రోజ్ వాటర్ ను తాగడం వల్ల ఇన్ని లాభాలున్నాయా?
రోజ్ వాటర్ ను ఇప్పుడిప్పుడు కాదు ఎన్నో ఏండ్ల నుంచి ఉపయోగిస్తూ వస్తున్నారు. దీనిలో ఎన్నో ఔషదగుణాలుంటాయి. అందుకే దీనిని చర్మ సంరక్షణకు ఉపయోగిస్తారు. మీకు తెలుసా.. ఈ రోజ్ వాటర్ తాగితే ఎన్నో అనారోగ్య సమస్యలు తగ్గిపోతాయి.
రోజ్ వాటర్ ను ఎక్కువగా చర్మ అందాన్ని పెంచడానికే మాత్రమే ఉపయోగిస్తారు. ఎందుకంటే ఇది ఎన్నో చర్మ సమస్యలను తగ్గిస్తుంది కాబట్టి. అలాగే అందాన్ని రెట్టింపు చేస్తుంది కూడా. నిజానికి రోజ్ వాటర్ ను తాగొచ్చు కూడా. దీనిలో ఎన్నో ఔషద గుణాలుంటాయి. ఇవి ఎన్నో అనారోగ్య సమస్యలను తగ్గించడానికి సహాయపడతాయి. అవేంటంటే..
గొంతు నొప్పిని తగ్గిస్తుంది
గొంతు నొప్పి తగ్గడానికి డాక్టర్లు ఎక్కువగా యాంటీబయాటిక్స్ ను ఇస్తుంటారు. వీటికి బదులుగా మీరు రోజ్ వాటర్ ను తాగొచ్చు. ఎందుకంటే రోజ్ వాటర్ గొంతు నొప్పిని తగ్గించడానికి సహాయపడుతుందని నిపుణులు చెబుతున్నారు. దీని ప్రభావాన్ని నిరూపించడానికి మరిన్ని పరిశోధనలు అవసరమైనప్పటికీ.. ఇది నిజమని చెప్పడానికి బలమైన ఆధారాలు ఉన్నాయి. అందుకే గొంతునొప్పిని తగ్గించడానికి ఈ సారి రోజ్ వాటర్ ను ఉపయోగించండి.
అంటువ్యాధులను నివారించడానికి
రోజ్ వాటర్ లో శక్తివంతమైన క్రిమినాశక లక్షణాలు ఉంటాయి. ఇవి ఇన్ఫెక్షన్ల నుంచి మనల్ని రక్షిస్తాయి. అలాగే ఇన్ఫెక్షన్లను తొందరగా తగ్గిస్తాయి. అందుకే రోజ్ వాటర్ ను తరచుగా వివిధ సహజ, ఔషధ చికిత్సలలో ఉపయోగిస్తారు. కండ్లకలకు తగ్గించడానికి వాడే కంటి చుక్కలలో రోజ్ వాటర్ ను ఉపయోగిస్తారన్న సంగతి మీకు తెలుసా? రోజ్ వాటర్ లో ఉండే క్రిమినాశక, అనాల్జేసిక్ లక్షణాలు కంటి వ్యాధులను తగ్గించడానికి సహాయపడతాయని నిపుణులు చెబుతున్నారు.
యాంటీ ఆక్సిడెంట్లు
గులాబీ రేకులు, గులాబీ నూనెలో శక్తివంతమైన యాంటీఆక్సిడెంట్లు పుష్కలంగా ఉంటాయి. ఇవి కణాలు దెబ్బతినకుండా కాపాడతాయి. ఈ యాంటీఆక్సిడెంట్లు సంభావ్య లిపిడ్ పెరాక్సిడేషన్ నిరోధక ప్రభావాలను కలిగి ఉంటాయని పలు పరిశోధనలు కనుగొన్నాయి. ఇవి మనల్ని ఆరోగ్యంగా ఉంచుతాయి.
rose water
మానసిక స్థితి మెరుగుపడుతుంది
రోజ్ వాటర్ లో బలమైన యాంటి డిప్రెసెంట్, యాంటి యాంగ్జయిటీ లక్షణాలు ఉంటాయి. గులాబీ రేకుల సారం ఎలుకలలోని కేంద్ర నాడీ వ్యవస్థను సడలించగలదని 2011 ట్రస్టెడ్ సోర్స్ అధ్యయనం కనుగొంది. ఇది యాంటి డిప్రెసెంట్, యాంటియాంగ్జైటీ ప్రభావాలను కలిగి ఉంటుంది.
తలనొప్పిని తగ్గిస్తుంది
రోజ్ వాటర్, రోజ్ ఎసెన్షియల్ ఆయిల్ లు తలనొప్పి నుంచి ఉపశమనం కలిగిస్తాయి. అంతేకాదు ఇవి ఒత్తిడిని కూడా తగ్గిస్తాయి. రోజ్ వాటర్ తో ఆవిరి పడితే తలనొప్పి నుంచి ఉపశమనం కలుగుతుందని ఒక అధ్యయనం కనుగొంది.
జీర్ణ సమస్యలను దూరం చేస్తుంది
రోజ్ వాటర్ జీర్ణక్రియను మెరుగుపర్చడానికి, జీర్ణక్రియ సమస్యలను తగ్గించడానికి ఉపయోగపడుతుంది. 2008 లో జరిపిన ఒక అధ్యయనం ప్రకారం.. రోజ్ వాటర్ జీర్ణక్రియను మరింత మెరుగుపరుస్తుంది. అలాగే జీర్ణక్రియ సమస్యలను తగ్గించడంలో ఎఫెక్టీవ్ గా పనిచేస్తుంది. ఇది పిత్త స్రావాన్ని కూడా మెరుగుపరుస్తుంది.