బీపీ ఎక్కువ ఉన్నవాళ్లు బ్రేక్ ఫాస్ట్ లో వీటిని అస్సలు తినొద్దు

ప్రతి ఒక్కరూ ఉదయాన్నే బ్రేక్ ఫాస్ట్ ను ఖచ్చితంగా తింటారు. ఇదే మన డే  మొదటి భోజనం. అందుకే ఇది మన ఆరోగ్యంపై ప్రత్యక్ష ప్రభావాన్ని చూపుతుంది. అందుకే బ్రేక్ ఫాస్ట్ లో ఆరోగ్యకరమైన ఆహారాలనే తినాలి. అయితే సాధారణంగా చాలా మంది బ్రేక్ ఫాస్ట్ తింటున్నామా? లేదా? అనేదే చూస్తారు

కానీ.. ఇవి ఆరోగ్యానికి మంచి చేస్తాయా? చెడు చేస్తాయా? అని చూడరు. కానీ బీపీ పేషెంట్లు మాత్రం ఖచ్చితంగా చూడాలి. అవును బీపీ పేషెంట్లు ఉదయాన్నే కొన్ని ఆహారాలను తినకూడదు. ఎందుకంటే ఇవి వారి బీపీని మారింత పెంచుతాయి. 
 

ఉదయం బ్రేక్ ఫాస్ట్ హెల్తీగా లేకపోతే మీ ఆరోగ్యం దెబ్బతినడంతో పాటుగా మీ రక్తపోటు కూడా పెరుగుతుంది. ఈ అధిక రక్తపోటు కాలక్రమేణా గుండె జబ్బులు,  స్ట్రోక్ వంటి వివిధ ప్రమాదకరమైన ఎన్నో అనారోగ్య సమస్యలకు దారితీస్తుంది.

అందుకే మీరు మీ ఫుడ్ విషయంలో చాలా జాగ్రత్తగా ఉండాలి. అందుకే హైబీపీ పేషెంట్లు బ్రేక్ ఫాస్ట్ లో అస్సలు తినకూడని కొన్ని ఆహారాల గురించి ఇప్పుడు తెలుసుకుందాం.. 

అధిక సోడియం తృణధాన్యాలు

మార్నింగ్ బ్రేక్ ఫాస్ట్ లో చాలా మంది తృణధాన్యాలను తింటుంటారు. కానీ బీపీ ఎక్కువగా ఉన్నవారు బ్రేక్ ఫాస్ట్ లో ఎట్టిపరిస్థితిలో సోడియం ఎక్కువగా ఉండే తృణధాన్యాలను తినకూడదు. ఈ రోజుల్లో రెడీ టూ ఈట్ తృణధాన్యాలు మార్కెట్లో దొరుకుతున్నాయి. 

కానీ టేస్ట్ కోసం వీటిలో ఉప్పును ఎక్కువగా కలుపుతారు. సోడియం ఎక్కువగా ఉండటం వల్ల బీపీ పేషెంట్లు వీటిని తినడం మంచిది కాదు. అందుకే మీరు తృణధాన్యాలను తినాలనుకుంటే తక్కువ సోడియం లేదా తియ్యని సెరల్స్ నే ఎంచుకోండి. 

వేయించిన ఆహారాలు

రక్తపోటు ఎక్కువగా ఉన్నవారు బ్రేక్ ఫాస్ట్ లో ఎట్టిపరిస్థితిలో డీప్ ఫ్రైడ్ ఫుడ్ ఐటమ్స్ ను పొరపాటున కూడా తినకూడదు. ఎందుకంటే వేయించిన ఆహారాల్లో అనారోగ్యకరమైన కొవ్వు పదార్ధం ఎక్కువ మొత్తంలో ఉంటుంది. కాబట్టి మీరు వీటిని తింటే మీ బరువు మరింత పెరుగుతుంది. అలాగే మీ రక్తపోటును కూడా పెంచుతుంది. 

వైట్ బ్రెడ్, పేస్ట్రీలు

అధిక రక్తపోటు పేషెంట్లు వైట్ బ్రెడ్, పేస్ట్రీలు వంటి శుద్ధి చేసిన పిండితో తయారు చేసిన  ఫుడ్ ఐటమ్స్ కు దూరంగా ఉండాలి. ఎందుకంటే ఈ ఆహార పదార్థాలు రక్తంలో చక్కెర స్థాయిలను పెంచుతాయి. అంతే కాదు ఇవి మీ బరువును కూడా పెంచుతాయి. అలాగే మీ రక్తపోటు సమస్యను మరింత ఎక్కువ చేస్తాయి. 
 

అధిక కొవ్వు పాల ఉత్పత్తులు

మార్నింగ్ బ్రేక్ ఫాస్ట్ లో పాలను చాలా మంది తాగుతుంటారు. పెరుగును తింటుంటారు. ఇది సర్వసాధారణ విషయం. కానీ మీకు హై బీపీ సమస్య ఉంటే మాత్రం ఫుల్ ఫ్యాట్ మిల్క్, ఫుల్ ఫ్యాట్ చీజ్ వంటి అధిక కొవ్వు పాల ఉత్పత్తులను తీసుకోకూడదు. ఎందుకంటే ఈ రకమైన పాల ఉత్పత్తుల్లో సంతృప్త కొవ్వు ఎక్కువ మొత్తంలో ఉంటుంది.

అందుకే వీటిని తీసుకోవడం వల్ల రక్తంలో కొలెస్ట్రాల్ స్థాయిలు పెరుగుతాయి. అలాగే బీపీ సమస్య కూడా పెరుగుతుంది. మీరు పాల ఉత్పత్తులను తినాలనుకుంటే అధిక కొవ్వు పాల ఉత్పత్తులకు బదులుగా స్కిమ్డ్ మిల్క్ మొదలైన వాటిని తీసుకోండి.