గన్నేరు పువ్వు తింటే నిజంగానే చనిపోతారా..? ఆ రాష్ట్రంలో ఎందుకు నిషేధించారు..?

17

<p>oleander</p>

గన్నేరు మొక్కలను ఎవరూ స్పెషల్ గా పెంచాల్సిన అవసరం లేదు. ఎక్కడ పడితే అక్కడ  పెరిగేస్తూ ఉంటాయి. చూడటానికి పూలు కూడా చాలా అందంగా కనిపిస్తాయి. దీంతో... ఎవరికైనా కోయాలి అనిపిస్తుంది. కొందరు దేవుడికి  ఈ పూల దండలను కూడా సమర్పిస్తూ ఉంటారు. అయితే... కేరళలో మాత్రం ప్రస్తుతం ఈ పూలను బ్యాన్ చేశారు. 

27

మరీ ముఖ్యంగా ఈ పూలను గుడిలోకి తీసుకురావద్దని, స్వామివారికి సమర్పించవద్దు అని చెప్పారు. దీనికి కారణం కూడా లేకపోలేదు. ఓ వ్యక్తి.. ఏదో అనుకొని... ఈ పువ్వు రెమ్మలను నమిలాడట. గన్నేరు పువ్వు, కాయలు విషంతో సమానం అని తెలిసిందే. తెలీక ఆ వ్యక్తి వాటిని తినడంతో ప్రాణాలు కోల్పోయాడట. అందుకే.. అక్కడ గుడి పరిసరాల్లోనూ ఆ మొక్కలు ఉండటానికి వీలు లేదని, ఆ పూలను గుడిలోకి తేవద్దని నిర్ణయించారు. అసలు నిజంగానే గన్నేరు పూలు, కాయలు తింటే చనిపోతారా..? అవి అంత ప్రాణాంతకమా..? ఈ విషయాలు ఇప్పుడు తెలుసుకుందాం..

37

గన్నేరు  మొక్క వల్ల ఉపయోగం ఏమిటి?
గన్నేరు  మొక్కను చాలా మంది ప్రజలు తమ ఇళ్లలో , రోడ్ల పక్కన పెంచుతారు. దీనికి ప్రధాన కారణం ఈ మొక్కలో  గాలిని శుద్ధి చేసే గుణాలు ఉండడమే. ఈ మొక్క గాలిలోని కాలుష్య కారకాలను ఫిల్టర్ చేసి మనకు స్వచ్ఛమైన గాలిని పంపుతుంది 

గన్నేరు  పూల రకాలు:
అదేవిధంగా గన్నేరు మొక్కల్లో  చాలా రకాలు ఉన్నాయి. అవి ఎరుపు, పసుపు , తెలుపు. అయితే వీటిలో పసుపు రంగులో ఉండే గన్నేరు పువ్వు అత్యంత విషపూరితమైనది.

47

గన్నేరు పూలను  ఎక్కువగా దేవాలయాల్లో పూజకు మాత్రమే ఉపయోగిస్తారు. ఇది కూడా ఎక్కువగా శివాలయాల్లో మాత్రమే ఉపయోగిస్తారు. దేవాలయాల్లో ఈ పువ్వును ప్రసాదంగా ఇస్తారు కాబట్టి ఆ సమయంలో తప్ప ఇతర సందర్భాల్లో మహిళలు ఈ పువ్వును పెట్టరు. అలాగే, దేవాలయాలలో తిరునీరు, కుంకుము , పొంగల్ నైవేద్యంలో ఇతర పుష్పాలతో పాటు ఈ పువ్వును కలుపుతారు.

57

గన్నేరు పువ్వును  ఆయుర్వేద వైద్యంలో అనేక విధాలుగా ఔషధంగా ఉపయోగిస్తారు. ఉదాహరణకు, ఇది చర్మ సంబంధిత సమస్యలు , మరిన్నింటికి అనేక ప్రయోజనాలను అందిస్తుంది.

67

దీని వల్ల ప్రమాదం ఏంటి..?
గన్నేరు  పువ్వులోని పసుపు రంగు మాత్రమే విషపూరితమైనది, కానీ ఏ గన్నేరు మొక్క అయినా.. ఆకులు, కాయలు మాత్రం విషపూరితమే. అందుకే వాటిని పొరపాటున కూడా నోట్లో పెట్టుకోకూడదు. 

77

Oleander

గన్నేరు కాయలను  తింటే వెంటనే కార్డియాక్ అరెస్ట్ అవుతుంది. అంటే గుండె నొప్పి వస్తుంది అన్నమాట.  ఇది మరణానికి కూడా దారి తీస్తుంది. కొందరికి మొదట వాంతులు, విరోచనాలు, మూర్ఛ, చర్మంపై దద్దుర్లు లాంటి వాటితో మొదలై... చివరకు గుండె నొప్పి వచ్చేదాకా దారితీస్తుంది. కాబట్టి.. వీటికి ఎంత దూరంగా ఉంటే అంత మంచిది.