Government Jobs : గట్టిగా ట్రై చేస్తే నెలకు రూ.1,27,050 జీతంతో ఓ సర్కార్ నౌకరీ మీదే.. టిజిపిఎస్సి జాబ్ నోటిఫికేషన్ ఫుల్ డిటెయిల్స్

తెలంగాణ యువతకు ఇదే అద్భుత అవకాశం. ప్రభుత్వ ఉద్యోగాల నియామక సంస్థ టిజిపిఎస్సి నుండి వరుస నోటిఫికేషన్లు వెలువడుతున్నాయి. తాజాగా మరో జాబ్ నోటిఫికేషన్ వచ్చింది. ఈ ఉద్యోగాల భర్తీకి సంబంధించి పూర్తి వివరాలు తెలుసుకుందాం.

Image Credit : Gemini AI

టిజిపిఎస్సి నుండి మరో జాబ్ నోటిఫికేషన్

TGPSC Jobs Notification 2026 : ప్రభుత్వ ఉద్యోగం సాధించాలని కలలుగంటున్న యువతీయువకులకు తెలంగాణ ప్రభుత్వం గుడ్ న్యూస్ తెలిపింది. ఇప్పటికే వివిధ శాఖల్లో ఉద్యోగాల భర్తీకి ఉద్యోగ నియామక సంస్థ తెలంగాణ పబ్లిక్ సర్వీస్ కమీషన్ (TGPSC) నోటిఫికేషన్స్ జారీ చేసిన విషయం తెలిసిందే... తాజాగా టౌన్ ఆండ్ కంట్రీ ప్లానింగ్ డిపార్ట్‌మెంట్ లో ఖాళీలను భర్తీకి ప్రకటన వెలువడింది. టౌన్ ప్లానింగ్ అసిస్టెంట్ డైరెక్టర్ పోస్టుల భర్తీకి సంబంధించి పూర్తి వివరాలతో నోటిఫికేషన్ విడుదల చేసింది టిజిపిఎస్సి... అర్హులైన అభ్యర్థుల నుండి ఆన్‌లైన్ దరఖాస్తులను ఆహ్వానిస్తోంది. ఈ ఉద్యోగాలకు సంబంధించిన ముఖ్యమైన తేదీలు, ఖాళీలు, అర్హతలు, వయోపరిమితి, ఫీజు, పరీక్షా విధానం వంటి పూర్తి వివరాలు ఇక్కడ తెలుసుకుందాం

Image Credit : Getty

టౌన్ ప్లానింగ్ అసిస్టెంట్ డైరెక్టర్ ఉద్యోగాల భర్తీకి సంబంధించి ముఖ్యమైన వివరాలు..

నోటిఫికేషన్ జారీ చేసిన సంస్థ : తెలంగాణ పబ్లిక్ సర్వీస్ కమీషన్(TGPSC)

భర్తీచేసే పోస్టులు : టౌన్ ఆండ్ కంట్రీ ప్లానింగ్ డిపార్ట్మెంట్ లో టౌన్ ప్లానింగ్ అసిస్టెంట్ డైరెక్టర్ పోస్టులు

దరఖాస్తు ప్రక్రియ

టౌన్ ప్లానింగ్ అసిస్టెంట్ డైరెక్టర్ పోస్టులకు దరఖాస్తులు ప్రారంభం : 10 జూలై 2026

దరఖాస్తులకు చివరి తేదీ : 17 ఆగస్ట్ 2026

తెలంగాణ పబ్లిక్ సర్వీస్ కమీషన్ అధికారిక వెబ్ సైట్ https://www.tgpsc.gov.in ద్వారా మాత్రమే దరఖాస్తు చేసుకోవాలి. నేరుగా టిజిపిఎస్సి కార్యాలయానికి దరఖాస్తు పంపించడం, ఇతర ఏ పద్దతిలోనూ దరఖాస్తు చేయరాదు.

దరఖాస్తు ఫీజు

ఓసి, బిసి అభ్యర్థులకు - రూ.1000

ఎస్సి, ఎస్టి, పిడబ్ల్యుడి - రూ.500

ప్రతి అభ్యర్థి ఎగ్జామినేషన్ ఫీజుగా 120 రూపాయలు చెల్లించాలి.

కేవలం ఆన్ లైన్ లోనే పేమెంట్ చేయాలి. ఒక్కసారి ఫీజు చెల్లించాలి తిరిగి ఇవ్వబడదు.

Image Credit : Gemini AI

టౌన్ ప్లానింగ్ అసిస్టెంట్ డైరెక్టర్ ఉద్యోగాల ఎంపిక ప్రక్రియ

రాత పరీక్ష, సర్టిఫికేట్ వెరిఫికేషన్ ద్వారా ఎంపిక చేస్తారు.

అక్టోబర్, 2026 లో రాతపరీక్ష ఉంటుంది. తేదీని త్వరలోనే ప్రకటించనున్నారు. ఎగ్జామ్ కు 7 రోజుల ముందునుండి హాల్ టికెట్స్ జారీ చేస్తారు... పరీక్షకు ముందురోజు సాయంత్రం 5 గంటల వరకు పొందవచ్చు. ఆన్లైన్ లో ఈ దరఖాస్తులు అందుబాటులో ఉంటాయి.

ఈ నగరాల్లోనే ఎగ్జామ్ సెంటర్లు..

