పుదీనా.. కొత్తమీర.. రెండింటిలో ఏది బెస్ట్ అంటే?

కొత్తిమీర, పుదీనా ఆకులను  మనం వివిధ కూరల్లో ఉపయోగిస్తుంటాం. నిజానికి ఈ రెండూ మంచి వాసనను కలిగి ఉంటాయి. అలాగే ఫుడ్స్ ను ఎంతో టేస్టీగా చేస్తాయి. అందుకే వీటిని పానీయాలు, సలాడ్లు, రుచికరమైన వంటల్లో ఖచ్చితంగా ఉపయోగిస్తారు. పుదీనాను ఎసెన్షియల్ ఆయిల్, మెంతోల్ మౌత్ ఫ్రెష్నర్లు, పానీయాలు, యాంటీసెప్టిక్ మౌత్ వాష్ లు, టూత్ పేస్ట్, చూయింగ్ గమ్ మొదలైన వాటిలో ఉపయోగిస్తారు. 

పుదీనాలో ఉండే కార్మినేటివ్ గుణాలు జీర్ణ సమస్యలను దూరం తగ్గిస్తాయి. మన రోగనిరోధక శక్తిని పెంపొందించడానికి సహాయపడడే విటమిన్లు, యాంటీ ఆక్సిడెంటు పుదీనాలో పుష్కలంగా ఉంటాయి. 
 

శరీరంలోని చెడు కొలెస్ట్రాల్ ను తొలగించి మంచి కొలెస్ట్రాల్ అయిన హెచ్ డీఎల్ ను పెంచడానికి కొత్తిమీర బాగా ఉపయోగపడుతుంది. మెక్సికన్, ఇండియన్, మిడిల్ ఈస్టర్న్ తో సహా వివిధ రకాల వంటకాల్లో కొత్తిమీర ఆకులను సాధారణంగా ఉపయోగిస్తారు. కొత్తిమీరలో యాంటీ ఆక్సిడెంట్స్ పుష్కలంగా ఉంటాయి. అంతేకాకుండా ఇందులో యాంటీ ఇన్ఫ్లమేటరీ గుణాలు ఉంటాయి. ఇది విటమిన్లు, ఖనిజాలకు మంచి మూలం.

కొత్తిమీర కూడా గుండె ఆరోగ్యాన్ని కాపాడటానికి కూడా సహాయపడుతుంది. కొత్తిమీర శరీరం నుంచి అదనపు సోడియాన్ని బయటకు పంపడానికి సహాయపడుతుంది. బీపీ, కొలెస్ట్రాల్ రిస్క్ లను నివారిస్తుంది. అలాగే వీటిని కంట్రోల్ చేస్తుంది. ఈ విధంగా కొత్తిమీర కూడా మన గుండెకు మేలు చేస్తుంది.
 

కొత్తిమీరలో విటమిన్ సి, విటమిన్ ఇ లు పుష్కలంగా ఉంటాయి. విటమిన్ ఎతో పాటు ఈ రెండు పోషకాలు క్రమంగా మన రోగనిరోధక శక్తిని మెరుగుపరచడానికి సహాయపడతాయి. పుదీనా, కొత్తిమీర ఆకుల వాడకం మీరు తయారుచేసే వంటకంపై ఆధారపడి ఉంటుంది. పుదీనా శరీరం చల్లబరచడానికి, జీర్ణ సమస్యలను దూరంగా ఉంచడానికి సహాయపడుతుంది. అలాగే కొత్తిమీర ఆకులు వంటకాలకు ప్రత్యేకమైన వాసనను ఇస్తాయి.