ఇదొక్కటి చేస్తే మీ వెన్ను నొప్పి మటుమాయం..

ప్రస్తుత కాలంలో వయసుతో సంబంధమే లేకుండా పెద్దలు, పిల్లలు ప్రతి ఒక్కరూ వెన్ను నొప్పితో బాధపడుతున్నారు. ఈ వెన్ను నొప్పి వల్ల నడవడం,  కూర్చోవడం కూడా కష్టంగానే ఉంటుంది. అసలు ఏం చేస్తే ఈ నొప్పి తగ్గుతుందో ఇప్పుడు తెలుసుకుందాం పదండి. 
 

వెన్నునొప్పికి కారణాలు

వీపు ఎముకలు, కండరాలు, స్నాయువుల సమస్యల వల్ల కూడా వెన్ను నొప్పి సమస్య వస్తుంది. అలాగే కడుపును ఏదైనా సమస్య ఉంటే కూడా విపరీతమైన వెన్ను నొప్పి వస్తుందని నిపుణులు చెబుతున్నారు. దీనితో పాటుగా టూ వీలర్ పై దూర ప్రయాణాలు చేయడం, పోషకాహార లోపం, స్థూలకాయం కూడా వెన్నునొప్పికి దారితీస్తాయి. ముఖ్యంగా కంప్యూటర్ ముందు గంటలకు గంటలు కూర్చోవడం వల్ల వెన్నెముకపై ఒత్తిడి పడుతుంది. ఇది నొప్పిని కలిగిస్తుంది. ఈ సమస్య రాకుండా ఉండాలంటే ఆరోగ్యాన్ని జాగ్రత్తగా చూసుకోవాలి. అలాగే వెన్నుపామును బలోపేతం చేయడానికి యోగా, వ్యాయామాలు కూడా చేయాలని వైద్యులు చెబుతున్నారు.
 

ఎంతో మందికి వెన్ను నొప్పి సమస్య ఉంటుంది. అయితే దీనిని తగ్గించుకోవడానికి ఏం చేయొచ్చు? అనే దానిపై ఎన్నో పరిశోధనలు జరిగాయి. లాన్సెట్ నిర్వహించిన అధ్యయనంలో 54 ఏండ్ల వయసున్న 701 మంది ఆస్ట్రేలియన్లపై ఈ అధ్యయనం చేశారు. వారిలో కొందరు ఎలాంటి వ్యాయామం చేయకుండా సాధారణ జీవితాన్ని గడపగా, మరికొందరు వెన్ను కండరాలను బలోపేతం చేయడానికి కొన్ని వ్యాయామాలు చేశారు. కొంతమంది రోజుకు 30 నిమిషాలు మాత్రమే నడుస్తారని అధ్యయనాలు చెబుతున్నాయి. వేరే  రెండు సమూహాలతో పోలిస్తే 30 నిమిషాలు నడవడం వెన్నునొప్పిని తగ్గిస్తుందని నివేదించబడింది.
 

అయినప్పటికీ వెన్నునొప్పి తగ్గాలంటే మాత్రం సమతులాహారం తీసుకోవాలి. అలాగే ఆరోగ్యాన్ని జాగ్రత్తగా చూసుకుంటే వెన్ను నొప్పి చాలా వరకు తగ్గుతుందని ఆరోగ్య నిపుణులు చెబుతున్నారు. అసలు వెన్ను నొప్పి ఎప్పుడు వస్తుంది? దీని లక్షణాలు ఉంటే ఏం చేయాలో ఇప్పుడు తెలుసుకుందాం..
 

వెన్నునొప్పి లక్షణాలు

కొద్దిదూరం నడిచినా కూడా బాగా అలసిపోతారు. అలాగే  వీపు కింది భాగంలో కత్తి పోట్లకు గురవుతారు. తేలికపాటి నొప్పి, కండరాల తిమ్మిరి, వంగి ఏదైనా తీసుకున్నప్పుడు విపరీతమైన నొప్పి కలగడం వెన్నునొప్పి లక్షణాలు. మీరు గనుక ఈ లక్షణాలను మీలో గమనిస్తే వెంటనే చికిత్స  తీసుకోండి. అలాగే ప్రతిరోజూ వ్యాయామం చేయండి.