ఇకపై పీరియడ్స్ నొప్పికి ఆ ట్యాబ్లెట్స్ ను వాడకండి.. లేదంటే సమస్యలొస్తయ్..
పీరియడ్స్ సమయంలో వచ్చే కడుపు నొప్పి గురించి ప్రత్యేకించి చెప్పాల్సిన అవసరం లేదు. ఈ నొప్పి ఎటూ కదలనీయదు. ఈ నొప్పిని తట్టుకోలేక చాలా మంది పెయిన్ కిల్లర్స్ ను వాడుతుంటారు. కొంతమంది అయితే నొప్పిని భరించలేక రెండు మూడు ట్యాబ్లెట్లను కూడా వేసుకుంటూ ఉంటారు. అయితే చాలా మంది పీరియడ్స్ నొప్పిని తగ్గించుకునేందుకు మెఫ్తాల్ అనే ట్యాబ్లెట్ ను ఎక్కువగా వాడుతారు. కానీ వీటివల్ల ఎన్నో సమస్యలొస్తాయని ఐపీసీ హెచ్చరికలు జారీ చేసింది.
meftal
పీరియడ్స్ నొప్పిని తగ్గించుకునేందుకు చాలా మంది ఆడవారు ఎలాంటి ప్రిస్క్రిప్షన్ లేకుండా పెయిన్ కిల్లర్స్ ను వాడుతుంటారు. ఇలాంటి వాటిలో మెఫ్తాల్ ఒకటి. చాలా మంది పీరియడ్స్ నొప్పిని తగ్గించుకునేందుకు వీటినే వాడుతుంటారు. అదికూడా డాక్టర్ ను సంప్రదించకుండా. కానీ వీటి వాడకంపై ఇండియన్ ఫార్మాకోపియా కమిషన్ (ఐపీసీ) డాక్టర్లు, రోగులకు డ్రగ్ సేఫ్టీ అలర్ట్ ను జారీ చేసింది. విషయం ఏంటంటే.. ఈ ట్యాబ్లెట్ లో మెఫానమిక్ ఆమ్లం ఉంటుంది. ఇది మీకు డ్రస్ సిండ్రోమ్ అనే సమస్యను కలిగిస్తుంది. ఈ పెయిన్ కిల్లర్స్ ను ..పీరియడ్స్ నొప్పి, తిమ్మిరి, ఆర్థరైటిస్ నొప్పి, పంటి నొప్పి, తలనొప్పి, కండరాల నొప్పి, కీళ్ల నొప్పులను తగ్గించుకోవడానికి బాగా వాడుతారు.
ఈ మందుల వాడకం వల్ల ఎవైనా సైడ్ ఎఫెక్ట్స్ కనిపిస్తే డాక్టర్లు, రోగులు వెంటనే ఐపీసీ వెబ్సైట్ లో నివేదించాలని హెచ్చరించింది. అలాగే వీటిని వీటిని వేసుకోవడం వల్ల ఎలాంటి సమస్యలైనా వస్తున్నాయేమోనని గమనించాలని సూచించింది. అయితే దీనివల్ల ప్రతిఒక్కరూ ప్రభావితం అవుతారని కాదు. కానీ దీని గురించి ఎంత జాగ్రత్తగా ఉంటే అంత మంచిది. అసలు ఈ ట్యాబ్లెట్ వాడకం వల్ల వచ్చే డ్రెస్ సిండ్రోమ్ అంటే ఏంటి? దీని లక్షణాలేంటో ఇప్పుడు తెలుసుకుందాం పదండి.
డ్రస్ సిండ్రోమ్
డ్రస్ సిండ్రోమ్ అంటే ఏంటి?
డ్రేస్ సిండ్రోమ్ అంటే డ్రగ్ రాష్ విత్ ఇసినోఫిలియా, సిస్టమాటిక్ సింప్టమ్స్ సిండ్రోమ్. ఇది ఒక మందు వల్ల కలిగే అలెర్జీ. కాగా ఇది ఆ మందుకు మన రోగనిరోధక వ్యవస్థ ప్రతిస్పందించడం వల్ల వస్తుంది. అయితే ఇది హైపర్సెన్సిటివిటీ ప్రతిచర్యకు కారణమవుతుంది. దీనివల్ల మన శరీరంలోని అవయవాలు, చర్మం ప్రభావితం అవుతాయి. సరైన సమయంలో చికిత్స తీసుకోకపోతే ప్రాణాంతకంగా మారుతుంది. ఇక ఈ డ్రస్ సిండ్రోమ్ లక్షణాలు వెంటనే కనిపించవు. అంటే రెండు వారాల నుంచి ఎనిమిది వారాల తర్వాత కనిపిస్తాయి. ఇది దాదాపుగా 10 శాతం మందిని ప్రభావితం చేస్తుంది
periods
డ్రస్ సిండ్రోమ్ లక్షణాలు
చర్మంపై దద్దుర్లు
జ్వరం
ఇసినోఫిలియా
ముఖం వాపు
మూత్రపిండాలు, కాలేయం లేదా ఇతర అవయవాల వాపు లేదా పనిచేయకపోవడం
వాపు శోషరస కణుపు
దీనికి చికిత్స ఏంటి?
మీరు ఈ సమస్య బారిన పడకూడదంటే.. డ్రెస్ సిండ్రోమ్ కు కారణమయ్యే మందులను వాడటం పూర్తిగా మానేయండి. ఇది ఈ ప్రతిచర్యను పెంచదు. ఆ తర్వాత డ్రస్ సిండ్రోమ్ లక్షణాలు కనిపించినప్పుడు వెంటనే హాస్పటల్ కు వెళ్లండి. దీనిలో చర్మపు దద్దుర్లు, ఇన్ఫెక్షన్లు తగ్గుతాయి.
Image: Getty
జీర్ణశయాంతర సమస్యలు
ఈ ట్యాబ్లెట్స్ వాడకం వల్ల జీర్ణశయాంతర సమస్యలు కూడా వస్తాయి. మెఫ్టాల్ వంటి మందులను ఎక్కువ కాలంగా ఉపయోగిస్తే రక్తస్రావం, కడుపు పూతలు వంటి సమస్యలొచ్చే ప్రమాదం పెరుగుతుంది. జీర్ణశయాంతర సమస్యల చరిత్ర ఉన్నవారు లేదా ఇతర ఎన్ఎస్ఎఐడిలు లేదా యాంటికోయాగ్యులెంట్లను ఒకేసారి ఉపయోగించే వారు మరింత జాగ్రత్తగా ఉండాలని నిపుణులు చెబుతున్నారు.