రోజుకు ఇన్ని లీటర్ల నీటిని తాగితే బరువు తగ్గడం పక్కా..
బరువు తగ్గాలంటే అన్నాన్ని తగ్గించడమే కాదు.. నీళ్లను పుష్కలంగా తాగాలంటారు నిపుణులు. అవును రోజూ కొన్ని లీటర్ల నీళ్లను తాగినా సులువుగా బరువు తగ్గుతారని ఆరోగ్య నిపుణులు చెబుతున్నారు. ఇంతకీ బరువు తగ్గాలంటే రోజుకు ఎన్ని లీటర్ల నీటిని తాగాలంటే?
బరువు తగ్గడానికని ఒక్కొక్కరు ఒక్కో రకమైన డైట్ ను ఫాలో అవుతుంటారు. మరికొంతమంది అన్నాన్ని పూర్తిగా మానేసి కేవలం చపాతీ, రోటీలను మాత్రమే తింటుంటారు. అయినా బరువు తగ్గని వారు చాలా మంది ఉంటారు. నిజానికి ఇలా మీరు బరువు తగ్గకుండా ఉండటానికి ఒక కారణం ఉంది. అదే నీళ్లను తాగకపోవడం.
నిపుణుల ప్రకారం.. మనం బరువు తగ్గడానికి నీళ్లు ఎంతగానో సహాయపడతాయి. ఒక అధ్యయనం ప్రకారం.. శారీరక శ్రమ, పండ్లు, కూరగాయలు మీ బరువును తగ్గించడంలో చాలా ఎఫెక్టీవ్ గా పనిచేస్తాయి. వీటితో పాటుగా మీరు రోజూ నీళ్లను పుష్కలంగా తాగితే కూడా మరిన్ని ప్రయోజనాలను పొందుతారు.
ఊబకాయమనేది ఒక ప్రధాన ఆరోగ్య సమస్య. ఈ సమస్య మీ ఆకలి, జీవక్రియతో సంబంధం కలిగి ఉంటుంది. దీనివల్ల టైప్ 2 డయాబెటీస్, గుండె సంబంధిత సమస్యలు. ఆర్థరైటిస్ తో పాటుగా కొన్ని రకాల క్యాన్సర్లు వచ్చే ప్రమాదం కూడా ఉంది.
అందుకే ఊబకాయం చాలా డేంజర్ అంటారు. అయితే బరువు తగ్గాలనుకునే వారు మాత్రం నీళ్లను పుష్కలంగా తాగాలి. ఎందుకంటే నీళ్లు మీ బరువును తగ్గించడంలో చాలా ఎఫెక్టీవ్ గా పనిచేస్తాయి.
ఆకలి తగ్గడానికి నీరు తాగాలి
చాలా మందికి ఆకలికి, దాహానికి మధ్య తేడా తెలియదు. దాహం వేసినా.. ఆకలి అవుతుందని తినేవారు చాలా మంది ఉన్నారు. కానీ ఇలా తరచుగా తింటే మీ బరువు మరింత పెరిగే ప్రమాదం ఉంది.
మీకు తెలుసా? ఆకలి అయినప్పుడు నీళ్లను పుష్కలంగా తాగండి. అయినా ఆకలిగా అనిపిస్తే తినండి. కానీ ఇలా చేయడం వల్ల మీరు హెవీగా తినరు. లిమిట్ లో తింటారు. నీళ్లను తాగితే కడుపు చాలా వరకు నిండుతుంది. ఆకలి తగ్గుతుంది. ఇలా మీ బరువు అదుపులో ఉంటుంది.
ఒక అధ్యయనం ప్రకారం.. ఉదయాన్నే ఒక గ్లాసు గోరువెచ్చని నీళ్లను తాగితే మీ శరీర ఉష్ణోగ్రత పెరుగుతుంది. అలాగే మీ మెటబాలిజం రేటు పెరుగుతుంది. ఇది మీ శరీరంలో ఎక్కువ కేలరీలను కరిగించడానికి సహాయపడుతుంది.
మిమ్మల్ని మీరు హైడ్రేట్ గా ఉంచుకోండి
నీళ్లు తాగితే మీ శరీరంలోని హానికరమైన విషపదార్థాలు బయటకు పోతాయి. నీళ్లు మీ జీర్ణవ్యవస్థను, కండరాల పనితీరును మెరుగుపరుస్తాయి. ఇందుకోసం మీరు ప్రతిరోజూ 10 గ్లాసుల వరకు నీళ్లను తాగడం అలవాటు చేసుకోవాలి.
ఈ అలవాటు మొదట్లో కాస్త కష్టంగా అనిపించినా.. కొన్ని రోజుల్లోనే అలవాటు అవుతుంది. ఆరోగ్యానికి కూడా మంచిది. కాబట్టి మీరు ఇంట్లో ఉన్నా, ఆఫీసులో ఉన్నా, ఎక్కడికెళ్లినా వాటర్ బాటిల్ ను మీ వెంటే తీసుకెళ్లండి.
కేలరీలు తీసుకోవడం తగ్గాలంటే మీరు నీళ్లను పుష్కలంగా తాగాలి. దీనివల్ల మీ ఆకలి తగ్గి చాలా వరకు బరువు తగ్గుతారు. పెరగకుండా ఉంటారు. అలాగని శీతల పానీయాలను తాగకూడదు. ఎందుకంటే వీటిలో చక్కెరతో పాటుగా ఇతర హానికరమైన పదార్థాలు ఎక్కువగా ఉంటాయి.
దాహం తీరాలని వీటిని ఎక్కువగా తాగుతుంటారు. కానీ ఇవి మీ బరువు పెరిగేలా చేస్తాయి. అందుకే వీటిని తాగకండి. వీటికి బదులుగా కేలరీలు లేని టేస్టీ కొబ్బరి నీళ్లను తాగండి.
తినడానికి ముందు నీళ్లు
తినడానికి ముందు నీళ్లను తాగితే మీరు చాలా వరకు హెవీగా తినరు. ఇదే మీరు బరువు తగ్గేలా చేస్తుంది. తగినన్ని నీళ్లను తాగడం, ఆహారాల్లో నీళ్లు ఉండటం వల్ల మీరు అనుకున్న బరువును తగ్గుతారని నిపుణులు చెబుతున్నారు. నీల్లు మీరు తినే మొత్తాన్ని చాలా వరకు తగ్గించడానికి సహాయపడుతుంది. ఇది మీ మెటబాలిజాన్ని పెంచుతుంది. అందుకే నీళ్లు తాగడానికి అలారం ను సెట్ చేయండి.
