Chess: చెస్ గేమ్‌ను నిషేధించిన ఆ దేశం.. కార‌ణం ఏంటో తెలిస్తే షాక్ అవ్వాల్సిందే

చదరంగం ఒక మంచి మైండ్ గేమ్. చాలా మంది ఈ ఆటను ఆడడానికి ఎంతో ఇష్టపడుతుంటారు. అయితే ఓ దేశం మాత్రం చెస్ ను నిషేధించింది. ఇంతకీ చెస్ ను బ్యాన్ చేయడానికి అసలు కారణం ఏంటనేగా మీ సందేహం.  

chess

2016లో సౌదీ అరేబియా కూడా చదరంగంపై నిషేధం విధించింది, తర్వాత దాన్ని ఉపసంహరించుకుంది. ఇప్పుడు తాలిబాన్లు కూడా అదే బాటలో నడుస్తూ చదరంగం ఆటని నిరవధికంగా నిషేధించారు. 2021లో తాలిబాన్లు ఆఫ్ఘనిస్తాన్‌ని ఆక్రమించుకున్న తర్వాత క్రీడలతో సహా అనేక రంగాలపై ఆంక్షలు విధించారు. ఆరో తరగతి తర్వాత బాలికల చదువులను నిషేధించారు. మహిళలు క్రికెట్ ఆడటం కూడా నిషేధించారు.

ఆఫ్ఘనిస్తాన్ పుణ్య ప్రచార, పాప నిరోధక మంత్రిత్వ శాఖ, క్రీడా మంత్రిత్వ శాఖలు సంయుక్తంగా చదరంగం ఆటని నిషేధించినట్లు ప్రకటించాయి. మే 11 నుంచి ఈ నిర్ణయం అమల్లోకి వచ్చింది. ఇకపై ఆఫ్ఘనిస్తాన్‌లో చదరంగం పోటీలు జరగవు. వినోదం కోసం కూడా చదరంగం ఆడకూడదు. ఈ నిషేధం నిరవధికంగా కొనసాగుతుంది. 

ఆఫ్ఘనిస్తాన్ చదరంగ సమాఖ్యను పుణ్య ప్రచార, పాప నిరోధక మంత్రిత్వ శాఖ స్వాధీనం చేసుకుంది. ఇస్లామిక్ షరియా ప్రకారం చదరంగం 'హరామ్' అని వాళ్ళు చెబుతున్నారు. చదరంగం ఆడటం వల్ల సమయం వృధా అవుతుందని, మత సూత్రాలకు విరుద్ధమని వాళ్ళ వాదన.

చదరంగం నిషేధానికి కారణాలు:

* చదరంగం ఆడటం వల్ల జూదం అలవాటు అవుతుందని భావిస్తున్నారు.

* ప్రార్థన సమయంలో ఆటంకం కలుగుతుందని, మత విశ్వాసాలకు విరుద్ధమని అంటున్నారు.

* చదరంగం ఆట వల్ల అనైతిక కార్యకలాపాలు, సామాజిక అశాంతి పెరుగుతాయని భయపడుతున్నారు.

* విద్యార్థులు, యువత సమయాన్ని వృధా చేస్తుందని ఆరోపిస్తున్నారు.

ఆఫ్ఘనిస్తాన్‌లోని కొంతమంది చదరంగం ఆటగాళ్ళు ఈ నిషేధాన్ని ఎత్తివేయాలని ప్రభుత్వాన్ని కోరారు. కానీ తాలిబాన్ ప్రభుత్వం వాళ్ళ విజ్ఞప్తిని తిరస్కరించింది.