Rising Divorce Rates అధిక విడాకులకు ఆ సమస్యే కారణమట.. మరి ఎదుర్కొనేదెలా?
సెలెబ్రిటీలే కాదు.. ఈమధ్య సామాన్యులు కూడా ఎక్కువగా విడిపోతున్న ఉదంతాలు చూస్తున్నాం. అసలు కారణాలేంటి? అని నిపుణులు దీని గురించి ఆరా తీశారు. అధ్యయనం చేశారు. విడిపోతున్న జంటలతో వివరంగా మాట్లాడారు. కౌన్సెలింగ్ చేసిన వాళ్ళని చూస్తే చాలా మంది దాంపత్య జీవితంలో సమస్యలకు ఒకే కారణం చెప్తారు. అదేంటో తెలుసా?
ఇప్పుడున్న యూత్ పెళ్లయిన కొద్ది నెలలకే విడాకులకి అప్లై చేస్తున్నారు. ఇది రోజురోజుకీ ఎక్కువైపోతుంది. అసలు భార్యాభర్తల మధ్య గొడవలకు కారణమేంటి? విడిపోయే ముందు ఇద్దరికీ కౌన్సెలింగ్ చేసిన నిపుణులు ఏం చెప్పారో తెలుసుకోండి. ఫ్యామిలీ కోర్టు చెప్పిన దాని ప్రకారం చాలా మంది భార్యాభర్తలు లైంగికంగా తృప్తి చెందకపోవడం వల్ల విడాకులు తీసుకుంటున్నారట. పెళ్లి చేసుకునే వాళ్ళు తమకి, తమ భాగస్వామికి లైంగిక తృప్తి ఉందో లేదో చూసుకుంటే మంచిది.
ఎందుకీ అసంతృప్తి?
1. పని ఒత్తిడి. ఇద్దరూ ఉద్యోగాలు చేస్తే, వేర్వేరు సమయాల్లో పనిచేస్తే భార్యాభర్తలు కలవడం కూడా కష్టమవుతుంది. కొత్తగా పెళ్లయిన వాళ్ళు ఇంతకుముందు రోజూ కలిసి కూర్చునేవాళ్ళు. దానివల్ల ఇద్దరి మధ్య అనుబంధం పెరిగేది. కానీ ఇప్పుడు కూర్చోవడం కాదు కదా, కలిసి పడుకోవడం కూడా తగ్గిపోయింది. కొత్తగా పెళ్లయిన వాళ్ళు కూడా వారానికి ఒకసారి లేదా రెండుసార్లు మాత్రమే కలుస్తున్నారు. అంత పని ఒత్తిడి ఉంటోంది. బెడ్రూమ్లోకి కూడా ఉద్యోగం తలనొప్పి వస్తుండటంతో సరదాగా గడపడానికి మనసు, శరీరం సహకరించడం లేదు.
పరిష్కారాలు: పని మధ్యలో కాస్త విరామం తీసుకోవాలి. ఆఫీసులు ఇంటి దగ్గరలో ఉంటే మంచిది. ఇద్దరూ కలిసి కొత్త హాబీలు ట్రై చేయాలి. ఇద్దరికీ ఇష్టమైన పనులు చేయాలి. కలిసి వంట చేయడం వల్ల కూడా ప్రేమ పెరుగుతుంది.
2. లైంగికంగా తృప్తి లేకపోవడం కూడా ఎక్కువైపోయింది. భర్త కోరికలకు భార్య స్పందించకపోవడం, భార్య కోరికలను భర్త పట్టించుకోకపోవడం వల్ల సమస్యలు వస్తున్నాయి. దీని గురించి నిపుణులు చాలా ఏళ్లుగా చెబుతూనే ఉన్నారు. భర్త ప్రతిసారి సుఖం పొందినా, భార్యకు ఆ సుఖం ఇవ్వలేకపోతున్నాడు. ఇలాంటి బాధతో ఉన్న భార్యలు 60% కంటే ఎక్కువ ఉన్నారు. భార్య కూడా భర్తను మోసం చేయదు. కానీ తనకి కావాల్సింది పొందలేక దూరంగా ఉండాలని నిర్ణయించుకుంటుంది.
ఏం చేయొచ్చు:- భాగస్వామికి లైంగిక తృప్తి గురించి కూడా తెలుసుకోవాలి. తాను సుఖపడటంతో పాటు, తన భాగస్వామికి కూడా సుఖం ఎలా ఇవ్వాలో ఆలోచించాలి.
3. కొత్తదనం లేకపోవడం: చాలా మంది భార్యాభర్తలు తమ లైంగిక జీవితంలో కొత్తదనం తీసుకురావడానికి ప్రయత్నించరు. కొత్తదనం అంటే కొత్త ప్రదేశానికి వెళ్లి ఒంటరిగా ఉండటం. ఇంట్లో ఉన్నా కొత్త ప్రదేశాల్లో సుఖం వెతుక్కోవడం. రోజూ చేసే పద్ధతి కాకుండా కొత్త భంగిమలు ప్రయత్నించడం. ఇలా లైంగిక జీవితంలో కొత్తదనం ఉంటే భార్యాభర్తల జీవితం సంతోషంగా ఉంటుంది.
4. లైంగిక మోసం: కొందరు మగవాళ్ళు తమ అసమర్థతను దాచిపెట్టి పెళ్లి చేసుకుంటారు. ఆడవాళ్లు కూడా తమ సమస్యలను దాచిపెట్టొచ్చు. పెళ్లయ్యాకే ఇవన్నీ తెలుస్తాయి. దీనివల్ల ఒకరిపై ఒకరికి నమ్మకం పోతుంది. కొన్నిసార్లు భర్త వేరే మగాడితో, భార్య వేరే ఆడదానితో ప్రేమలో ఉండొచ్చు. అప్పుడు ఇద్దరి లైంగిక కోరికలు వేర్వేరుగా ఉంటాయి.
ఏం చేయొచ్చు:- పెళ్లికి ముందే తమ కోరికల గురించి మాట్లాడుకుంటే కొన్ని సమస్యలకు పరిష్కారం దొరుకుతుంది.