ఈ కూరగాయలు బరువును ఫాస్ట్ గా తగ్గిస్తాయి.. తింటున్నారా? లేదా?
కొన్ని రకాల కూరగాయలు కూడా అధిక బరువును వెన్నలా కరిగించేస్తాయి. ఎందుకంటే వీటిలో బరువును తగ్గించే ఫైబర్ కంటెంట్ ఎక్కువ మొత్తంలో ఉంటుంది.
weightloss
బరువు పెరగడం తేలికే.. కానీ బరువు తగ్గడం మాత్రం అంత సులువు కాదు. ఎన్నో కఠినమైన వ్యాయామాలు.. డైటింగ్ ను క్రమం తప్పకుండా ఫాలో అయితేనే బరువు తగ్గుతారు. ఫలితాలు తొందరగా రావనే చాలా మంది కొన్ని రోజులే వెయిట్ లాస్ టిప్స్ ను ఫాలో అయ్యి మధ్యలోనే ఆపేస్తారు. దీనివల్ల మీరు బరువు విపరీతంగా పెరిగిపోయి.. ఎన్నో ప్రమాదకరమైన రోగాల బారిన పడే ఛాన్సెస్ ఉన్నాయి. అందుకే బరువు తగ్గుందుకు వ్యాయామాలను రోజూ చేయండి. మంచి డైటింగ్ ను కూడా ఫాలో అవ్వండి. అయితే కొన్ని రకాల కూరగాయలు కూడా బరువును తగ్గించేందుకు సహాయపడతాయి. అవేంటో తెలుసుకుందాం..
బ్రోకలీ
బ్రోకలీ బరువును తగ్గించడంలో ఎఫెక్టీవ్ గా పనిచేస్తుంది. ఎందుకంటే దీనిలో ఫైబర్ కంటెంట్ ఎక్కువ మొత్తంలో ఉంటుంది. అంతేకాదు ఇందులో పీచు పదార్థాలు సమృద్ధిగా ఉంటాయి. బ్రోకలీలో రోగ నిరోధక శక్తిని పెంచే విటమిన్ సి కూడా పుష్కలంగా ఉంటుంది. ఈ కూరగాయ అధిక బరువును తగ్గించడమే కాదు.. మనల్ని ఆరోగ్యంగా కూడా ఉంచుతుంది.
green peas
పచ్చి బఠానీలు
పచ్చి బఠానీలతో చేసిన కూరలు ఎంతో టేస్టీగా ఉంటాయి. అందుకే వీటిని తరచుగా తింటుంటారు. మీకు తెలుసా.. వీటిలో బరువును తగ్గించడానికి సహాయపడే ఫైబర్ కంటెంట్ ఎక్కువ మొత్తంలో ఉంటుంది. అలాగే వీటిలో పీచు పదార్థంతో పాటుగా విటమిన్లు, ఐరన్, విటమిన్ ఎ, విటమిన్ సి పుష్కలంగా ఉంటాయి. అందుకే వీటిని ఆరోగ్యకరమైన ఆహారంగా పరిగణిస్తారు.
బెండకాయ
బెండకాయ కూడా బరువును తగ్గించడంలో ఎఫెక్టీవ్ గా పనిచేస్తుంది. దీనిలో ఫైబర్ పుష్కలంగా ఉంటుంది. ఇది బరువును తగ్గించడానికి సహాయపడుతుంది. బెండకాయలో కాల్షియం, కార్బ్, ఎంజైమ్లు, పొటాషియం, విటమిన్లు, ప్రోటీన్, ఖనిజాలు వంటి ఎక్కువ మొత్తంలో ఉంటాయి. ఇవి మన శరీరానికి ఎన్నో విధాలుగా ఉపయోగపడతాయి.
గుమ్మడికాయ
గుమ్మడికాయలో ఎన్నో ఔషదగుణాలుంటాయి. అందుకే దీనిని కూరగా చేసుకుని తింటుంటారు. గుమ్మడి కాయ బరువు తగ్గేందుకు కూడా సహాయపడుతుంది. దీనిలో విటమిన్ ఎ, విటమిన్ కె, కాల్షియం సమృద్ధిగా ఉంటాయి. గుమ్మడి గింజలు కూడా మన ఆరోగ్యానికి ఎంతో మేలు చేస్తాయి.
కాలీఫ్లవర్
క్యాలీఫ్లవర్ ను శాకాహారులు ఇష్టంగా తింటుంటారు. ఇది టేస్టీగా ఉంటుంది. అయితే దీనిలో బరువు తగ్గేందుకు సహాయపడే ఫైబర్ పుష్కలంగా ఉంటుంది. అందుకే బరువు తగ్గాలనుకునే వారికి ఇది బెస్ట ఫుడ్ అంటారు నిపుణులు.
వంకాయ
వంకాయ మన ఆరోగ్యానికి ఎన్నో విధాలా మేలు చేస్తుంది. వంకాయను తినడం వల్ల వేగంగా బరువు తగ్గుతారు. ఎందుకంటే దీనిలో కూడా ఫైబర్ కంటెంట్ పుష్కలంగా ఉంటుంది. ఫైబర్ ఆకలిని నియంత్రిస్తుంది.