చిన్న గాయమైనా రక్తం కారుతోందా? అయితే మీకు ఆ లోపమున్నట్టే..

మన శరీరం సజావుగా పనిచేయడానికి రక్తం చాలా చాలా అవసరం. మన శరీరంలో రక్తం ఎప్పుడూ ప్రవహిస్తూనే ఉంటుంది. అయితే చర్మంపై ఎక్కడైనా స్క్రాచ్ లేదా గాయం అయినప్పుడు రక్తం కారుతుంది. ఇది సహజం. కానీ దెబ్బలు బాగా తగిలినప్పుడు మాత్రమే రక్తం కారుతుంది. అయితే కొంతమందికి చిన్న చిన్న గాయాలైనా రక్తం ఎక్కువగా వస్తుంటుంది. కానీ ఇది అస్సలు మంచిది కాదు. ఇది మీకు ఉన్న కొన్ని సమస్యలను సూచిస్తుంది తెలుసా? 

రక్తస్రావాన్ని ఆపడానికి విటమిన్ కె సహాయపడుతుందా?

నిపుణుల అభిప్రాయం ప్రకారం.. శరీరంలో విటమిన్ కె లోపం ఉన్నవారికే చిన్న దెబ్బలైనా రక్తస్రావం అవుతుంది. నిజానికి విటమిన్ కె మన రక్తం గడ్డకట్టడానికి సహాయపడుతుంది. విటమిన్ కె ప్రోథ్రాంబిన్ అనే ప్రోటీన్ తయారు చేయడానికి సహాయపడుతుంది,.ఇది రక్తం గడ్డకట్టడంలో చాలా ముఖ్యమైన పాత్ర పోషిస్తుంది. ఇది గాయం నయం చేయడానికి కూడా సహాయపడుతుంది. గాయం తర్వాత అధిక రక్తస్రావం జరిగి రక్తం గడ్డకట్టకపోతే ఆ వ్యక్తి కూడా చనిపోతాడని నిపుణులు చెబుతున్నారు. 
 

అలాగే ఈ విటమిన్ కె మన ఎముకలు, గుండెను ఆరోగ్యంగా ఉంచడంతో పాటుగా ఇతర విషయాలలో కూడా శరీరానికి ఎంతో ప్రయోజనకరంగా ఉంటుంది. మరి ఈ విటమిన్ కె లోపం లక్షణాలు ఏంటో తెలుసుకుందాం పదండి. 
 

విటమిన్ కె లోపం లక్షణాలు ఏంటి? 

చిన్న గాయాలకే రక్తం ఎక్కువగా కారుతుంది
గాయమైన తర్వాత రక్తస్రావం ఆలస్యం కావడం
గాయం త్వరగా నయం కాదు
దంతాలు లేదా చిగుళ్ల నుంచి తరచుగా రక్తస్రావం 
మలవిసర్జన చేసేటప్పుడు కూడా రక్తస్రావం