డయాబెటీస్ పేషెంట్లు ఈ పండ్లను గనుక తింటే..!

బరువు తగ్గాలనుకునేవారు, షుగర్ వ్యాధితో బాధపడేవారు స్వీట్లకు బదులుగా పండ్లను తింటుంటారు. కానీ వీరు ఏ పండ్లను పడితే ఆ పండ్లను తినకూడదు. ఎందుకంటే కొన్ని రకాల పండ్లలో షుగర్ కంటెంట్ ఎక్కువగా ఉంటుంది. ఇవి రక్తంలో చక్కెర స్థాయిలను పెంచడంతో పాటుగా మీ బరువును కూడా పెంచుతాయి.  

పండ్లను తింటే స్వీట్లను తినాలన్న కోరికలు తగ్గుతాయి. అంతేకాదు పండ్లు మన శరీరానికి అవసరమైన విటమిన్లను, ఖనిజాలను కూడా అందిస్తాయి. కానీ మీకు డయాబెటీస్ ఉంటే తీపి ఎక్కువగా ఉండే పండ్లను తినకూడదు. ఎందుకంటే ఇవి మీ రక్తంలో చక్కెర స్థాయిలను పెంచుతాయి. అందుకే మధుమేహులు షుగర్ కంటెంట్ తక్కువగా ఉండే పండ్లనే తినాలి.

కొన్ని పండ్లలో చక్కెరలు ఎక్కువగా, కొన్ని పండ్లలో చక్కెరలు తక్కువగా ఉంటాయి. పండ్లలోని చక్కెరలు సహజమైనవే అయినప్పటికీ.. అవి కూడా రక్తంలో చక్కెర స్థాయిని ప్రభావితం చేస్తాయి.  అయితే మీరు తినే పండులో చక్కెర తక్కువగా ఉందో లేదో తెలుసుకోవాలంటే దాని గ్లైసెమిక్ ఇండెక్స్ తక్కువగా ఉందని తెలుసుకోవాలి. గ్లైసెమిక్ ఇండెక్స్ (జిఐ) అనేది కార్బోహైడ్రేట్ ఎక్కువగా ఉండే ఆహారం వినియోగం తర్వాత రక్తంలో చక్కెర స్థాయిలను ఎంత త్వరగా, ఎంత పెంచుతుందో కొలవడానికి ఉపయోగించే సంఖ్యా స్కేల్. మరి మధుమేహులు తినగలిగే పండ్ల గురించి ఇప్పుడు తెలుసుకుందాం.. 

బెర్రీలు

సాధారణంగా బెర్రీల్లో ఇతర పండ్ల కంటే తక్కువ చక్కెర కంటెంట్ ఉంటుంది. అందుకే  ఇవి డయాబెటీస్ పేషెంట్లకు మంచి మేలు చేస్తాయి. ఈ పండ్లలో గ్లైసెమిక్ ఇండెక్స్ తక్కువగా ఉంటుంది. వీటిని తింటే రక్తంలో చక్కెర స్థాయిలు పెరిగే అవకాశమే లేదు. బెర్రీలో చక్కెర కంటెంట్ తక్కువగా ఉండటమే కాకుండా మన శరీరానికి అవసరమైన విటమిన్లు, ఖనిజాలు, యాంటీఆక్సిడెంట్లు, డైటరీ ఫైబర్ కూడా పుష్కలంగా ఉంటాయి. బెర్రీలలో ఉండే ఫైబర్ చక్కెర శోషణను మందగించడానికి సహాయపడుతుంది. అలాగే జీర్ణక్రియను  ఆరోగ్యంగా ఉంచడానికి సహాయపడుతుంది. 

సీజనల్ పండ్లు

మీడియం సైజ్ సీజనల్ పండ్లలో  8.5 గ్రాముల చక్కెర, విటమిన్ సి రోజువారీ అవసరంలో 43% ఉంటాయి. ఇవి మీ రోగనిరోధక శక్తిని పెంచుతాయి. అలాగే కొల్లాజెన్ నిర్మాణంలో విటమిన్ సి కీలక పాత్ర పోషిస్తుంది. మొక్కల వనరుల నుంచి ఇనుము శోషణను మెరుగుపరచడానికి కూడా ఇవి సహాయపడతాయి. సీజనల్ పండ్లలో  గ్లైసెమిక్ ఇండెక్స్ తక్కువగా ఉంటుంది. గ్లైసెమిక్ ఇండెక్స్ తక్కువగా ఉన్న ఆహారం జీర్ణం కావడానికి ఎక్కువ సమయం పడుతుంది. దీనివల్ల రక్తంలో చక్కెర స్థాయిలు తక్కువగా, నెమ్మదిగా పెరుగుతాయి.

పుచ్చకాయ

పుచ్చకాయ తీయగా ఉన్నప్పటికీ.. దీనిలలో చక్కెర కంటెంట్ తక్కువగా ఉంటుంది. ఒక కప్పు పుచ్చకాయ ముక్కల్లో 45 గ్రాముల చక్కెర, కేవలం 9 కేలరీలు ఉంటాయి. అయితే పుచ్చకాయలో గ్లైసెమిక్ ఇండెక్స్ ఎక్కువగా ఉంటుంది. దీనిలో 92% వాటర్ కంటెంట్ ఉంటుంది. అంతేకాదు ఈ పండులో కొన్ని కార్బోహైడ్రేట్లు కూడా ఉంటాయి. ఇది గ్లైసెమిక్ ఇండెక్స్ ను తగ్గిస్తుంది. ఈ పండు హైడ్రేషన్ మంచి మూలం. దీనిలో విటమిన్ సి వంటి ముఖ్యమైన విటమిన్లు, పొటాషియం వంటి ఖనిజాలతో పాటుగా లైకోపీన్ వంటి యాంటీఆక్సిడెంట్లు కూడా ఉంటాయి. ఇవి గుండెను ఆరోగ్యంగా ఉంచడంతో పాటుగా ఆక్సీకరణ ఒత్తిడిని తగ్గించే లక్షణాలు కూడా ఉంటాయి. 

నారింజ

నారింజ తీయగా, పుల్లగా ఉండే పండు. దీనిలో చక్కెర స్థాయిలు తక్కువగా ఉంటాయి. ఒక నారింజ పండులో 13 గ్రాముల కంటే తక్కువ చక్కెర ఉంటుంది. నారింజలో 3 గ్రాముల ఫైబర్, రోగనిరోధక శక్తిని పెంచే విటమిన్ సి రోజువారీ అవసరంలో 70% ఉంటుంది. ఈ పండులో కూడా వాటర్ కంటెంట్ ఎక్కువగా ఉంటుంది. ఇది మిమ్మల్ని హైడ్రేట్ గా ఉండటానికి సహాయపడుతుంది.