చలికాలంలో బెల్లాన్ని ఇలా తీసుకుంటే ఆరోగ్యానికి ఎంత మంచిదో..!

చలికాలంలో బెల్లాన్ని తినడం వల్ల ఎన్నో అనారోగ్య సమస్యలు తగ్గిపోతాయి.  బెల్లాన్ని ఎన్నో పద్దతుల్లో తినొచ్చు. హల్వా, లడ్డూలూ అంటూ బెల్లాన్ని వివిధ వంటకాల్లో వేసుకుని తింటే ఆరోగ్యానికి ఎంతో మంచి జరుగుతుంది.  

చక్కెరతో పోల్చితే బెల్లమే ఆరోగ్యానికి ఎంతో మంచిది. కానీ చాలా మంది బెల్లం కంటే చక్కెరనే ఎక్కువగా తింటుంటారు. మీకు తెలుసా.. బెల్లం ఆరోగ్య ప్రయోజనాల భాండాగారం. దీనిలో ఐరన్, విటమిన్ సి, ప్రోటీన్, ఐరన్, పొటాషియం, మెగ్నీషియం వంటి ప్రయోజనకరమైన ఖనిజాలు పుష్కలంగా ఉంటాయి. కడుపులో గ్యాస్, చెడు శ్వాసను దూరం చేయడానికి సహాయపడుతుంది. బెల్లాన్ని నేరుగా తినేవారు చాలా మంది ఉన్నారు. కానీ మీ ఆహారంలో బెల్లం జోడించడానికి ఎన్నో మార్గాలు ఉన్నాయి.

బెల్లం పాలు

రోజూ గ్లాస్ లేదా కప్పు పాలలో కొంత బెల్లాన్ని కలిపి తీసుకుంటే మీ రోగనిరోధక శక్తి మెరుగుపడుతుంది. బెల్లం పాలు తీసుకోవడం వల్ల పీరియడ్స్ సమయంలో కడుపు నొప్పి లేదా తిమ్మిరి తగ్గుతాయి. మీ జీర్ణవ్యవస్థ ఆరోగ్యంగా ఉంటుంది. అజీర్థి సమస్య ఉండదు. 

<p>jaggery</p>

పప్పు

బెల్లాన్ని కేవలం తీపివంటకాల్లోనే కాదు.. కారం కూరల్లో కూడా వాడొచ్చు. రుచిని పెంచడానికి బెల్లాన్ని పప్పులో కూడా వేస్తారు. ఉప్పుతో పాటు రుచిని సమతుల్యం చేయడానికి ఆమ్చూర్, ఎర్ర మిరపకాయలను జోడించొచ్చు. దీనివల్ల ఆహారం ఎక్కువ తీయగా ఉండదు. బెల్లం మీ వంటకానికి అద్భుతమైన రుచిని, వాసనను ఇస్తుంది. శరీరంలో ఇనుమును బాగా గ్రహించడానికి దీనికి కొన్ని చుక్కల నిమ్మకాయను జోడించండి. రక్తహీనతతో బాధపడుతున్నవారికి ఇది బాగా ఉపయోగపడుతుంది. 

హల్వా

సాంప్రదాయ హల్వాలో చక్కెరకు బదులుగా బెల్లాన్ని ప్రత్యామ్నాయంగా ఉపయోగించండి. ఇది మీ ఆహారంలో ఇనుమును పెంచుతుంది. అంతేకాదు ఇది హల్వాను ను మరింత రుచిగా చేస్తుంది. బంగాళాదుంప హల్వాను బెల్లంతో చేస్తే రుచిగా ఉంటుంది. బంగాళాదుంపలలో కూడా ఖనిజాలు పుష్కలంగా ఉంటాయి. దీనికి మంచి మొత్తంలో నెయ్యి అవసరమవుతుంది. కానీ ఎక్కువగా వాడటం ఆరోగ్యానికి మంచిది కాదు. బెల్లం హల్వాకు మీరు పిస్తా, బాదం, ఎండుద్రాక్ష వంటి రకరకాల  డ్రై ఫ్రూట్స్ జోడించవచ్చు.

బెల్లం నీరు

ఆరోగ్య నిపుణుల అభిప్రాయం ప్రకారం.. చూర్ణం చేసిన బెల్లం వేడి నీటిలో కలిపి తాగితే ఆరోగ్యానికి ఎంతో మంచిది. ఇది ఆరోగ్యకరమైన ప్రేగు కదలికకు ప్రయోజనకరంగా ఉంటుంది. అందుకే దీనిని ఉదయం ఖాళీ కడుపున తాగండి. ఇది ఊపిరితిత్తులను, గట్ ఆరోగ్యాన్ని మెరుగుపరుస్తుంది. 

లడ్డూ

బెల్లాన్ని కొద్దిగా నెయ్యితో కరిగించి తర్వాత తెల్ల నువ్వులు నువ్వులు కలపండి. ఈ మిశ్రమాన్ని లడ్డూగా తయారు చేయండి. ఇది వేడిగా ఉంటే గట్టిగా మారే ప్రమాదం ఉంది. నువ్వుల్లో పోషకాలు పుష్కలంగా ఉంటాయి. ఈ బెల్లం లడ్డూలు మీ రోగనిరోధక శక్తిని పెంచుతాయి. అధిక రక్తపోటు ఉన్నవారికి ఇవి చాలా మంచివి.