MalayalamEnglishKannadaTeluguTamilBanglaHindiMarathi
  • Facebook
  • Twitter
  • whatsapp
  • YT video
  • insta
  • తాజా వార్తలు
  • ఎంటర్‌టైన్‌మెంట్
  • క్రికెట్
  • జీవనశైలి
  • ఆంధ్రప్రదేశ్
  • తెలంగాణ
  • బిజినెస్
  • KEA 2025
  • జ్యోతిష్యం
  • Home
  • Life
  • Health
  • ఆవిరి పీల్చడం వల్ల ఎన్ని లాభాలున్నాయో తెలుసా?

ఆవిరి పీల్చడం వల్ల ఎన్ని లాభాలున్నాయో తెలుసా?

ఆవిరి పీల్చడం అనేది ఒక పురాతన పద్దతి. ఇది శ్వాసకోశ సమస్యలతో బాధపడుతున్నవారికి ఎంతో ప్రయోజకరంగా ఉంటుంది. అంతేకాదు దీనితో ఎన్నో అనారోగ్య సమస్యలు కూడా తగ్గిపోతాయి. 
 

Mahesh Rajamoni | Published : Sep 12 2023, 02:51 PM
2 Min read
Share this Photo Gallery
  • FB
  • TW
  • Linkdin
  • Whatsapp
  • Google NewsFollow Us
16
Asianet Image

దగ్గు, జలుబు సమస్యలు వచ్చినప్పుడు పెద్దలు ఆవిరిని పీల్చమని చెప్తుంటారు. నిజానికి ఆవిరిని పీల్చడం వల్ల ఈ సమస్యలు చాలా తొందరగా తగ్గిపోతాయి. శ్వాసకోశ వ్యవస్థ కూడా ఆరోగ్యంగా ఉంటుంది. ఆవిరిని పీల్చడం వల్ల గాలి మార్గాలు క్లియర్ అవుతాయి. అలాగే జలుబు, అలెర్జీలు లేదా సైనసిటిస్ తో సహా వివిధ అనారోగ్య సమస్యలకు కూడా ఇది ఎంతగానో సహాయపడుతుంది. ఆవిరిని పీల్చడం వల్ల ఎలాంటి ప్రయోజనాలు కలుగుతాయో ఇప్పుడు తెలుసుకుందాం.. 

26
Asianet Image

జలుబు నుంచి ఉపశమనం 

ఆవిరి పీల్చడం వల్ల గాలిని పీల్చడంలో ఇబ్బంది వెంటనే తొలగిపోతుంది. ఇది నాసికా, ఛాతీ రద్దీని క్లియర్ చేస్తుంది. ఆవిరిని పీల్చినప్పుడు వెచ్చని, తేమతో కూడిన గాలి శ్వాస మార్గాలలో శ్లేష్మం, కఫాన్ని సడలించడానికి సహాయపడుతుంది. మీకు జలుబు, సైనసైటిస్ లేదా అలెర్జీలు సమస్యలు ఉన్నప్పుడు ఇదెంతో ప్రయోజనకరంగా ఉంటుంది. ఎందుకంటే ఇది శ్వాసను సులభతరం చేస్తుంది. శ్వాసకోశ ఇన్ఫెక్షన్ల వల్ల కలిగే రద్దీని తగ్గించడంలో ఇది ప్రభావవంతంగా ఉంటుంది.
 

36
<p>steam</p>

<p>steam</p>

సైనసైటిస్ నుంచి ఉపశమనం 

సైనస్ కుహరాల వాపు అయిన సైనసిటిస్ ముఖం నొప్పి, ఒత్తిడి, ముక్కు ద్వారా శ్వాస తీసుకోవడంలో ఇబ్బంది వంటి సమస్యలను కలిగిస్తుంది. ఈ లక్షణాలను తగ్గించడానికి ఆవిరి పీల్చడం ఒక అద్భుతమైన మార్గం. ఆవిరి సైనస్ కణజాలాలను ఉపశమనం చేయడానికి సహాయపడుతుంది. అలాగే శ్లేష్మం సులభంగా కదలడానికి సహాయపడుతుంది. అలాగే మంట, ఒత్తిడిని తగ్గిస్తుంది. వేడి నీటిలో యూకలిప్టస్ లేదా పిప్పరమింట్ ఆయిల్ ను కొన్ని చుక్కలు వేసి పీలిస్తే సైనసైటిస్ నుంచి ఉపశమనం కలుగుతుంది. 
 

