Weight Loss: బరువు తగ్గడం ఇంత ఈజీనా?
సాధారణంగా బరువు తగ్గడం చాలా కష్టమైన పని. కానీ కొన్ని ఆహార నియమాలు పాటిస్తే బరువు తగ్గడం చాలా ఈజీ. అందులో ప్రధానమైంది వాటర్ తాగడం. అదెంటీ నీళ్లు తాగితే కూడా బరువు తగ్గుతారా? అవుననే అంటున్నారు నిపుణులు.
బరువు పెరగడంతో పోల్చితే తగ్గడం చాలా కష్టమైన పని. బరువు తగ్గాలనుకునే వారు తినే విషయంలో, తాగే విషయంలో చాలా జాగ్రత్తగా ఉండాలి. కఠినమైన ఆహార నియమాలు పాటించాలి. ప్రతి రోజూ వ్యాయమం చేయాలి. అప్పుడే క్రమంగా బరువు తగ్గడం స్టార్ట్ అవుతుంది. కానీ బరువు తగ్గడంలో వాటర్ తాగడం కూడా కీలక పాత్ర పోషిస్తుందంటున్నారు నిపుణులు.
జీవక్రియను పెంచుతుంది
నీరు తాగడం వల్ల జీవక్రియ రేటు పెరుగుతుంది. ఇది బరువు తగ్గడానికి సహాయపడుతుంది. చల్లటి నీరు జీవక్రియ రేటును పెంచుతుంది. జర్నల్ ఆఫ్ ది అకాడమీ ఆఫ్ న్యూట్రిషన్ అండ్ డైటెటిక్స్ నిర్వహించిన ఒక అధ్యయనంలో తగినంత నీటిని తీసుకోవడం వల్ల జీవక్రియ రేటు పెరుగుతుందని కనుక్కున్నారు.
కేలరీలను తగ్గిస్తుంది
ఇతర డ్రింక్ లకు బదులు నీరు తాగడం వల్ల కేలరీలు తీసుకోవడం కూడా తగ్గుతుంది. ఇది బరువు తగ్గడానికి సహాయపడుతుంది. ఇంటర్నేషనల్ జర్నల్ ఆఫ్ ఒబేసిటీలో నిర్వహించిన ఒక అధ్యయనంలో భోజనానికి ముందు అరలీటర్ నీరు తాగడం వల్ల కేలరీల తీసుకోవడం తగ్గుతుందని తేలింది.
ఆకలిని తగ్గిస్తుంది
నీరు తాగడం వల్ల తృప్తిగా ఉంటారు. ఫుడ్ తీసుకోవడం తగ్గుతుంది. ఇది బరువు తగ్గడంపై సానుకూల ప్రభావాన్ని చూపుతుంది. జర్నల్ ఆఫ్ ది అకాడమీ ఆఫ్ న్యూట్రిషన్ అండ్ డైటెటిక్స్ నిర్వహించిన ఒక అధ్యయనంలో, భోజనానికి ముందు నీరు తాగడం వల్ల ఆహారం తీసుకోవడం తగ్గుతుందని కనుక్కొన్నారు.
కొవ్వును కరిగిస్తుంది
తగినంత నీరు తాగడం వల్ల కొవ్వు క్రమంగా కరుగుతుందట. జర్నల్ ఆఫ్ క్లినికల్ ఎండోక్రినాలజీ అండ్ మెటబాలిజంలో ఒక అధ్యయనంలో ఈ విషయాన్ని కనుక్కొన్నారు.
పేగు కదలికలను..
నీరు జీర్ణక్రియ, పేగు కదలికను మెరుగుపరుస్తుంది. ఆరోగ్యకరమైన పేగు బరువు తగ్గడానికి మద్దతిస్తుంది. యూరోపియన్ జర్నల్ ఆఫ్ క్లినికల్ న్యూట్రిషన్లోని ఒక అధ్యయనంలో ఇది తేలింది