చలికాలంలో వెల్లుల్లిని రోజూ తినడం వల్ల ఎన్ని లాభాలన్నాయో..!
చలికాలంలో ఆరోగ్యం పట్ల మరింత జాగ్రత్తగా ఉండాలి. వేడి వేడి ఆహారం, పానీయాలనే తీసుకోవాలి. ముఖ్యంగా ఈ కాలంలో శరీరంలో వేడిని పెంచే ఆహారాలను ఎక్కువగా తినాలి. ఇలాంటి వాటిలో వెల్లుల్లి ఒకటి. ఈ సీజన్ లో వెల్లుల్లిని తినడం వల్ల ఎన్నో ప్రయోజనాలను పొందుతారు.
చలికాలంలో మన శరీరానికి ఎక్కువ వేడి అవసరమవుతుంది. అందుకే ఈ సీజన్ లో వెచ్చని స్వెట్టర్లను ధరించాలి. ఇది మాత్రమే కాదు.. ఆరోగ్యంగా ఉండేందుకు అంతర్గత ఉష్ణోగ్రత కూడా చాలా అవసరం. ఇదుకోసం వేడి ఆహారాల్ని, పానీయాలను తీసుకోవాలి. అయితే కొన్ని రకాల మసాలా దినుసులు కూడా శరీరాన్ని వెచ్చగా ఉంచడానికి సహాయపడతాయి. మన శరీరంలో వేడిని ఉత్పత్తి చేసే మసాలా దినుసుల్లో వెల్లుల్లి ఒకటి. ఈ సీజన్ లో వెల్లుల్లిని తినడం వల్ల ఎన్నోఆరోగ్య ప్రయోజనాలు కలుగుతాయి. అవేంటంటే..
వంటల్లో ఎక్కువగా ఉపయోగించే పదార్థాలలో వెల్లుల్లి ఒకటి. దీనిలో విటమిన్లు, ఖనిజాలు, కాల్షియం, ఇనుము సమృద్ధిగా ఉంటాయి. దీన్ని జస్ట్ వంటల్లోనే కాదు.. ఔషదంగా కూడా ఉపయోగించే వాళ్లు.
దగ్గు, జలుబును నివారిస్తుంది
చలికాలంలో జలుబు, దగ్గు, గొంతునొప్పి వంటి సమస్యలు ఎక్కువగా వస్తుంటాయి. వెల్లుల్లి ఈ ఆరోగ్య సమస్యల నుంచి ఉపశమనం కలిగించేందుకు సహాయపడుతుంది. ఆరోగ్య నిపుణుల అభిప్రాయం ప్రకారం.. వెల్లుల్లి అంటువ్యాధులను, ఇతర అనారోగ్య సమస్యలను నయం చేస్తుంది. సైనసైటిస్, జలుబు, జ్వరాన్ని తొందరగా తగ్గించుకోవడానికి వేడి వేడి పులుసు, సూప్ ల్లో వెల్లల్లుని ఖచ్చితంగా వేయండి. అయితే ముడి వెల్లుల్లిని తీసుకుంటే మరింత ఎఫెక్టీవ్ గా పనిచేస్తుంది.
బరువు తగ్గడాన్ని సులభతరం చేస్తుంది
చలికాలంలో మోతాదుకు మించి తినాలనిపిస్తుంది. అందుకే ఈ సీజన్ లో వెయిట్ ఎక్కువగా పెరిగిపోతుంటారు. బరువు తగ్గాలనుకునే వారికి వెల్లుల్లి ఎంతో సహాయపడుతుంది. వెల్లుల్లి యాంటీఆక్సిడెంట్ల భాండాగారం. ఇది శరీరాన్ని నిర్విషీకరణ చేయడానికి, ఆరోగ్యకరమైన జీవక్రియను ప్రోత్సహించడానికి సహాయపడుతుంది. వీటివల్ల మీరు మరింత వేగంగా బరువు తగ్గుతారు. బరువు తగ్గేందుకు పచ్చి వెల్లుల్లి, తేనెను ఉదయాన్నే తీసుకోవాలని నిపుణులు సలహానిస్తున్నారు.
శ్వాసకోశ ఆరోగ్యాన్ని పెంపొందిస్తుంది
వెల్లుల్లిలోని యాంటీ ఇన్ఫ్లమేటరీ లక్షణాలు పుష్కలంగా ఉంటాయి. ఇవి శ్వాస, ఊపిరితిత్తుల ఆరోగ్యానికి సహాయపడతాయి. ఇది చలికాలంలో జ్వరం, గొంతునొప్పి సమస్యలను తగ్గించడానికి సహాయపడతాయి.
గుండెజబ్బులను నివారిస్తుంది
చలికాలంలో గుండెపోటు వచ్చే అవకాశాలు ఎక్కువగా ఉంటాయి. గుండె జబ్బులు కూడా ఎక్కువగా వస్తుంటాయి. ఈ సమయంలో వెల్లుల్లిని తినడం వల్ల గుండె సంబంధిత వ్యాధులు వచ్చే అవకాశం తగ్గుతుంది. వెల్లుల్లిలో ఉండే వేడి గుణం గుండెను ఆరోగ్యంగా ఉంచడానికి సహాయపడుతుంది. ఇది రక్తపోటు స్థాయిలు పెరగకుండా చూస్తుంది. వెల్లుల్లిలో ఉండే అల్లిసిన్ అనే ఎంజైమ్ రక్తంలో ట్రైగ్లిజరైడ్ స్థాయిలను తగ్గిస్తుందని నిపుణులు చెబుతున్నారు. ఇది హృదయనాళ ఆరోగ్యాన్ని మెరుగుపరుస్తుంది.
చర్మం, జుట్టు ఆరోగ్యాన్ని పెంపొందిస్తుంది
చలికాలంలో చర్మం పొడిబారుతుంది. అలాగే జుట్టు గరుకుగా మారుతుంది. దీనివల్ల జుట్టూ ఊడిపోవడం, పెరుగుదల ఆగిపోవడం వంటి సమస్యలు వస్తాయి. అయితే వెల్లుల్లి చర్మానికి, జుట్టుకు ఎంతో మేలు చేస్తుంది. వెల్లుల్లి శరీరాన్ని డిటాక్స్ గా ఉంచుతుంది. దీంతో చర్మం, వెంట్రుకలు ఆరోగ్యంగా ఉంటాయి.