USA: అమెరికాలో అక్రమంగా ఉంటున్న వారిని ఎలా గుర్తిస్తారు.. ట్రంప్‌ స్ట్రాటజీ ఏంటో తెలుసా.?

రెండోసారి అమెరికా అధ్యక్షుడిగా బాధ్యతలు చేపట్టిన వెంటనే ట్రంప్‌ తీసుకున్న నిర్ణయాల్లో తమ దేశంలో అక్రమంగా ఉంటున్న విదేశీయులను పంపండం ఒకటి. అక్రమ వలసదారులను ట్రంప్‌ నిర్ధాక్షణ్యంగా తమ దేశాలకు పంపిచేస్తున్నారు. ఇందులో భాగంగా ఇప్పటికే 104 మంది భారత్‌కు రాగా మరో 180 మందితో మరో విమానం భారత్‌కు బయలు దేరింది. ఈ నేపథ్యంలో అమెరికాలో అక్రమంగా నివసిస్తున్న వారిని అమెరికా ఎలా గుర్తిస్తుంది.? ఇందుకోసం ఎలాంటి స్ట్రాటజీని ఉపయోగిస్తున్నారు.?  

అమెరికాలో ఉన్న అక్రమ వలసదారులను తమ స్వదేశాలకు పంపించే ప్రక్రియ ఇదేతొలిసారి కాదు. గత కొన్నేళ్లుగా ఈ ప్రక్రియ కొనసాగుతూనే ఉంది. గడిచిన 15 ఏళ్లలో సుమారు 16 వేల మంది భారతీయులను అమెరికా వెనక్కిపంపింది. అయితే ప్రస్తుతం ట్రంప్‌ దీనికి ఎక్కువగా దృష్టి సారించడం, యుద్ధ విమానాల్లో వలసదారులను పంపించడం చర్చకు దారి తీసింది. అందులోనూ ట్రంప్‌ ఈ చట్టాలను కఠినంగా అమలు చేస్తున్నారు. అమెరికాలో అనధికారికంగా నివసిస్తున్న వారినే తమ దేశం నుంచి పంపించేస్తున్నారు. ముఖ్యంగా వీసా గడువు ముగిసిన తర్వాత అక్కడే ఉండడం, తాత్కాలిక వీసాలపై వెళ్లి నిబంధనలకు విరుద్ధంగా అక్కడే ఏళ్ల తరబడి ఉంటున్న వారిని పంపించేస్తున్నారు. 

ఎలా గుర్తిస్తారు.? 

అమెరికాలో అక్రమంగా నివనిస్తున్న వారిని గుర్తించే బాధ్యత యూఎస్ ఇమ్మిగ్రేషన్‌ అండ్‌ కస్టమ్స్‌ ఎన్ఫోర్స్‌మెంట్ (ICE) చూసుకుంటుంది. అమెరికా సరిహద్దు భద్రత, జాతీయ భద్రత కాపాడడం ఈ విభాగం ప్రధాన విది. ఇది డిపార్ట్‌మెంట్‌ ఆఫ్‌ హోమ్‌ల్యాడ్‌ సెక్యూరిటికీ చెందిన ఈ సంస్థ. అక్రమ వలసలను నిరోధించడానికి ఈ సంస్థ ఏర్పాటు చేశారు.  ప్రస్తుతం అమెరికాలో అక్రమంగా ఉంటున్న వారిని గుర్తించే బాధ్యతను ఈ సంస్థే చేపడుతోంది. ఇందుకోసం వీళ్లు రకరకలా మార్గాలను ఎంచుకుంటున్నారు. 

సరిహద్దుల్లో డ్రోన్లు, రాడార్లు, థర్మల్ కెమెరాల ద్వారా నిరంతర పరిశీలిస్తున్నారు. అదే విధంగా అమెరికాలో ఏదైనా ఉద్యోగం కోసం దరఖాస్తు చేసుకున్న వారిని ఈ వెరిఫై సిస్టమ్‌ ద్వారా పరిశీలిస్తున్నారు. ఇక ఉద్యోగులు పనిచేస్తున్న ప్రదేశాల్లో ICE అధికారులు ఆకస్మిక తనిఖీలు చేస్తారు. ముఖ్యంగా అనుమానాస్పద సంస్థలపై వీరి దృష్టి ఎక్కువగా ఉంటుంది. ఈ సమయంలో నకిలీ డాక్యుమెంట్లను ఉపయోగించి ఉద్యోగం చేస్తున్నవారిని గుర్తిస్తున్నారు. డ్రైవింగ్ లైసెన్స్, బ్యాంక్ అకౌంట్లు, హెల్త్ ఇన్షురెన్స్ వంటి వివరాలను పరిశీలిస్తున్నారు. 

క్రిమినల్ కేసులు కూడా.. 

పోలీసుల విచారణలో అక్రమ వలసదారుల సమాచారం లభిస్తే వెంటనే ICEకి సమాచారం అందుతుంది. ఇక అమెరికాలోకి ప్రవేశించిన వెంటనే విమానాశ్రయాల్లో తనిఖీ చేస్తుంటారు. నకిలీ పాసుపోర్టులు, వీసా మోసాలను గుర్తించడానికి ప్రత్యేక స్కానింగ్ టెక్నాలజీని ఉపయోగిస్తారు. వీటితో పాటు వ్యక్తుల సోషల్‌ మీడియా అకౌంట్స్‌ను కూడా అధికారులు పరిశీలిస్తుంటారు. ఎలాంటి అనుమానం వచ్చినా వెంటనే వారి దగ్గరికి అధికారులు చేరుకొని డాక్యుమెంట్ వెరిఫికేషన్‌ చేస్తారు. తప్పుడు పత్రాలతో నివసిస్తున్నట్లు నిర్ధారణ అయితే. వారిని అరెస్ట్ చేయడం లేదా తిరిగి స్వదేశానికి పంపించేస్తారు.