Train Ticket: ఈ రైలు టికెట్ రూ.17లక్షలు.. అంత స్పెషల్ ఏముంది ఈ రైలులో..?
Train Ticket: ప్రపంచంలోనే అత్యంత ఖరీదైన రైలు ఎప్పుడైనా ఎక్కారా? రైలు ఎక్కడం సంగతి పక్కన పెడితే.. కనీసం ఆ రైలు గురించి విన్నారా? అసలు ఆ రైలు ఎక్కడ ఉంది? అసలు ఆ రైలులో ఉన్న స్పెషాలిటీ ఏంటి?
ప్రపంచంలో కెల్లా ఖరీదైన రైలు..
ఒక ట్రైన్ టికెట్ ఎంత ఉంటుంది? మనం ఎక్కే రైలును బట్టి, వెళ్లే ప్లేసును బట్టి ట్రైన్ టికెట్ మారుతూ ఉంటుంది. మన దేశంలో ఎంత లగ్జరీ ట్రైన్ ఎక్కినా కూడా రూ.3వేల నుంచి రూ.4 వేలకు మించి ఖర్చు అవ్వదు. కానీ, రూ.17లక్షల ట్రైన్ టికెట్ గురించి ఎప్పుడైనా విన్నారా? ఆ రైలు వివరాలు ఇప్పుడు చూద్దాం..
జపాన్ అంటే మనకు ముందుగా గుర్తుకు వచ్చేది బుల్లెట్ ట్రైన్. గంటలకు 300 నిమిషాలకు పైగా వేగంతో దూసుకువెళ్లే ఈ రైళ్లు ప్రయాణా సమయాన్ని తగ్గించేస్తాయి. అయితే, అదే జపాన్ లో వేగానికి పూర్తి భిన్నంగా.. కేవలం ప్రయాణాన్ని ఆస్వాదించేలా లగ్జరీ రైలు ఒకటి ఉంది. ఈ రైలు పేరు క్యూషు. ప్రయాణికులను తమ డెస్టినేషన్ కి చేర్చడమే కాదు, ప్రకృతి అందాలను, స్థానిక సంస్కృతి, సంప్రదాయ వంటకాలు, చారిత్రక ప్రదేశాలను చుట్టి చూపిస్తూ తిరుగుతుంది ఈ రైలు. ఇది జపాన్ లోని తొలి లగ్జరీ రైలు. దీనిని 2013లో ప్రారంభించారు.
ఎక్కడి నుంచి ఎక్కడికి వెళ్తుంది...?
ఈ రైలు పుకుయోకాలోని హకాటా స్టేషన్ నుంచి ప్రారంభమై.. అన్ని ప్రాంతాలు తిరిగి మళ్లీ అక్కడికే చేరుతుంది. ప్రయాణికులు 1వే, టూ వే ఏదైనా సెలక్ట్ చేసుకోవచ్చు. ఈ ప్రయాణంలో పుకుయోకా, ఒయిటా, మియాజాకి, కగోషిమా, కుమామోటో, నాగాసాకి వంటి ప్రాంతాలు ఈ రైలు ప్రయాణిస్తుంది.
ఈ రైళ్లో టికెట్ ధర...
ఈ రైలులో ప్రయాణించడానికి క్యాబిన్ రకం, ప్రయాణ కాలాన్ని బట్టి ఛార్జీలు మారుతాయి. 2 రోజులు ఒక్క రాత్రి ఈ రైలులో ప్రయాణిస్తే.. రూ.4 లక్షల నుంచి రూ.9.5లక్షల వరకు ఖర్చు అవుతుంది. అదే 4 రోజులు 3 రాత్రులు ఈ రైలులో ప్రయాణిస్తే.. రూ.8లక్షల నుంచి రూ.17లక్షల వరకు ఖర్చు అవుతుంది. ఈ రైలులో లగ్జరీ వసతి ఉంటుంది. విందు భోజనం ఏర్పాటు చేస్తారు. ఇక్కడ దొరకినది అంటూ ఉండదు. దీనికితోడు.. అందమైన ప్రదేశాలను కూడా చూపిస్తారు. ఇక, ఈ రైలులో ఉన్న స్పెషాలిటీ ఏంటంటే...ఈ రైలులో ఎక్కువ మంది ఎక్కడానికి ఉండదు. తక్కువ మందిని మాత్రమే అనుమతిస్తారు. ఫైవ్ స్టార్ హోటల్ ట్రీట్మెంట్ ఇస్తారు. ప్రతి కాబిన్ లోనే.. లగ్జరీ ఫీల్ వస్తుంది. స్పెషల్ గా ఒక్కో క్యాబిన్ కి సపరేటు బాత్రూమ్ ఉంటుంది. ఇక.. రైలు చాలా నెమ్మదిగా కదులుతుంది. అందమైన ప్రదేశాలన్నీ చూసే అవకాశం ఉంటుంది.
