Fitenees: పొట్ట ఉన్నంత మాత్రాన అనారోగ్యంగా ఉన్నట్లు కాదా.? సోషల్‌ మీడియా చెప్పేదంతా నిజమేనా?

Health Facts: పొట్ట ఉంటే అనారోగ్యంగా ఉంటారని మనలో సాధారణంగా ఉండే భావన. స్లిమ్‌గా ఉంటే ఫిట్‌గా, ఆరోగ్యంగా ఉన్నాడని అనుకుంటారు. అయితే ఇందులో నిజంగానే నిజం ఉందా.? జిమ్‌లో వ్యాయామాలు చేసే వారంతా ఆరోగ్యంగానే ఉన్నట్లా.? ఇలాంటి ఆసక్తికర విషయాలపై అమర్‌నాథ్‌ వాసిరెడ్డి వారి ఫేస్‌బుక్‌ పేజీలో పోస్ట్‌ చేసిన పోస్ట్‌లోని అంశాలు ఇప్పుడు తెలుసుకుందాం..  

"పొట్ట అనారోగ్యం కాదు .. స్లిమ్ గా ఉంటే ఆరోగ్యం అని కాదు ". "జిమ్‌ లో వ్యాయామం కేవలం సినీ స్టార్స్ కు మాత్రమే . జిమ్‌ చేస్తే ఆరోగ్యం ఫట్ . " "వాకింగ్ వల్ల ఆరోగ్యం నాశనం  . వాకింగ్ చేసే ముందు డాక్టర్ సలహా తీసుకోవాలి ". "నోటికి  ఏది రుచి అనిపిస్తే అది తినండి . ఇది తినొద్దు అది తిన్నొద్దు అనే వారి మాట పట్టించుకోకండి " మెడికల్ డిగ్రీ పొందిన  కొంత మంది బ్రోకర్స్ .. ఫార్మా ఏజెంట్స్ యూ ట్యూబ్  చానెల్స్ ఎక్కి వాగిన మాటలు ఇవి.

ఇలాంటివి ఇటీవల బాగా సర్క్యూలేట్ అవుతున్నవి. వీరు...  తాము చెప్పింది మెడికల్ సైన్స్ అని నమ్మబలుకుతున్నారు. పొట్ట ఉంటే అనారోగ్యం అని ఏ మెడికల్ బుక్ లో లేదు అని ఒకడు .. వాకింగ్ చేస్తే చస్తారు .. లేని రోగాలు వస్తాయి అని ఇంకొకడు .. ఇలా రెచ్చి పోతున్నారు .

వీటి గురించి మెడికల్ బుక్స్ ఏమంటున్నాయి ?

పొట్ట అనారోగ్యం - విసెరల్ ఫాట్ అండ్ హెల్త్ .. ఇరిసిన్ అండ్  బొస్ట్రోమ్ .. నేచర్ రివ్యూస్ ఎండోక్రైనాలజీ మెడికల్ పత్రిక లో ప్రచురణ . జిమ్ అందరికీ అవసరం అలాగని నేరుగా వెళ్లి బరువులు ఎత్తేసి సమస్యలు తెచ్చుకోవడం కాదు . ప్రతి దానికీ ఒక పద్ధతి ఉంటుంది. ఫిసికల్ ఆక్టివిటీ అండ్ హెల్త్ .. మోర్బీడిటీ అండ్ మోర్టాలిటీ వీక్లీ రిపోర్ట్. నడక ఆరోగ్యం (తీవ్ర మోకాళ్ళ నొప్పులు లాంటి ఆరోగ్య సమస్యలు వున్నవారికి తప్పించి) వాకింగ్ అండ్ ప్రైమరీ ప్రివెన్షన్ ... అమెరికన్ హార్ట్ అసోసియేషన్ - 2013 .

obesity

హెల్తి డైట్ - న్యూట్రిషన్ అండ్ హెల్త్ .. అకాడమీ అఫ్ న్యూట్రిషన్ అండ్ డియాబెటిక్స్.. 2020. ఇది కేవలం రుజువు కోసం . ఇలాంటి పరిశోధనలు వందల్లో . ప్రతి మెడికల్ బుక్ లో ఇవి ఉంటాయి . ఇలా వాగిన వారు... ఎవడు చూస్తాడులే అని బరితెగించిన రకం .. లేదా ప్రైవేట్ మెడికల్ కాలేజీలో కాపీ కొట్టి పాస్ అయ్యిన రకం...  అయ్యి ఉండాలి. చివరిగా ఒక మాట .
మెడికల్ కౌన్సిల్  అధ్యక్షుడు కొన్ని రోజుల క్రితం చెప్పిన మాట .. మన దేశం లో ఇప్పుడు నిజమైయైన డాక్టర్స్ తగ్గిపోతున్నారు. స్టార్ ఆసుపత్రుల ఏజెంట్స్ గా చాల మంది డాక్టర్స్ మారిపోతున్నారు.

ప్రసార మాధ్యమాల్లో స్టార్ ఆసుపత్రుల సారథ్యంలో ప్రసారమయ్యే వాటిలో నూటికి తొంబై శాతం వక్రీకరణలు .. అర్ధ సత్యాలు .. అశ్వత్థామ అథః కుంజరః .. టైప్‌లో ఉంటాయి. జనాల్లో పెరుగుతున్న ఆరోగ్య స్పృహను చంపడం .. అనారోగ్య పద్ధతులను అలవాటు చెయ్యడం.. భయపెట్టి టెస్ట్‌లు చేసుకొనేందుకు ఆసుపత్రులకు రప్పించుకోవడం.. వచ్చాక వామ్మో నీకు ఇదిగో షుగర్ 142 వుంది .. 140 దాటితే చస్తావు ఇదిగో రోజుకు యాభై మాత్రలు మింగు అని చెప్పి ఆ బకరాను శాశ్వత ఏటీఎంగా మార్చుకోవడం. ఇదీ నడుస్తున్న చరిత్ర. ఎక్కడో ఒక్కరో ఇద్దరో నిజాయితీ డాక్టర్స్ ఉన్నారు.. వారికి క్షమాపణలతో .. 

అమర్‌నాథ్‌ వాసిరెడ్డి ఫేస్‌బుక్‌ పోస్ట్‌ కోసం ఇక్కడ క్లిక్‌ చేయండి..