ఉసిరికాయను వీళ్లు అస్సలు తినకూడదు.. మర్చిపోయి తిన్నారో అంతే సంగతులు..
ఉసిరికాయను సీజన్ తో సంబంధం లేకుండా తినొచ్చు. ఇది ఎన్నో అనారోగ్య సమస్యలను తగ్గిస్తుంది. కానీ కొంతమంది మాత్రం ఉసిరికాయను మర్చిపోయి కూడా తినకూడదు. ఒకవేళ తింటే..
ఉసిరి మన ఆరోగ్యానికి ఎంతో మంచిది. అందుకే దీన్ని సీజన్లతో సంబంధం లేకుండా తినొచ్చంటారు ఆరోగ్య నిపుణులు. ఉసిరికాయలో విటమిన్ ఎ, పొటాషియం, విటమిన్ బి6, కాల్షియం, ఫైబర్ వంటి పోషకాలు పుష్కలంగా ఉంటాయి. ఉసిరి చర్మాన్ని ఆరోగ్యంగా, కాంతివంతంగా చేస్తుంది. అలాగే ఇది జుట్టు సమస్యలను కూడా పోగొడుతుంది. తెల్లజుట్టును నల్లగా చేయడం, హెయిర్ ఫాల్ ను ఆపడం, చుండ్రును పోగొట్టడంలో ఎఫెక్టీవ్ గా పనిచేస్తుంది. దీనిలో ఉండే విటమిన్ సి రోగ నిరోధక శక్తిని పెంచుతుంది. ఉసిరి వాంతులు, విరేచనాల సమస్యల నుంచి ఉపశమనం కలిగిస్తుంది. వీటితో పాటుగా ఉసిరి మనకు ఎన్నో విధాలుగా ప్రయోజనకరంగా ఉంటుంది. అయినప్పటికీ ఉసిరికాయను కొంతమంది అసలే తినకూడదు. ఎవరెవరు తినకూడదు..? ఎందుకు తినకూడదో తెలుసుకుందాం పదండి.
బ్లడ్ షుగర్ లెవెల్స్ తక్కువగా ఉండేవారు
రక్తంలో ఉండాల్సిన వాటికంటే తక్కవ చక్కెర స్థాయిలు ఉన్నవారు ఉసిరి కాయలను తినకూడదు. ఒకవేళా తిన్నా ఎక్కువగా తినకూడదు. ఎందుకంటే ఉసిరి రక్తంలో చక్కెర స్థాయిలను మరింత తగ్గిస్తుంది.
ఎసిడిటీ
ఈ రోజుల్లో ఎసిడిటీతో బాధపడేవారి సంఖ్య బాగా పెరిగిపోయింది. అయితే ఎసిడిటీ ఉన్నవారు కూడా ఉసిరికాయను తినడం అంత మంచిది కాదంటున్నారు ఆరోగ్య నిపుణులు. ఎందుకంటే దీనిలో విటమిన్ సి ఎక్కువ మొత్తంలో ఉంటుంది. ఇది హైపర్ ఎసిడిటీ ఉన్నవారి సమస్యలను మరింత పెంచుతుంది. అందుకే ఈ సమస్య ఉన్నవారు ఉసిరిని మర్చిపోయి కూడా తినకూడదు.
శస్త్రచికిత్స
ఏదైనా శస్త్రచికిత్స చేయించుకున్నవారు కూడా ఉసిరికాయను తినకూడదు. కొన్ని రోజుల పాటు ఉసిరికాయల జోలికి వెళ్లకపోవడమే మంచిదని నిపుణులు చెబుతున్నారు. ఎందుకంటే ఇలాంటి వాళ్లు ఉసిరికాయను తింటే రక్తస్రావం అయ్యే ప్రమాదం పెరుగుతుంది. అందుకే వీళ్లు దీన్ని తినకూడదు.
డీహైడ్రేషన్
శరీరంలో తగినంత నీరు లేకపోతే బాడీ డీహైడ్రేషన్ బారిన పడుతుంది. ఈ డీహైడ్రేషన్ మన ప్రాణాలను కూడా తీయొచ్చు. డీహైడ్రేషన్ సమస్య ఉన్నవారు ఉసిరి కాయను మర్చిపోయి కూడా తినకూడదు. ఎందుకంటే ఉసిరి డీహైడ్రేషన్ సమస్యను మరింత పెంచుతుంది.