చాయ్ లో బిస్కట్లు నానబెట్టి తినే అలవాటుందా? ఏమౌతుందో తెలుసా?

చాయ్ తో బిస్కట్ ముంచుకుని తినే అలవాటు చాలా మందికి ఉంటుంది. ఈ కాంబినేషన్ నిజంగా చాలా టేస్టీగా ఉంటుంది. కానీ ఇది ఆరోగ్యానికి అస్సలు మంచిది కాదు. దీనివల్ల ఎలాంటి సమస్యలు వస్తాయో తెలుసా?

టీ, బిస్కట్ ఆరోగ్య ప్రమాదాలు

టీ, బిస్కట్ కాంబో టేస్ట్ అదిరిపోతుంది. అందుకే ప్రపంచ వ్యాప్తంగా చాలా మందికి ఈ అలవాటు ఉంటుంది. ఉదయమే కాదు.. సాయంత్రం వేళ కూడా టీలో బిస్కెట్లు నానబెట్టుకుని తింటుంటారు. కానీ రోజూ ఇలా రోజూ చేస్తే మీకు లేనిపోని అనారోగ్య సమస్యలు వస్తాయి తెలుసా? ఎందుకంటే చాయ్ లో, బిస్కట్లలో చక్కెర , చెడు కొలెస్ట్రాల్ ఎక్కువగా ఉంటాయి. ఇవి మిమ్మల్ని ఎన్నో జబ్బుల పాలు చేస్తాయి. 

బిస్కట్లలో చక్కెర ఎక్కువ

 మనం తినే చాలా బిస్కట్లలో శుద్ధి చేసిన చక్కెర ఉంటుంది. టీ తాగుతూ వాటిని టీలో ముంచి తాగితే మీ రక్తంలో చక్కెర స్థాయిలు బాగా పెరుగుతాయి.ఈ కాంబినేషన్ మీకు టైప్ 2 డయాబెటిస్ వచ్చే ప్రమాదాన్ని పెంచుతుంది.

అంతేకాదు దీనివల్ల మీరు విపరీతంగా బరువు కూడా పెరుగుతారు. అలాగే మీ ఒంట్లో శక్తి తగ్గుతుంది. రక్తంలో షుగర్ లెవెల్స్ అకస్మత్తుగా పెరగడం వల్ల అలసట కలుగుతుంది. దీంతో మీకు కాసేపటి తర్వాత మళ్లీ చక్కెర తినాలనిపిస్తుంది.

కేలరీలు

బిస్కెట్లు మైదా, చక్కెరతోనే తయారవుతాయి. వీటిలో ఎలాంటి పోషకాలు ఉండవు. వీటిని తింటే బరువు పెరుగుతారు. అలాగే మీ శరీరంలోకి అదనపు కేలరీలు చేరుతాయి.ఈ బిస్కట్లు మీ ఆకలిని తీర్చవు.

ముఖ్యంగా మరింత ఎక్కువ తినాలనిపించేలా చేస్తాయి. దీనివల్ల మీరు విపరీతంగా బరువు పెరగడమే కాదు.. దానికి సంబంధించిన ఎన్నో అనారోగ్య సమస్యలు కూడా వస్తాయి.

ట్రాన్స్ ఫ్యాట్స్, చెడు నూనెలు

 మనం తినే చాలా రకాల బిస్కట్లలో ట్రాన్స్ ఫ్యాట్స్, హైడ్రోజనేటెడ్ నూనెలుంటాయి. ఇవి మన గుండెను ప్రమాదంలో పడేస్తాయి. ఇవి మన శరీరంలో మంచి కొలెస్ట్రాల్ ను తగ్గించి, చెడు కొలెస్ట్రాల్ లెవెల్స్ ను పెంచుతాయి.

దీంతో మనకు గుండె జబ్బులు, స్ట్రోక్ వచ్చే ప్రమాదం ఉంది. చెడు కొలెస్ట్రాల్ ఉన్న బిస్కట్లను తక్కువగా తిన్నా.. ఎక్కువగా తింటే మాత్రం గుండె జబ్బులు వస్తాయని ఆరోగ్య నిపుణులు చెబుతున్నారు. 

అసిడిటీ, జీర్ణ సమస్యలు

టీ లో టానిన్లు ఎక్కువ మొత్తంలో ఉంటాయి. ఇవి మీ కడుపులో ఆమ్లత పెంచుతాయి. శుధ్ది చేసిన మైదా పిండి, చక్కెర, ఎక్కువగా ఉన్న కార్బోహైడ్రేట్ బిస్కట్లను టీలో నానబెట్టి తింటే అసిడిటీ, గ్యాస్, అజీర్తి వంటి జీర్ణ సమస్యలు మరింత ఎక్కువ అవుతాయి.

కార్బోహైడ్రేట్లు, చక్కెర ఎక్కువగా ఉన్న బిస్కట్లను ఎప్పుడూ తినే వారికి కడుపులో ఆమ్లాలు అసమతుల్యమవుతాయి. అలాగే జీర్ణక్రియ దెబ్బతింటుంది. కడుపు నొప్పి వస్తుంది. .

బిస్కట్లలో చక్కెరలు, కార్బోహైడ్రేట్లు ఎక్కువ మొత్తంలో ఉంటాయి. వీటిని శరీరం త్వరగా గ్రహించి, రక్తంలో చక్కెరను పెంచుతాయి. దీనివల్ల మీకు బాగా అలసట కలుగుతుంది. బలహీనంగా, చిరాగ్గా అనిపిస్తుంది. అలాగే మళ్లీ చక్కెర తినాలనిపిస్తుంది. ఇది చెడు ఆహారపు అలవాట్లకు దారితీస్తుంది.

నోటి ఆరోగ్య సమస్యలు

బిస్కట్లు జిగటగా ఉంటాయి. కాబట్టి వీటిని తింటే పళ్లకు అంటుకుంటాయి. టీ లో ఉండే చక్కెరతో కలిసి, పళ్లు పుచ్చిపోవడం, ఇతర దంత సమస్యలు వస్తాయి.

టీ, బిస్కట్లలోని చక్కెరలు మననోటి బ్యాక్టీరియాకు ఆహారంగా మారుతుంది. దీంతో ప్లేక్, కుహరాలు, చిగుళ్ల వ్యాధులు వస్తాయి. టీ, బిస్కెట్ల కాంబినేషన్ తరచుగా తీసుకుంటే మీకు ఖచ్చితంగా దంత సమస్యలు వస్తాయి. కాబట్టి, టీ, బిస్కట్లు తరచుగా తినడం మానుకోండి.