూరేస్తూ ఉంటాయి. వీటినే కిస్సింగ్ బగ్స్ అని కూడా పిలుస్తారు. రాత్రిపూట ముఖం, పెదాల దగ్గర ఇవి ఎక్కువగా కరుస్తూ ఉంటాయి. ఇవి కుట్టడం వల్ల ముఖం మీద గాయమే కాదు.. చాలా రకాల ఆరోగ్య సమస్యలు కూడా వచ్చే ప్రమాదం ఉంది. ఇవి మోసుకొచ్చే వైరస్ లు చాలా ఎక్కువ ఇబ్బంది పెడతాయి.