కోపం వల్ల మీ గుండె పగిలిపోతుందని తెలుసా? ఊహించని ఆరోగ్య సమస్యలు ఇవిగో

మీరు చిన్న చిన్న విషయాలకే కోపం తెచ్చుకుంటారా? రెండు నిమిషాలు కోప్పడితే 6 గంటల ఇమ్యూనిటీ సిస్టం దెబ్బతింటుందని మీకు తెలుసా? అంతేకాకుండా హార్ట్ ఎటాక్ కూడా వచ్చే అవకాశం ఉంది. కోపం వల్ల వచ్చే తీవ్రమైన ఆరోగ్య సమస్యల గురించి నిపుణులు, వైద్యులు ఏం చెబుతున్నారో ఇప్పుడు తెలుసుకుందాం.  

సాధారణంగా కోపంలో రెండు రకాలు ఉంటాయి. ఒక పెద్ద తప్పు జరిగితే కోప్పడడం. ప్రతి చిన్న విషయానికి కోప్పడటం. ఏదైనా మిస్టేక్ జరిగినప్పుడు కోపం తెచ్చుకున్నారంటే అర్థం ఉంటుంది. ఆ తప్పును సరిదిద్దడానికి కోప్పడడం సహజం. కానీ చిన్న చిన్న విషయాలకి కోపం తెచ్చుకుంటే ఎన్ని ఆరోగ్య సమస్యలు వస్తాయో మీకు తెలుసా? శారీరకంగా, మానసికంగా ఎన్నో సమస్యలు వస్తాయని ఆరోగ్య నిపుణులు హెచ్చరిస్తున్నారు.

శారీరకంగా వచ్చే సమస్యలు...
ఎప్పుడైనా వచ్చే కోపం వల్ల పెద్దగా నష్టం ఉండదు కానీ చిన్న చిన్న విషయాలకి కోప్పడితే వెన్నెముక, మెడ భుజాల వద్ద నొప్పులు వస్తాయి. ఇది దీర్ఘకాలలో తీవ్రమైన అనారోగ్యాలకు దారితీస్తుంది. తరచూ కొప్పడే వారికి బ్లడ్ ప్రెజర్ ఒక్కసారిగా పెరుగుతుంది. ఇది గుండె ఆరోగ్యాన్ని దెబ్బతీస్తుంది. భవిష్యత్తులో త్వరగా గుండెపోటు వచ్చే అవకాశం ఉంటుంది.

కేవలం రెండు నిమిషాలు కోప్పడితే బ్లడ్ లో స్ట్రెస్ హార్మోన్లు రిలీజ్ అవుతాయి. కోపం తగ్గిపోయినా అవి బ్లడ్ లోనే నాలుగు గంటల పాటు ఉంటాయి. దీనివల్ల 6 గంటల పాటు ఇమ్యూనిటీ సిస్టం దెబ్బతింటుంది. పిచ్చి కోపం వల్ల బ్రీతింగ్ సమస్యలు వస్తాయి. హైబీపీ వచ్చే అవకాశాలుంటాయి.

నరాలు బాగా ఒత్తిడికి గురై తరచూ తలపోటు వస్తుంది. కేవలం రెండు నిమిషాల కోపం ఎనిమిది గంటల వరకు చర్మంపై ప్రభావం చూపిస్తుంది. అంటే చర్మం పనితీరు దెబ్బతిని భవిష్యత్తులో అనేక చర్మ సమస్యలు వస్తాయి. చిన్న వయసులోనే ముడతలు ఏర్పడి పెద్దవారిలా కనిపించే అవకాశం ఉంటుంది.

మానసికంగా వచ్చే సమస్యలు..
చిన్న చిన్న విషయాలకి కోప్పడే వారి వల్ల అందరికీ ఇబ్బందే. స్నేహితులు బంధువులతో తరచూ గొడవలు అవుతాయి. కోపానికి కారణం లేకపోతే సొంతవాళ్లు కూడా దూరమైపోతారు. అనవసరమైన విషయాల గురించి కోప్పడే వారిపై సొసైటీలో మంచి పేరు ఉండదు. 

చిన్న చిన్న విషయాలకి కోపం తెచ్చుకునేవారు మెడిటేషన్, బ్రీతింగ్ ఎక్ససైజ్, వాకింగ్ లాంటివి చేయడం ద్వారా ఈ సమస్య నుంచి బయటపడవచ్చు.