వేడి వేడి క్రిస్పీ చికెన్ పకోడీలు.. ఇలా చేస్తే ఎంత రుచిగా ఉంటాయో!

అసలే వర్షాకాలం చల్లటి సాయంత్రం వేళ వేడివేడిగా మంచి స్నాక్స్  (Snacks) తినాలనిపిస్తుంది. 

అలాంటప్పుడు చికెన్ పకోడీలను చేసుకుని తింటే భలే బాగుంటుంది. ఈ పకోడీలు స్పైసీగా, క్రిస్పీగా, భలే రుచిగా ఉంటాయి. అబ్బా చెబుతుంటేనే నోరూరుతోంది కదా.. ఇంకెందుకు ఆలస్యం ఇప్పుడు మనం చికెన్ పకోడీల (Chicken Pakodilu) తయారీ విధానం గురించి తెలుసుకుందాం..

కావలసిన పదార్థాలు: అరకేజీ చికెన్ (Chicken), ఒక స్పూన్ అల్లం వెల్లుల్లి పేస్ట్ (Ginger garlic paste), రుచికి సరిపడా ఉప్పు (Salt), రెండు టేబుల్ స్పూన్ ల కారం పొడి  (Chilli powder), ఒక స్పూన్ గరం మసాలా (Garam masala),  ఒక స్పూన్ నిమ్మరసం (Lemon juice).

ఒక స్పూన్ జీలకర్ర పొడి (Cumin powder), రెండు స్పూన్ ల బియ్యప్పిండి (Rice flour), రెండు స్పూన్ ల  సెనగపిండి (Gram flour), కొద్దిగా కొత్తిమీర (Coriander) తరుగు, కొద్దిగా కరివేపాకు (Curry leaves తరుగు, ఢీ ఫ్రైకి సరిపడా నూనె (Oil).

తయారీ విధానం: అరకేజీ చికెన్ (Chicken) తీసుకుని నీటిలో శుభ్రపరచుకొని అరగంట పాటు ఉప్పు నీటిలో (Salt water) నానబెట్టుకోవాలి. అరగంట తరువాత ఉప్పు నీటిలో నుంచి చికెన్ ను తీసి ఒక గిన్నెలో తీసుకోవాలి. ఇప్పుడు ఇందులో రుచికి సరిపడా ఉప్పు, కారం, గరం మసాలా, జీలకర్ర పొడి, నిమ్మరసం, అల్లం వెల్లుల్లి పేస్ట్, కొత్తిమీర తరుగు, కరివేపాకు తరుగు వేసి మసాలాలన్నీ చికెన్ ముక్కలకు పట్టేలా బాగా కలుపుకోవాలి.

ఇప్పుడు ఇందులో బియ్యప్పిండి, సెనగపిండి వేసి మరోసారి బాగా కలుపుకోవాలి (Mix well). చికెన్ పకోడీ మంచి కలర్ లో రావాలంటే అవసరమైతే కొంచెం ఫుడ్ కలర్ ను ఉపయోగించుకోవచ్చు. కానీ ఫుడ్ కలర్ ఆరోగ్యానికి అంత మంచిది కాదు కనుక వాడకపోవడమే మంచిది. ఇప్పుడు ఇలా కలుపుకున్న చికెన్ ముక్కలను ఫ్రిడ్జ్ లో రెండు గంటలు నుంచి నానబెట్టుకోవాలి (Soak).

రెండు గంటల తరువాత నానబెట్టుకున్న చికెన్ ని బయటకు తీసి స్టవ్ మీద కడాయి పెట్టి ఢీ ఫ్రైకి సరిపడా నూనె (Oil) వేసి వేడి చేసుకోవాలి. నూనె వేడెక్కిన తరువాత చికెన్ ముక్కలను వేసి తక్కువ వంట (Low flame) మీద మంచి కలర్ వచ్చేంత వరకు ఫ్రై చేసుకోవాలి. చికెన్ ముక్కలను తక్కువ మంట మీద వేపుకుంటే చికెన్ లోపల బాగా ఫ్రై అవుతుంది.

చికెన్ ముక్కలు ఫ్రై అయ్యి మంచి కలర్ వచ్చిన తరువాత తీసి ఒక ప్లేట్ లో ఉంచుకోవాలి. ఇలా తయారు చేసుకున్న చికెన్ పకోడిలను ఉల్లిపాయ తరుగు, కొత్తిమీర తరుగుతో గార్నిష్ (Garnish) చేసి నిమ్మరసం పిండి సర్వ్ చేయాలి. అంతే ఎంతో రుచికరమైన (Delicious) నోరూరించే వేడివేడి క్రిస్పీ చికెన్ పకోడీలు రెడీ. ఇంకెందుకు ఆలస్యం మీరు కూడా ఈ రెసిపీని ఒకసారి ట్రై చేయండి.