Weight loss: బరువు తగ్గాలంటే ఈ పొరపాట్లు చేయకండి..!
ఒక్కరోజే కదా అని వాటిని తినేస్తాం. ఇక అంతే.. వాటిని ఒకటి, రెండింటితో ఆపడానికి మనసు ఒప్పుకోదు. చివరకు బరువు ఆమాంతం పెరిగిపోతాం. నిజంగా బరువు తగ్గాలి అనుకునేవారు.. కొన్ని రకాల ఆహారాల విషయంలో చాలా కంట్రోల్ గా ఉండాలట.
బరువు తగ్గేందుకు చాలా మంది చాలా రకాల ప్రయత్నాలు చేస్తారు. అయితే... ఒక్కోసారి ఆహారం విషయంలో వారు చేసే పొరపాట్ల కారణంగా.. తగ్గాల్సిన బరువు కాస్త పెరిగిపోతుంది. ఉదయం నుంచి పోషకాహారం తీసుకున్నా.. సాయంత్రం అయ్యే సరికి వివిధ రకాల ఫాస్ట్ ఫుడ్స్.. రంగు రంగులుగా కనిపిస్తూ మనల్ని ఆకర్షిస్తాయి. ఒక్కరోజే కదా అని వాటిని తినేస్తాం. ఇక అంతే.. వాటిని ఒకటి, రెండింటితో ఆపడానికి మనసు ఒప్పుకోదు. చివరకు బరువు ఆమాంతం పెరిగిపోతాం. నిజంగా బరువు తగ్గాలి అనుకునేవారు.. కొన్ని రకాల ఆహారాల విషయంలో చాలా కంట్రోల్ గా ఉండాలట. మరి వేటికి దూరంగా ఉండాలో ఓసారి చూద్దాం..
చాక్లెట్స్, స్వీట్స్...
చాలా మందికి నీరసంగా, ఓపికలేనట్లుగా అనిపించినప్పుడు.. వెంటనే నోట్లో చాక్లెట్, లేదంటే స్వీట్స్ వేసుకుంటారు. అవి తిన్నవెంటనే ఎక్కడలేని ఎనర్జీ వచ్చేసినట్లుగా అనిపిస్తుంది. దానిలో చెక్కర.. మెదడులో ఫీల్ గుడ్ హార్మోన్లను విడుదల చేస్తాయి. దీంతో.. వాటిని తినాలనే కోరిక ఎక్కువగా కలుగుతుంది. దీనికి , డిప్రెషన్, నిద్ర లేకపోవడం, పీరియడ్స్, మధుమేహం వంటి వివిధ కారకాలు కావచ్చు. అయితే.. వీటిని తినడం వల్ల బరువు పెరిగే ప్రమాదం ఉంది. కాబట్టి... ఎక్కువ ప్రొటీన్లు తినడం, వ్యాయామం చేయడం, తగినంత విశ్రాంతి తీసుకోవడం వల్ల తీపి పదార్ధాల కోరికలను తగ్గించవచ్చు.
పని ఒత్తిడి..
చాలా మంది పని ఒత్తిడి కారణంతో... ఆకలి లేకపోయినా టెన్షన్ తో తినేస్తూ ఉంటారు. ఇలా తినడం వల్ల కూడా.. బరువు పెరిగే ప్రమాదం ఉంది. ఒత్తిడి గా ఉన్న సమయంలో ఆహారం తింటే.. ఆ ఒత్తిడి తగ్గుతుందని వారు భావిస్తుంటారు. అందుకే.. ఆ సమయంలో తెలీకుండానే ఎక్కువగా తినేస్తూ ఉంటారు. కాబట్టి.. ఆ ఒత్తిడి ని తగ్గించుకోవడానికి యోగా, మెడిటేషన్ లాంటివి చేయడం వల్ల తగ్గించుకొని.. ఆ జంక్ ఫుడ్ కి దూరంగా ఉండటం మంచిది.
పరద్యానం తిండి...
ఇక కొందరు మెదడు పరధ్యానంలో ఉన్నప్పుడు.. ఏం తింటున్నారో.. ఎంత తింటున్నారో కూడా తెలీకుండా తింటారు. వీరు ఆకలి లేకపోయినా తినేస్తూ ఉంటారు. అంటే.. టీవీ చూస్తూ.. లేదా.. ఇంకేదైనా పని చేస్తూ తినేస్తూ ఉంటారు. దీని వల్ల కూడా.. సులభంగా బరువు పెరుగుతూ ఉంటారు. కాబట్టి... పరద్యానంలో ఉంటూ.. ఎవరితోనైనా మాట్లాడుతూ... టీవీ చూస్తూ తినకూడదు. అటెన్షన్ తో.. ఏం తింటున్నామో.. ఎంత తింటున్నామో చూసుకొని తినాలి.
ఇక.. సులభంగా దొరుకుతున్నాయి కదా అని చాలా మంది ఫాస్ట్ ఫుడ్ తింటూ ఉంటారు. రుచిగా ఉంటాయి.. సులభంగా చేసుకోవడానికి వీలుగా ఉంటాయి కదా అని అవి తినేస్తూ ఉంటారు. దాని వల్ల శరీరంలో కొవ్వు పెరుగుతుంది. ఆకలి నియంత్రణకు అంతరాయం ఏర్పడుతుంది, వ్యాధుల పెరుగుదలకు దారితీస్తుంది, మెదడు పనితీరును బలహీనపరుస్తుంది. కొన్నిసార్లు తీవ్రమైన అజీర్ణం.