ఎప్పుడూ లిఫ్ట్ కాదు... అప్పుడప్పుడు మెట్లు ఎక్కండి..ఎందుకో తెలుసా?

ఈ రోజుల్లో చిన్న అపార్ట్మెంట్ అయినా లిఫ్ట్ ఉండటం కామన్  అయిపోయింది. ఇక లిఫ్ట్ ఉండటంతో.. అందరూ దానిని వాడుతున్నారు. ఫస్ట్ ఫ్లోర్ కి కూడా లిఫ్ట్ ఎక్కేవాళ్లు ఉంటారు. మన కళ్ల ముందే ఉన్న మెట్లు ఎక్కరు కానీ... జిమ్ లోకి వెళ్లి చాలా మంది తెగ తిప్పలు పడుతూ ఉంటారు. కానీ.. ఎప్పుడూ లిఫ్ట్ ఎక్కకుండా.. అప్పుడప్పుడూ మెట్లు ఎక్కడం వల్ల మన ఆరోగ్యం చాలా మెరుగుపడుతుందని నిపుణులు చెబుతున్నారు.
 

 మెట్లు ఎక్కడం వల్ల.. చిన్న పాటి వర్కౌట్ చేసినట్లేనట. ఇది మీ గుండె ఆరోగ్యాన్ని మెరుగుపరచడంతో పాటు... శరీరంలోని కొలిస్ట్రాల్  తగ్గించడంలో సహాయపడుతుంది.

మీరు పనిలో ఉన్నా, స్కూల్ , కాలేజీ లో ఉన్నా.. లిఫ్ట్ పై ఆధారపడకుండా మెట్లు ఎక్కే ప్రయత్నం చేయాలి. ఎలివేటర్లు , ఎస్కలేటర్లను నివారించండి వాటికి బదులు  మెట్లు ఎక్కండి.  రెగ్యులర్ మెట్లు ఎక్కడం వయస్సు సంబంధిత కండరాల క్షీణత , శారీరక బలహీనతను అధిగమించడానికి సహాయపడుతుంది.
 

మెట్లు ఎక్కడం అలవాటు చేసుకుంటే గుండె జబ్బులు కొంత వరకు అరికట్టవచ్చని అధ్యయనాలు చెబుతున్నాయి. ఇది హృదయ స్పందనను వేగవంతం చేస్తుంది. శరీరమంతా రక్త ప్రసరణను పెంచుతుంది.
 

క్రమం తప్పకుండా మెట్లు ఎక్కడం వల్ల త్వరగా బరువు తగ్గవచ్చని అధ్యయనాలు చెబుతున్నాయి. మెట్లు ఎక్కడం కండరాల బలాన్ని పెంపొందించడానికి, మొత్తం ఫిట్‌నెస్‌ను మెరుగుపరచడంలో సహాయపడుతుంది.
 

మెట్లు ఎక్కడం ఒత్తిడిని తగ్గించడంలో , మానసిక స్థితిని మెరుగుపరచడంలో ముఖ్యమైన పాత్ర పోషిస్తుంది. అంతేకాకుండా, ఇది ఒత్తిడి హార్మోన్ కార్టిసాల్‌ను తగ్గించడంలో సహాయపడుతుంది, ఇది మంచి నిద్రకు దారితీస్తుంది.

ప్రతిరోజూ మెట్లు ఎక్కి దిగడం అలవాటు చేసుకుంటే అది మీ గుండెకు క్రమబద్ధమైన వ్యాయామంగా పరిగణించవచ్చని ఆరోగ్య నిపుణులు కూడా సూచిస్తున్నారు. అంతేకాదు, మెట్లు ఎక్కడం కొలెస్ట్రాల్ , బిపి సమస్యలతో పోరాడుతుంది. అందుకే.. ఒకటి, రెండు ఫ్లోర్లు వెళ్లాల్సి వస్తే.. లిఫ్ట్ కి బదులుగా  మెట్లు ఎక్కడం, దిగడం అలవాటు చేసుకోవాలి.