ఒంట్లో కొలెస్ట్రాల్ ఎక్కువున్న వాళ్లు ఏ నూనె పడితే ఆ నూనె వాడకూడదు.. ఈ నూనెలే వారి ఆరోగ్యానికి మంచివి..
శరీరంలో కొలెస్ట్రాల్ పెరగడం వల్ల గుండెపోటు, స్ట్రోక్ తో సహా ఎన్నో ప్రాణాంతక రోగాలొచ్చే అవకాశం ఉంది. అందుకే కొలెస్ట్రాల్ ను వీలైనంత తొందరగా తగ్గించుకోవాలి. అయితే కొలెస్ట్రాల్ ఎక్కువగా ఉన్నవాళ్లు ఏవి పడితే ఆ నూనెలను అసలే వాడకూడదు. వీళ్లు కొన్ని నూనెలను వాడితేనే మంచిది.
High Cholesterol
మన శరీరానికి అవసరమైన కొలెస్ట్రాల్ కాలేయం నుంచి ఉత్పత్తి అవుతుంది. అయినప్పటికీ కొలెస్ట్రాల్ ప్రధాన వనరులైన జంతువుల ఆధారిత ఆహారాలు కూడా కొలెస్ట్రాల్ ను అందిస్తాయి. ట్రాన్స్, సంతృప్త కొవ్వు ఎక్కువగా ఉండే ఆహారాలు కాలేయంలో ఎక్కువ కొలెస్ట్రాల్ ను కలిగిస్తాయి.
కొన్ని రకాల నూనెల్లో ఉండే సంతృప్త కొవ్వులు కొలెస్ట్రాల్ స్థాయిలను బాగా పెంచుతాయి. ఉదాహరణకు.. కొబ్బరినూనె, పామాయిల్ లో ఉండే సంతృప్త కొవ్వులు చెడు కొలెస్ట్రాల్ స్థాయిని పెంచుతాయి. అందుకే ఇలాంటి నూనెలను తీసుకోకూడదు. శరీరంలో కొలెస్ట్రాల్ ఎక్కువగా ఉన్నవారు ఆరోగ్యకరమైన నూనెలను మాత్రమే వాడాలి. అవేంటంటే..
నువ్వుల నూనె
నువ్వుల నూనె మన ఆరోగ్యానికి ఎంతో మేలు చేస్తుంది. ఈ నువ్వుల నూనెలో కొలెస్ట్రాల్ అసలే ఉండదు. అంతేకాదు ప్రతి టేబుల్ స్పూన్ నువ్వుల నూనెలో 5 గ్రాముల మోనోశాచురేటెడ్ కొవ్వు, 2 గ్రాముల సంతృప్త కొవ్వుతో కూడిన సమతుల్య కొవ్వు ఉంటుంది.
peanut oil
వేరుశెనగ నూనె
డయాబెటిస్ ఉన్నవారికి వేరుశెనగ నూనె చాలా మంచిది. వీటిలో సంతృప్త కొవ్వుల కంటే అసంతృప్త కొవ్వులే ఎక్కువగా ఉంటాయి. ఇది డయాబెటీస్ పేషెంట్లకు ఎంతో మేలు చేస్తుంది. ఇది ఇన్సులిన్ సున్నితత్వాన్ని మెరుగుపరచడంతో పాటుగా, రక్తంలో చక్కెర స్థాయిలను నియంత్రించడానికి కూడా సహాయపడుతుంది.
ఆలివ్ ఆయిల్
ఆలివ్ ఆయిల్ లో యాంటీ ఇన్ఫ్లమేటరీ లక్షణాలు లేనప్పటికీ.. దీనిలో పోషకాలు పుష్కలంగా ఉంటాయి. అలాగే మోనోశాచురేటెడ్ కొవ్వులు కూడా ఉంటాయి. ఆరోగ్యకరమైన, సమతుల్య ఆహారంలో భాగంగా ఆలివ్ ఆయిల్ ను తీసుకుంటే కొలెస్ట్రాల్ స్థాయిలు బాగా తగ్గుతాయని నిపుణులు చెబుతున్నారు.
చియా సీడ్ ఆయిల్
దీనిలో ఆల్ఫా-లినోలెనిక్ ఆమ్లం సమృద్ధిగా ఉంటుంది. అంతేకాదు గుండెను ఆరోగ్యంగా ఉంచే ఒమేగా -3 కొవ్వు ఆమ్లాలు పుష్కలంగా ఉంటాయి. చియా సీడ్ ఆయిల్ లో పోషకాలు ఎక్కువగా ఉంటాయి. దీనిలో డైటరీ ఫైబర్ కూడా ఎక్కువ మొత్తంలో ఉంటుంది. దీనిలో పాలీఫెనాల్స్, కెరోటినాయిడ్స్ వంటి యాంటీఆక్సిడెంట్లు ఉంటాయి. అలాగే మెగ్నీషియం, జింక్, పొటాషియం, విటమిన్ బి వంటి ఖనిజాలు కూడా దీనిలో ఎక్కువ మొత్తంలో ఉంటాయి.
avacado oil
అవోకాడో ఆయిల్
అవోకాడో నూనెలో మోనోశాచురేటెడ్ కొవ్వులు పుష్కలంగా ఉంటాయి. శోథ నిరోధక, యాంటీఆక్సిడెంట్ లక్షణాలు ఉంటాయి. ఇవి మీ గుండెను ఆరోగ్యంగా ఉంచుతాయి. అంతేకాదు అవోకాడో నూనెలో లుటిన్ వంటి ఆరోగ్యకరమైన యాంటీ ఆక్సిడెంట్లు కూడా ఉంటాయి. అవోకాడో నూనెను ఉపయోగించడం వల్ల కంటి ఆరోగ్యం మెరుగుపడుతుంది. కొలెస్ట్రాల్ కూడా తగ్గుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
