ఆరెంజ్ జ్యూస్ ను రోజూ తాగడం వల్ల ఎన్ని లాభాలున్నాయో తెలుసా?
ఆరెంజ్ జ్యూస్ విటమిన్లకు మంచి వనరు. దీనిలో విటమిన్ సి, విటమిన్ డి, పొటాషియం, కాల్షియం వంటి పోషకాలు పుష్కలంగా ఉంటాయి. ఇవన్నీ మనల్ని ఆరోగ్యంగా ఉంచుతాయి.
Image: Getty Images
సిట్రస్ పండ్లలో ఒకటైన ఆరెంజ్ మన ఆరోగ్యానికి చేసే మేలు అంతా ఇంతా కాదు. ఈ పండులో ఎన్నో ఆరోగ్య ప్రయోజనాలు దాగున్నాయి. విటమిన్ సి పుష్కలంగా ఉండే నారింజలో యాంటీఆక్సిడెంట్లు, ఫైబర్ కంటెంట్ పుష్కలంగా ఉంటాయి. ఈ పండు రోగనిరోధక శక్తిని పెంచడం నుంచి చర్మాన్ని ఆరోగ్యంగా ఉంచడం వరకు ఎంతో ఉపయోగపడుతుంది. చర్మ సౌందర్యం, ఆరోగ్యాన్ని మెరుగుపరుచుకోవాలంటే ఆరెంజ్ జ్యూస్ ను రెగ్యులర్ గా తాగాలని ఆరోగ్య నిపుణులు చెబుతున్నారు.
orange juice
ఆరెంజ్ జ్యూస్ లో విటమిన్ సి, పొటాషియం ఎక్కువ మొత్తంలో ఉంటాయి. అంతేకాదు ఈ జ్యూస్ లో మన శరీరానికి అవసరమైన క్యాల్షియం, విటమిన్ డి కూడా పుష్కలంగా ఉంటాయి. మన రోగనిరోధక శక్తిని పెంచుకోవడానికి రోజూ ఆరెంజ్ జ్యూస్ తాగడం మంచి ప్రయోజనకరంగా ఉంటుంది. యాంటీ ఆక్సిడెంట్స్ పుష్కలంగా ఉండే ఈ ఆరెంజ్ జ్యూస్ మన మూత్రపిండాలను ఆరోగ్యంగా ఉంచుతుంది. ఆరెంజ్ జ్యూస్ ను కూడా రెగ్యులర్ గా తాగడం వల్ల గుండె ఆరోగ్యం బేషుగ్గా ఉంటుంది.
చర్మంలో కొల్లాజెన్ ఉత్పత్తికి విటమిన్ సి చాలా చాలా అవసరం. ఇది ముఖానికి స్థితిస్థాపకతను ఇచ్చి చర్మం మెరిసేలా చేస్తుంది. అందుకే ప్రతిరోజూ ఆరెంజ్ జ్యూస్ తాగడం వల్ల మీ చర్మం యవ్వనంగా కనిపిస్తుంది. అంతేకాదు కాంతివంతంగా కూడా కనిపిస్తుంది.
నారింజ తొక్కలో కూడా ఎన్నో ఔషద గుణాలు పుష్కలంగా ఉంటాయి. నారింజ తొక్క మొటిమలను తొలగించడానికి, నల్లటి మచ్చలను పోగొట్టడానికి, జిడ్డుగల చర్మాన్ని తొలగించడంలో ఎఫెక్టివ్ గా పనిచేస్తుంది. ఇందుకోసం నారింజ తొక్కను ఎండబెట్టి పొడి రూపంలో తీసుకోవాలి. పొడి చేసిన నారింజ తొక్కలను గాలివెళ్లని కంటైనర్ లో నిల్వ చేసుకోవాలి. ఆ తర్వాత దీన్ని ఉపయోగించి ఫేస్ ప్యాక్స్ తయారు చేసుకోవచ్చు. ఇందుకోసం ఒక చెంచా నారింజ పొడిలో చిటికెడు పసుపు, ఒక చెంచా తేనె కలిపి పేస్టులా చేసుకోవాలి. తర్వాత ఈ మిశ్రమాన్ని ముఖానికి, మెడకు అప్లై చేయాలి. పది నిమిషాల తర్వాత రోజ్ వాటర్ తో కడిగేయాలి. ఈ ప్యాక్ చుండ్రును తొలగించి ముఖాన్ని కాంతివంతం చేయడానికి సహాయపడుతుంది.