Health Tips: మెడిసిన్ బాగా పనిచేయాలా.. అయితే ఈ తప్పులు అస్సలు చేయకండి?
Health Tips : అనారోగ్యం పాలైనప్పుడు మెడిసిన్ వాడటం సర్వ సాధారణం కానీ మెడిసిన్ వేసుకునేటప్పుడు తీసుకోవలసిన జాగ్రత్తల గురించి చాలామందికి తెలియదు. మెడిసిన్ వేసుకునేటప్పుడు ఎలాంటి జాగ్రత్తలు తీసుకోవాలో చూద్దాం.
మందులు వేసుకోవడానికి ముందు కొన్ని రకాల పదార్థాలను తీసుకోవడం వలన ఆరోగ్యం బాగుపడదు సరి కదా ఉన్న ఆరోగ్యం పాడైపోతుంది. మందులతో పాటు మీరు తీసుకునే ఫుడ్ యొక్క కాంబినేషన్ శరీరంపై ప్రతికూల ప్రభావం చూపిస్తుంది.
అలాగే కొన్ని రకాల ఆహార పదార్థాలు మందులు యొక్క ప్రభావాన్ని తగ్గిస్తాయి. అందుకే పొరపాటున కూడా మందులతో పాటు అవి తీసుకోకూడదు. మందులు వేసుకునేవారు ఎనర్జీ డ్రింక్ తో పాటు మందులని వేసుకోకండి. ఇది మీ శరీరంపై చెడు ప్రభావాన్ని చూపుతుంది.
కొంతమంది ఆల్కహాల్ తీసుకొని ఆపై మెడిసిన్ వేసుకుంటారు. అది ఎంత ప్రమాదమో తెలుసా.. ఆల్కహాల్ మెడిసిన్ యొక్క ప్రభావాన్ని తగ్గిస్తుంది. పైగా శరీరంపై ప్రతికూలంగా ప్రభావితం చేస్తుంది. ఇది కాలేయానికి హానిచేసి కాలేయ సంబంధిత రుగ్మతలకు దారితీస్తుంది.
అలాగే పాలలో ఉండే కాల్షియం మెగ్నీషియం వంటి మినరల్స్ కేసాన్ ప్రోటీన్ తో కలిసి ఔషధాల ప్రభావాన్ని తగ్గిస్తాయి. మీరు యాంటీబయాటిక్స్ తీసుకుంటే ఆ సమయంలో పాలు తాగకూడదు. పాల ఉత్పత్తులు మీ శరీరంలోని కొన్ని యాంటీబయోటిక్స్ ప్రభావితంగా పనిచేయకుండా చేస్తాయి. కాబట్టి మెడిసిన్ తీసుకునే ముందుగానీ మెడిసిన్ తీసుకునే ఒక గంట తర్వాత వరకు పాలు జోలికి వెళ్ళకండి.
అలాగే మందులు వేసుకునే వారికి కొన్ని రకాల ఆకుకూరలు ప్రతికూల పరిస్థితులని కలగజేస్తాయి. ఆకుకూరలలో విటమిన్ కె ఉంటుంది. దీనిని అధికంగా తీసుకోవటం వలన మందుల ప్రభావాలకు ఆటంకం కలిగిస్తుంది. వార్ఫరిన్ తరుచుగా రక్తస్రావం రక్తం గడ్డ కట్టడం లేదా ఇతర రుగ్మతలను తగ్గించడానికి ఉపయోగిస్తారు. కాబట్టి ఇటువంటి సమస్యలు ఉన్నవారు ఆకుకూరలు తీసుకోవడం మంచిది కాదు.
అలాగే మెడిసిన్ వేసుకోవటానికి ముందుగానే మెడిసిన్ తీసుకున్న తరువాత గాని చాలా సేపటి వరకు ధూమపానానికి దూరంగా ఉండండి. ధూమపానం నిరోధక శక్తిని బలహీన పరుస్తుంది. ధూమపానం చేసిన తర్వాత మందులు ఉపయోగించడం వలన మందులు ప్రభావం తగ్గటమే కాకుండా ఆరోగ్యాన్ని మరింత పాడు చేస్తుంది.