Kitchen Hacks: కుక్కర్ విజిల్ వేయడం లేదా? ఇలా చేస్తే చాలు
కుక్కర్ లో వంట చేయడం చాలా ఈజీగా ఉంటుంది. కానీ ఆ కుక్కర్ సరిగా పనిచేయక పోయినా, విజిల్ సరిగా రాకపోతే మాత్రం చాలా కష్టం గా ఉంటుంది.కానీ కొన్ని సింపుల్ చిట్కాలతో ఈ సమస్యను పరిష్కరించవచ్చు.
కుక్కర్ లో వంట చేస్తున్నారా?
ఈ రోజుల్లో ప్రతి ఒక్కరి ఇంట్లో కుక్కర్ ఉంటుంది. ఎక్కువ మంది ఈ ప్రెజర్ కుక్కర్ ని వాడటానికే ఇష్టపడతారు. ఎందుకంటే.. వంట చేయడం చాలా ఈజీగా ఉంటుంది. ఎక్కువ సమయం కూడా పట్టదు. అన్నం, పప్పు, మాంసం కూరలను చాలా సులభంగా ఈ ప్రెజర్ కుక్కర్ లో వండేయచ్చు. రుచి కూడా అద్భుతంగా ఉంటుంది.
కుక్కర్ విజిల్ పని చేయకపోతే...
కుక్కర్ సరిగ్గా పని చేస్తే వంట చేయడం సులభమే. కానీ, కుక్కర్ సరిగా పనిచేయకపోతేనే అసలు సమస్య మొదలౌతుంది. ముఖ్యంగా విజిల్ సరిగా రాకపోతే.. కుక్కర్ లోని అన్నం, పప్పు లాంటివి మాడిపోయే ప్రమాదం కూడా ఉంది. మరి, ఈ విజిల్ సరిగా పనిచేయనప్పుడు ఆ సమస్యను ఎలా సాల్వ్ చేయాలో ఇప్పుడు తెలుసుకుందాం..
కుక్కర్ విజిల్ టిప్స్:
కుక్కర్ విజిల్ రాకపోతే ఈజీగా సాల్వ్ చేసుకోవచ్చు. దాని కోసం వేల రూపాయలు ఖర్చు చేయాల్సిన అవసరం కూడా లేదు. కేవలం ఐదు రూపాయలతో మళ్లీ విజిల్ సరిగ్గా పనిచేసేలా చేయవచ్చు.
టిప్:
కుక్కర్ విజిల్ లో ఉన్న రింగ్ తీసి చూడండి. అందులో రెండు బోల్ట్స్ ఉంటాయి. కొత్తవి కొనుక్కొని మార్చేయండి. వాటిని మారిస్తే, మళ్లీ కుక్కర్ కొత్త దానిలా పని చేస్తుంది. దీనికి పెద్దగా ఖర్చు అవ్వదు. మహా అంటే ఆ బోల్ట్ కి ఐదు రూపాయలు అవుతుంది.అంతే. ఈ చిన్న ట్రిక్ తో మనం మళ్లీ కొన్ని సంవత్సరాల పాటు కుక్కర్ ని హ్యాపీగా వాడుకోవచ్చు.
నో లీకేజ్..
కొత్త బోల్ట్స్ పెడితే కుక్కర్ లీక్ కాదు. విజిల్ కూడా బాగా వస్తుంది. ఒక్కోసారి కుక్కర్ గ్యాస్ కట్ సాగిపోయినా కూడా సరిగా పనిచేయదు. అలాంటప్పుడు ఆ గ్యాస్ కట్ ఒక గంటపాటు ఫ్రిడ్జ్ లో పెట్టి, ఆ తర్వాత మళ్లీ వాడితే సరిపోతుంది. చక్కగా పని చేస్తుంది.
