ఎంతో రుచికరమైన ఎగ్ 65 ఇంట్లోనే ఇలా తయారు చెయ్యండి!

ఎగ్ 65 కావలసిన పదార్థాలు: 4 ఉడకబెట్టిన గుడ్లు (Boiled eggs) , పచ్చి కోడిగుడ్డు (Egg) ఒకటి,  సగం కప్పు శెనగపిండి (Besan), ఒక స్పూన్ కార్న్ ఫ్లోర్ (Corn flour), ఒక  స్పూన్ అల్లం వెల్లుల్లి పేస్ట్  (Ginger garlic paste), నాలుగు పచ్చిమిరపకాయలు (Green chillies), సరిపడా ఉప్పు (Salt), కావలసినంత కారం (Red chilli powder).
 

 సగం టీస్పూన్ గరం మసాల (Garam masala), సగం టీ స్పూన్ ధనియాల పొడి (Coriyander powder), అరచెంచా వెల్లుల్లి ముక్కలు (Garlic), అర టీ స్పూన్ జీలకర్ర (Cumin seeds), కరివేపాకు రెబ్బలు (Curries), రెండు స్పూన్ ల  టమోటా సాస్ (Tomato sauce), కొత్తిమీర (Coriyander), ఢీ ఫ్రై కి సరిపడా నూనె (Oil).
 

తయారీ విధానం: ముందుగా నాలుగు గుడ్లను ఉడకబెట్టుకుని (Boiled) అందులోని పచ్చసొన (Yolk) తీసేసి చిన్న చిన్న ముక్కలుగా కట్ చేసుకొని ఒక గిన్నెలో తీసుకోవాలి. ఇందులో సగం కప్పు శెనగపిండి, ఒక స్పూన్ కార్న్ ఫ్లోర్, రుచికి సరిపడు ఉప్పు, ఒక స్పూన్ అల్లం వెల్లుల్లి పేస్ట్, సగం  టీ స్పూన్ గరం మసాలా, సగం టీ స్పూన్ ధనియాల పొడి, రెండు పచ్చి మిరపకాయ ముక్కలు, మీ రుచికి సరిపడా కారం వేసి కలుపుకోవాలి.
 

ఇప్పుడు ఒక పచ్చి కోడిగుడ్డును (Egg) పగలగొట్టి గ్లాసులోకి తీసుకుని బాగా బీట్ చేసుకోవాలి. ఇలా బీట్ చేసుకున్న మిశ్రమాన్ని ఎగ్ మిశ్రమంలో వేసి నీళ్లు వేయకుండా కలుపుకోవాలి. ఇప్పుడు బాండ్లీ తీసుకొని అందులో ఢీ ఫ్రై కి సరిపడు నూనె వేసి వేడి చేసుకోవాలి. నూనె (Oil) వేడెక్కిన తర్వాత ఎగ్ మిశ్రమాన్ని చేతిలోకి తీసుకొని ఉండలుగా చేసుకుని నూనెలో వేసుకోవాలి.
 

ఎగ్ బాల్స్ (Egg balls) మంచి కలర్ వచ్చాక తీసి ప్లేట్ లో పెట్టుకోవాలి. ఇలా మొత్తం మిశ్రమాన్ని ఎగ్ బాల్స్ లా తయారు చేసుకోవాలి. ఇప్పుడు ఒక కడాయి తీసుకుని అందులో పోపుకు సరిపడా నూనె వేసి నూనె వేడెక్కిన తర్వాత అందులో చిన్నగా కట్ చేసుకున్న వెల్లుల్లి ముక్కలు, పొడవుగా కట్ చేసుకున్న రెండు పచ్చిమిరపకాయలు, కొన్ని కరివేపాకు రెబ్బలు వేసి ఫ్రై (Fry)  చేసుకోవాలి.
 

ఇప్పుడు అందులో రెండు స్పూన్ల టమోటా సాస్ (Tomato sauce), కొంచెం కారం వేసి కలుపుకోవాలి. తర్వాత ఇందులో ఢీ ఫ్రై చేసుకున్న ఎగ్ బాల్స్, కొత్తిమీర వేసి కలుపుకొని ఒక నిమిషం తర్వాత స్టవ్ ఆఫ్ చేయాలి. అంతే ఎంతో టేస్టీ ఎగ్ 65 రెడీ.