Savings Account: మీ బ్యాంకు ఖాతాలో ఎంత డబ్బు ఉంచొచ్చు? ఎంత లిమిట్ దాటితే ఐటీ నోటీసులు వస్తాయి?

Savings Account: ఎంతోమందికి తమ సేవింగ్స్ ఖాతాలో ఎంత డబ్బు ఉంచుకోవచ్చో తెలియదు. కొంతమంది పెద్ద మొత్తంలో డబ్బును ఉంచుతారు. అలాగే భారీగా నగదు లావాదేవీలు చేస్తారు. ఇలా ఐటీ శాఖ నుంచి నోటీసులు వచ్చే అవకాశం ఉంది.

Image Credit : our own

బ్యాంకు ఖాతాలో ఎంత డబ్బు ఉంచొచ్చు?

బ్యాంకు ఖాతాలోని సేవింగ్స్ అకౌంట్‌లో ఎంత డబ్బు దాచుకోవచ్చు? అనే విషయంపై ప్రజల్లో అవగాహన తక్కువ. ఎక్కువ డబ్బుంటే ఏం జరుగుతుంది? ఇలా ఎన్నో సందేహాలు ఎక్కువ మంది ఉంటాయి. జీతం తీసుకునే ఉద్యోగుల నుంచి వ్యాపారుల వరకు అందరూ రోజువారీగా సేవింగ్స్ ఖాతాలోని డబ్బును వాడుతూనే ఉంటారు. కానీ ఇందులో ఎంత డబ్బు ఉంచొచ్చనే దానిపై మాత్రం అవగాహన తక్కువ. 

నిజానికి ఆదాయపు పన్ను చట్టంలో సేవింగ్స్ అకౌంట్‌లో ఉంచే డబ్బుపై ఎలాంటి గరిష్ట పరిమితి లేదు. అంటే మీ ఆదాయానికి తగ్గట్టు ఎంత డబ్బయినా దాచుకోవచ్చు. కానీ ఒకేసారి పెద్ద మొత్తంలో నగదు జమ చేసినా, లేదా మీ ఆదాయ వివరాలకు పొంతన లేని లావాదేవీలు జరిపినా, బ్యాంకులు ఆ సమాచారాన్ని ఆదాయపు పన్ను శాఖకు పంపే అవకాశం ఉంది.

Image Credit : Gemini AI

ఆదాయపు పన్ను నియమాలు

ఎక్కువ డబ్బు ఖాతాలో జమ అయితే ఆ డబ్బు ఎక్కడి నుంచి వచ్చిందో చెప్పాలని ఆదాయపు పన్ను శాఖ మిమ్మల్ని అడగవచ్చు. అప్పుడు జీతం, వ్యాపార ఆదాయం, ఆస్తి అమ్మకం, బహుమతి, ఇన్సూరెన్స్ మెచ్యూరిటీ లేదా వారసత్వ ఆస్తి వంటి వాటికి సంబంధించిన ఆధారాలు చూపిస్తే ఎలాంటి సమస్యా ఉండదు. అందుకే, పెద్ద లావాదేవీలకు సంబంధించిన అన్ని డాక్యుమెంట్లను జాగ్రత్తగా ఉంచుకోవడం చాలా అవసరం.

Image Credit : our own

ఆదాయపు పన్ను చట్టం ఏం చెబుతోంది

సేవింగ్స్ అకౌంట్‌లోని డబ్బుపై పన్ను ఉండదు. కానీ ఆ డబ్బుపై బ్యాంక్ ఇచ్చే వడ్డీ ఆదాయంపై పన్ను విధిస్తారు. అయితే, ఆదాయపు పన్ను చట్టంలోని సెక్షన్ 80TTA కింద, అర్హులైన వారికి సేవింగ్స్ అకౌంట్ వడ్డీపై కొంత మినహాయింపు లభిస్తుంది. సీనియర్ సిటిజన్లకు సెక్షన్ 80TTB కింద అదనపు పన్ను ప్రయోజనం ఉంటుంది.

కాబట్టి, సేవింగ్స్ అకౌంట్‌లో ఎక్కువ డబ్బు ఉన్నంత మాత్రాన పన్ను పడుతుందనేది అపోహ మాత్రమే. కానీ, మీ ఆదాయానికి అనుగుణంగా అన్ని లావాదేవీలు చట్టబద్ధంగా, సరైన పత్రాలతో ఉండటం, అలాగే ఆదాయపు పన్ను రిటర్న్స్‌లో సరిగ్గా చూపించడం చాలా ముఖ్యం. ఇలా చేస్తే అనవసరమైన పన్ను చిక్కుల నుంచి సులభంగా బయటపడొచ్చు.