హైదరాబాద్ (HMDA పరిధి)

కరీంనగర్

ఖమ్మం

వరంగల్

నిజామాబాద్ లలో ఎగ్జామ్ సెంటర్లు

ఎగ్జామ్ సిలబస్ 

రాత పరీక్ష రెండు పేపర్లు ఉంటుంది - మొత్తం 450 మార్కులు

పేపర్-1 : జనరల్ స్టడీస్ ఆండ్ జనరల్ ఎబిలిటీస్ - 150 ప్రశ్నలు - 150 నిమిషాల సమయం - 150 మార్కులు (ఇంగ్లీష్, తెలుగులో ఉంటుంది)

పేపర్-2 : సబ్జెక్ట్ కు సంబంధించిన ప్రశ్నలు ఉంటాయి. 150 ప్రశ్నలు - 150 నిమిషాల సమయం - 300 మార్కులు (కేవలం ఇంగ్లీష్ లోనే)

Image Credit : Getty

రిజర్వేషన్లవారిగా టౌన్ ప్లానింగ్ అసిస్టెంట్ డైరెక్టర్ ఉద్యోగాలు

మల్టీ జోనల్ క్యాడర్ ఉద్యోగాలివి. టౌన్ ఆండ్ కంట్రీ ప్లానింగ్ డిపార్ట్మెంట్ లో మొత్తం 10 టౌన్ ప్లానింగ్ అసిస్టెంట్ డైరెక్టర్ పోస్టులను భర్తీ చేయనున్నారు.

రిజర్వేషన్ల వారిగా ఖాళీలు..

ఓసి - 6

బిసి-ఏ - 2

ఎస్సి - 2

Image Credit : Getty

టౌన్ ప్లానింగ్ అసిస్టెంట్ డైరెక్టర్ పోస్టులకు విద్యార్హతలు

టౌన్ ఆండ్ కంట్రీ ప్లానింగ్ లో పోస్ట్ గ్రాడ్యుయేషన్ డిగ్రీ లేదా డిప్లమా తప్పనిసరిగా చేసివుండాలి. అలాగే B.Arch (బ్యాచిలర్ ఆఫ్ ఆర్కిటెక్చర్) లేదా B.E (బిఈ)/B.Tech(బిటెక్) లేదా B.Planning (బ్యాచిలర్ ఆఫ్ ప్లానింగ్)/ B.Tech (Planning) లేదా ఎంఏ (జాగ్రఫీ) లేదా ఎమ్మెస్సీ (జాగ్రపీ) లేదా ఎమ్మెస్సీ (జియోఇన్ఫ్మేటిక్స్) పూర్తిచేసి ఉండాలి. 

ప్రభుత్వ గుర్తింపు పొందిన యూనివర్సిటీ లేదా విద్యాసంస్థ నుండి ఈ విద్యార్హతలు కలిగివుండాలి. 06/07/2026 నాటికి ఈ విద్యార్హతలు కలిగినవారే అసిస్టెంట్ డైరెక్టర్ ఆఫ్ టౌన్ ప్లానింగ్ ఉద్యోగాలకు అర్హులు.

Image Credit : Gemini AI

టౌన్ ప్లానింగ్ అసిస్టెంట్ డైరెక్టర్ పోస్టులకు వయో పరిమితి

టౌన్ ప్లానింగ్ అసిస్టెంట్ డైరెక్టర్ ఉద్యోగాల కోసం ప్రయత్నించేవారి వయసు 18 నుండి 44 ఏళ్లలోపు ఉండాలి.

01-07-2026 వరకు గల వయసును పరిగణలోకి తీసుకుంటారు

02-07-1982 నుండి 01-07-2008 మధ్య పుట్టినవారు అర్హులు

18 ఏళ్లకంటే తక్కువ, 61 ఏళ్ల కంటే ఎక్కువ వయసు గలవారు అనర్హులు

వయో పరిమితి సడలింపు

ఎస్సి, ఎస్టి, బిసి, ఈడబ్ల్యుఎస్ - 5 ఏళ్లు

దివ్యాంగులు - 10 ఏళ్లు

తెలంగాణ ప్రభుత్వ ఉద్యోగులు (కార్పోరేషన్స్, మున్సిపాలిటీల ఉద్యోగులు కాకుండా) - 5 ఏళ్లు

మాజీ ఆర్మీ ఉద్యోగులు - 3 ఏళ్లు

N.C.C (ఇన్స్ట్రక్టర్ గా పనిచేసి ఉండాలి) - 3 ఏళ్లు

Image Credit : Gemini

టౌన్ ప్లానింగ్ అసిస్టెంట్ డైరెక్టర్ శాలరీ ఎంత?

టౌన్ ప్లానింగ్ అసిస్టెంట్ డైరెక్టర్ అనేవి రాష్ట్రస్థాయి ఉద్యోగాలు కాబట్టి ఉన్నత హోదాతో పాటు మంచి శాలరీ ఉంటుంది. ఈ ఉద్యోగానికి ఎంపికయ్యే అభ్యర్థికి నెలకు రూ.58,850 నుండి రూ.1,27,050 జీతం ఉంటుంది. ఇతర ప్రభుత్వ ఉద్యోగులకు లభించే అన్నిరకాల అలవెన్సులు లభిస్తాయి.