- Home
- Feature
- Snakes: బ్రతికున్న పాము ఎంత ప్రమాదమో.. చనిపోయిన పాము కూడా అంతే ప్రమాదం.. ఎందుకో తెలుసా?
Snakes: బ్రతికున్న పాము ఎంత ప్రమాదమో.. చనిపోయిన పాము కూడా అంతే ప్రమాదం.. ఎందుకో తెలుసా?
Snakes: పాము బతికి ఉంటే.. ఎక్కడ వచ్చి మనల్ని కాటేస్తుందా అనే భయం ఉండటం చాలా సహజం. కానీ, బతికున్న పాముతో ఎంత ప్రమాదమో.. చనిపోయిన పాముతో కూడా అంతే ప్రమాదం అని మీకు తెలుసా?
చనిపోయిన పాము పట్టుకుంటున్నారా?
వర్షాకాలంలో ఇంట్లోకి పాములు రావడం చాలా సహజం. అయితే.. పాము ఇంట్లోకి రాగానే సహజంగానే భయపడిపోతాం. అది మనల్ని ఎక్కడ కరుస్తుందా అని.. దానిని బయటకు పంపడానికి విశ్వప్రయత్నాలు చేస్తాం. కొందరు అయితే.. పాము కనిపించగానే.. దానిని కొట్టి చంపేదాకా వదిలిపెట్టరు. అయితే.. బతికున్న పాము ఎంత ప్రమాదమో.. చనిపోయిన పాము కూడా అంతే ప్రమాదం అని నిపుణులు చెబుతున్నారు. నమ్మసక్యంగా లేకపోయినా ఇదే నిజం. దాని వెనక ఉన్న కారణం ఏంటో ఇప్పుడు చూద్దాం...
సైంటిఫిక్ కారణం ఇదే..
బతికున్న పాము కోరల్లో విషయం ఉన్నట్లే.. పాము చనిపోయినా కూడా దాని కోరల్లో విషం ఉంటుంది. మనం తెలిసీ, తెలియక ఆ చనిపోయిన పాముని పట్టుకున్నా కూడా.. దాని కూరల్లోని విషయం మీ చర్మానికి తగిలితే ప్రాణానికి ప్రమాదం అని నిపుణులు చెబుతున్నారు. బతికున్న పాముల మాదిరిగానే, వీటి విషం మన శరీరంలోకి ప్రవేశించే అవకాశాలు ఎక్కువగా ఉంటాయి.
అంతేకాదు, నాగు పాములు, కట్లపాములు, వైఫర్ లాంటి విషపూరితమైన పాములు హీమోటాక్సిన్ లను ఉత్పత్తి చేస్తాయి. ఈ విషం మన శరీరానికి తగిలితే, అది మన నాడీ వ్యవస్థ, రక్తంపై ప్రభావం చూపుతుంది. పాము చనిపోయిన తర్వాత కూడా, హీమోటాక్సిన్ అనే విషం దాని కోరల్లో మిగిలి ఉంటుంది. ఈ విషయం కొన్ని గంటల పాటు పవర్ ఫుల్ గా ఉంటుంది. దీని వల్ల కూడా మనకు ప్రమాదం జరగొచ్చు.
పాము చనిపోయింది కదా అని పట్టుకుంటే...
చనిపోయిన పామును ఒట్టి చేతులతో పట్టుకుంటే, పాము కోరలు( దంతాలు) మన చర్మానికి తాకినా కూడా ప్రమాదమే. చనిపోయిన తర్వాత కూడా పాములలోని కొన్ని కండరాలు కొంతకాలం పాటు సజీవంగా ఉంటాయి. పామును చేతితో పట్టుకున్నప్పుడు కండరాల కదలిక కారణంగా దాని కోరలు మన శరీరానికి గుచ్చుకునే ప్రమాదం ఉంది. దాని వల్ల విషం శరీరంలోకి చేరే అవకాశం ఉంది. కాబట్టి, పాము చనిపోయిన సరే దానిని పట్టుకోకూడదు. అంతేకాదు, ఒక్కోసారి గాయం తగిలి పాము చనిపోయినట్లుగా నిర్జీవంగా పడిపోయి ఉండొచ్చు. మీరు దానిని చనిపోయింది అనుకొని పట్టుకుంటే.. అప్పుడు అది కాటు వస్తే.. మీ ప్రాణానికే ప్రమాదం కాబట్టి.. ఇలాంటి పొరపాట్లు చేయకూడదు అని నిపుణులు చెబుతున్నారు.