46
Asianet Image

గొంతు నొప్పి నుంచి ఉపశమనం

ఆవిరిని పీల్చడంవల్ల  గొంతు నొప్పి నుంచి ఉపశమనం కలుగుతుంది. మీరు వెచ్చని ఆవిరిని పీల్చినప్పుడు మీ గొంతు తేమగా మారుతుంది. దీంతో గొంతు నొప్పి నుంచి ఉపశమనం కలుగుతుంది. అలాగే అసౌకర్యం, చికాకును తగ్గించడానికి కూడా సహాయపడుతుంది. ఆవిరి పీల్చడానికి ఉపయోగించే వేడి నీటిలో చిటికెడు ఉప్పును కలపడం వల్ల గొంతు నొప్పి తొందరగా తగ్గుతుంది. ఉప్పు మంటను తగ్గించడానికి సహాయపడుతుంది. 
 

56
Asianet Image

ఊపిరితిత్తుల ఆరోగ్యాన్ని ప్రోత్సహిస్తుంది

ఆవిరిని పీల్చడం వల్ల ఎగువ శ్వాసనాళానికే కాకుండా ఊపిరితిత్తులకు కూడా మేలు జరుగుతుందని నిపుణులు చెబుతున్నారు. వెచ్చని, తేమతో కూడిన గాలిని పీల్చడం వల్ల వాయుమార్గాలు, శ్వాసనాళ గొట్టాలు సడలించబడతాయి. దీంతో మీరు సులువుగా శ్వాస తీసుకోగలుగుతారు. ముఖ్యంగా ఉబ్బసం లేదా బ్రోన్కైటిస్ వంటి సమస్యలున్నవారికి ఇది ఎంతో ప్రయోజనకరంగా ఉంటుంది. 
 

66
Asianet Image

మొత్తం శ్వాసకోశ ఆరోగ్యాన్ని మెరుగుపరుస్తుంది

క్రమం తప్పకుండా ఆవిరిని పీల్చడం వల్ల మీ మొత్తం శ్వాసకోశ వ్యవస్థ ఆరోగ్యంగా ఉంటుంది. ఆవిరి శ్వాసకోశ మార్గాలను తేమను  ఉంచడానికి సహాయపడుతుంది. అలాగే అవి ఎండిపోకుండా నిరోధిస్తుంది. ఆవిరిని పీల్చడం వల్ల శ్వాసకోశ కణజాలాలకు రక్త ప్రసరణ మెరుగుపడుతుంది. అలాగే వాటి ఆరోగ్యం, పనితీరు కూడా మెరుగుపడుతుంది. 

Mahesh Rajamoni
About the Author
Mahesh Rajamoni
ప్రింట్-డిజిటల్ మీడియాలో తొమ్మిదేళ్ల అనుభవం ఉన్న జ‌ర్న‌లిస్టు రాజమోని మహేష్. సామాజిక సమస్యలు, రాజకీయాలు, సమకాలీన వార్తలు, రాజకీయ విశ్లేషణలు, క్రీడలు, జీవనశైలిపై విస్తృత క‌థ‌నాలు రాస్తుంటారు. పాలమూరు యూనివర్సిటీ నుంచి సైన్స్ డిగ్రీ, నవ తెలంగాణ జర్నలిజం కాలేజీ నుంచి జర్నలిజం విద్యను పూర్తి చేశారు. ఏటీఐ నుంచి టీచింగ్ మెథడాలజీ, కంప్యూటర్ అప్లికేషన్స్ లో సర్టిఫికేషన్. ప్రస్తుతం ఏసియా నెట్ తెలుగులో స్పోర్ట్ ఎడిటర్ గా ఉన్నారు. Read More...
ఆరోగ్యం
 
Recommended Stories
Top Stories