ఇదొక్కటి చేస్తే.. మడమ నొప్పి వెంటనే తగ్గిపోతుంది

చాలా మందికి ఉదయం నిద్రలేచిన వెంటనే మడమ నొప్పి వస్తుందని బాధపడిపోతుంటారు. కొందరికైతే పొద్దంతా ఈ నొప్పి ఉంటుంది. అయితే మీరు కొన్ని చిట్కాలను ఫాలో అయితే మాత్రం మడమ నొప్పి వెంటనే తగ్గిపోతుంది. 

Heel Pain

మడమ నొప్పితో బాధపడేవారు చాలా మందే ఉన్నారు. ఎక్కువ నడవడం లేదా ఎక్కువ సేపు నిలబడటం వల్ల మడమ నొప్పి వస్తుంది. కానీ కొన్ని కొన్ని సార్లు ఉదయం లేచిన తర్వాత మడమలో తట్టుకోలేనంత నొప్పి కలుగుతుంది. దీనివల్ల నడవడానికి కూడా ఇబ్బందిగా ఉంటుంది. 

నిజానికి ఉదయం మడమ నొప్పి సాధారణంగా ప్లాంటర్ ఫాసిటిస్ వల్ల వస్తుందని నిపుణులు చెబుతున్నారు. అంటే మడమ కింద కణజాలం గట్టిపడి స్ట్రిప్ ఉబ్బినప్పుడు ఇలాంటి పరిస్థితి ఏర్పడుతుంది. మరి ఉదయాన్నే వచ్చే మడమ నొప్పిని తగ్గించుకోవడానికి ఏం చేయాలో ఇప్పుడు తెలుసుకుందాం పదండి. 

మడమ నొప్పి తగ్గాలంటే ఏం చేయాలి? 

మడమ నొప్పి ఉన్నప్పుడు మీకు స్ట్రెచింగ్ వ్యాయామాలు ప్రయోజరకరంగా ఉంటాయి. ఇందుకోసం బెడ్ పై నుంచి లేవడానికి ముందు మీ షిన్స్, అకిలెస్ స్నాయువు,  ప్లాంటార్ ఫాసియాను సాగదీయండి. దీని కోసం ఒక టవల్ ఉపయోగించండి. అలాగే మీ కాలు నిటారుగా ఉంటే మీ కాలి వేళ్లను మీ వైపునకు లాగండి. ఈ పొజీషన్ లో మీరు 15 నుంచి 30 సెకన్ల పాటు ఉండండి. ఇలా రెండు కాళ్లతో చేయండి. 

మడమల నొప్పులు రావొద్దంటే మీరు సరైన చెప్పులను, బూట్లను వేసుకోవాలి. గట్టి నేలపై చెప్పులు లేకుండా అస్సలు నడవకండి. మంచి ఆర్చ్ సపోర్ట్, కుషన్డ్ వైబ్రేటింగ్ అందించే షూలను వేసుకోండి. 

మడమ నొప్పి తగ్గాలంటే కోల్డ్ కంప్రెస్డ్ ఐస్ వేయడం, ప్లాంటార్ ఫాసియాను మసాజ్ ను చేయండి. ఇది మడమల వాపు, నొప్పిని తగ్గిస్తుంది. ఇందుకోసం బాటిలో లో నీళ్లను నింపి రాత్రంతా ఫ్రీజర్ లో ఉంచండి. ఈ వాటర్ ఐస్ గా మారినప్పుడు దానిని టవల్ లో చుట్టి ఉదయాన్నే మడమలు, పాదాలకు నెమ్మదిగా పెట్టండి. ఇది మీకు నొప్పి నుంచి చాలా ఉపశమనాన్ని కలిగిస్తుంది. 

మడమల నొప్పిని తగ్గించడానికి ఇంకా ఏం చేయొచ్చు 

అలోవెరా జెల్

కలబందలో ఎన్నో ఔషదగుణాలుంటాయి. ఇది మన ఆరోగ్యానికి చేసే మేలు అంతా ఇంతా కాదు. అయితే మీరు ఈ కలబందను ఉపయోగించి కూడా మడమల నొప్పిని తగ్గించుకోవచ్చు. మడమ నొప్పి తగ్గాలంటే ప్రతిరోజూ 50 గ్రాముల కలబందజెల్ ను తీసుకుని మడమలకు పెట్టండి. ఇది తక్కువ టైంలోనే మడమల నొప్పిని తగ్గించడంలో చాలా ఎఫెక్టీవ్ గా పనిచేస్తుంది. 

కలబంద, పసుపు

అర టీస్పూన్ కలబంద జెల్ ను తీసుకుని తక్కువ మంట మీద వేడి చేయండి. దీనిలో అర టీస్పూన్ పసుపును వేసి బాగా కలపండి. ఈ మిశ్రమం నుంచి వాటర్ వస్తుంటే స్టవ్ ను ఆఫ్ చేయండి. ఈ మిశ్రమం కొద్దిగా గోరువెచ్చగా ఉన్నప్పుడు దూదితో మడమలకు పెట్టండి.

తర్వాత గుడ్డతో మడమలను కప్పండి. రాత్రంతా ఇలా చేయండి. వరుసగా 30 రోజులు ఇలా చేస్తే మడమల నొప్పి చాలా వరకు తగ్గుతుంది. అలాగే మడమ నొప్పిగా ఉంటే ఒక గ్లాసు గోరువెచ్చని పాలలో చిటికెడు పసుపు, ఒక టీస్పూన్ తేనెను కలిపి ఉదయం, సాయంత్రం తాగండి. రోజూ పాలు తాగితే మోకాళ్ల నొప్పులు తగ్గుతాయి. 

నొప్పికి కలబంద ఎందుకు?

కలబందలో ఎన్నో ఔషదగుణాలుంటాయి. ఇది ఎలాంటి ఆరోగ్య సమస్యకైనా, చర్మ సమస్యకైనా మంచి పరిష్కారం చూపిస్తుంది. కలబందలో యాంటీ బ్యాక్టీరియల్, యాంటీ ఫంగల్ లక్షణాలు పుష్కలంగా ఉంటాయి. ఇవే కాదు దీనిలో ఎన్నో రకాల విటమిన్లు, పోషకాలు కూడా మెండుగా ఉంటాయి. ఇవి మడమల నొప్పులను తగ్గించడంలో చాలా ఎఫెక్టీవ్ గా పనిచేస్తాయి.