Yoga Day 2022: ఈ యోగాసనాలతో పీరియడ్స్ నొప్పి తగ్గుతుంది..

Yoga Day 2022: రుతుస్రావం సమయంలో మహిళలు ఎన్నో సమస్యలను ఫేస్ చేస్తుంటారు. అయితే కొన్ని యోగాసనాలతో పీరియడ్స్ నొప్పిని, తిమ్మిరి వంటి ఎన్నో సమస్యలను తగ్గించుకోవచ్చు.  

రుతుస్రావం (Menstruation) అనేది మహిళల్లో వచ్చే ఒక సాధారణ ప్రక్రియ. ప్రతి మహిళ ప్రతి నెలా ఈ సమస్యను ఫేస్ చేయాల్సిందే. కానీ నేటి పేలవమైన జీవనశైలి, ఆహారం కారణంగా ఎంతో మంది మహిళలు పీరియడ్స్ కు సంబంధించిన ఎన్నో సమస్యలను ఎదుర్కొంటున్నారు. క్రమరహిత కాలాలు (Irregular periods), అధిక రక్తస్రావం (Heavy Bleeding), తక్కువ రక్తస్రావం (Less bleeding), నొప్పి (Pain) వంటి సమస్యలను ఫేస్ చేస్తుంటారు. అటువంటి పరిస్థితిలో.. కొన్ని యోగాసనాల (Yogasanas) సహాయంతో.. మీరు రుతుచక్రాన్ని క్రమబద్ధీకరించవచ్చు. అలాగే నొప్పి నుంచి ఉపశమనం పొందవచ్చు. మహిళలు అనేక ఆరోగ్య ప్రయోజనాలను పొందే ఆ నాలుగు యోగాసనాల గురించి ఇప్పుడు తెలుసుకుందాం.

ధనురసనం (Dhanurasana)చేయడం ద్వారా క్రమరహిత రుతుచక్రం (Irregular periods) సమస్య నుంచి ఉపశమనం పొందవచ్చు. ఈ ఆసనం కడుపుపై పడుకోవడం ద్వారా చేయబడుతుంది. ధనురాసనాన్ని విల్లు భంగిమ అని కూడా అంటారు. ఈ ఆసనంతో పీరియడ్స్ సమయంలో వచ్చే తలనొప్పి నుంచి ఉపశమనం పొందవచ్చు. వీటితో పాటు ఊబకాయం, మధుమేహం, థైరాయిడ్ ను నియంత్రించవచ్చు. దీనిని ప్రతిరోజూ 3 నుంచి 5 సార్లు చేయాలి.

మత్స్యాసనం (Matsyasana) అంటే చేప ఆకారంలో ఉండే భంగిమ అని అర్థం. ఈ యోగా చేయడానికి, నేలపై పడుకుని, కుడి చేత్తో మీ ఎడమ పాదాన్ని పట్టుకొని, ఎడమ చేత్తో కుడి కాలును పట్టుకోండి. తరువాత శ్వాస లోపలికి, బయటకు వదులుతూ తీసుకోవాలి. ఇలా చేయడం వల్ల పీరియడ్స్ రెగ్యులర్ గా అవుతాయి. వెన్నునొప్పి నుంచి ఉపశమనం లభిస్తుంది. థైరాయిడ్ (Thyroid),  ఊబకాయాన్ని (Obesity) నియంత్రించవచ్చు.

మలాసనం (Malasana) చేయడం వల్ల పీరియడ్స్ సకాలంలో వస్తాయి. దీంతోపాటు మలబద్ధకం, గ్యాస్ సంబంధిత సమస్యలు కూడా దూరమవుతాయి. పొట్ట, వీపు కండరాలు బలపడతాయి. ఈ ఆసనం వేయడం వల్ల భుజాలు, పాదాలు కూడా ఆరోగ్యంగా ఉంటాయి. ఈ ఆసనం స్టూలింగ్ భంగిమలో కూర్చొని చేయబడుతుంది. మీరు ఈ ఆసనాన్ని 3 నుంచి 5 సార్లు కూడా చేయవచ్చు.

ఉష్ట్రసనం (ustrasana)చేయడం వల్ల పీరియడ్స్ నొప్పి నుంచి ఉపశమనం లభిస్తుంది. దీనితో పాటుగా రుతుస్రావం కూడా క్రమం తప్పకుండా జరుగుతుంది. దీన్ని క్రమం తప్పకుండా ప్రాక్టీస్ చేయడం ద్వారా ఊబకాయం తొలగిపోతుంది. మహిళలు ఖచ్చితమైన రూపాన్ని పొందుతారు. దీనిని 3 నుంచి 4 సార్లు చేయొచ్చు.