జుట్టు సంరక్షణ కోసం గుడ్డుతో హెయిర్ ప్యాక్స్.. ఇలా ట్రై చెయ్యండి!
కనుక గుడ్డుతో చేసుకునే హెయిర్ ప్యాక్స్ ను జుట్టుకు అప్లై చేసుకుంటే జుట్టు సంరక్షణ (Hair care) బాగుంటుంది. ఈ హెయిర్ ప్యాక్స్ ను తక్కువ ఖర్చుతో సహజసిద్ధమైన పద్ధతిలో ఇంటిలోనే సులభంగా తయారు చేసుకోవచ్చు. ఇంకెందుకు ఆలస్యం ఇప్పుడు మనం గుడ్డుతో హెయిర్ ప్యాక్స్ తయారీ విధానం గురించి తెలుసుకుందాం..
గుడ్డులో ఉండే పోషకాలు జుట్టు ఒత్తుగా, పొడవుగా, వేగంగా, ఆరోగ్యంగా పెరగడానికి సహాయపడతాయి. ఈ పోషకాలు (Nutrients) జుట్టును, జుట్టు కుదుర్లను బలపరిచి జుట్టురాలే సమస్యలను తగ్గించడంతోపాటు చుండ్రు, దురద మంట వంటి ఇన్ఫెక్షన్ లను కూడా తగ్గిస్తాయి. కనుక ఎక్కువ ఖర్చుతో కూడిన హెయిర్ ప్యాక్స్ (Hair packs) కు బదులుగా ఇలా ఇంటిలోనే తక్కువ ఖర్చుతో చేసుకునే గుడ్డుతో హెయిర్ ప్యాక్స్ ను ప్రయత్నించండి.. జుట్టుకు మంచి ఫలితాలను పొందండి..
జుట్టు పెరుగుదలకు సహాయపడుతుంది: ఇందుకోసం ఒక కప్పులో గుడ్డు తెల్లసోనకు (Egg white) కొద్దిగా నిమ్మరసం (Lemon juice) కలుపుకొని తలకు, జుట్టు మొత్తానికి బాగా అప్లై చేసుకోవాలి. అరగంట తరువాత గాఢత తక్కువ గల షాంపూతో తలస్నానం చేయాలి. ఇలా వారానికి రెండు సార్లు ప్రయత్నిస్తే జుట్టు పెరుగుదల బాగుంటుంది.
జుట్టుకు మంచి నిగారింపు అందుతుంది: ఒక కప్పులో గుడ్డు తెల్లసోన (Egg white), కొద్దిగా రోజ్ వాటర్ (Rose water) వేసి బాగా కలుపుకోవాలి. ఇప్పుడు ఈ మిశ్రమాన్ని జుట్టుకు బాగా అప్లై చేసుకుని ఇరవై నిమిషాల తరువాత తలస్నానం చేయాలి. ఇలా వారానికి ఒకసారి చేస్తే జుట్టుకు మంచి నివారింపు అందుతుంది.
చుండ్రు సమస్యలు తగ్గుతాయి: ఒక కప్పులో కోడిగుడ్డు తెల్లసోన (Egg white), రెండు స్పూన్ ల టమోటా జ్యూస్ (Tomato juice) వేసి బాగా కలుపుకోవాలి. ఇప్పుడు ఈ మిశ్రమాన్ని తలకు అప్లై చేసుకుని అరగంట తరువాత తలస్నానం చేయాలి. ఇలా క్రమం తప్పకుండా చేస్తే చుండ్రు సమస్యలు తగ్గడంతో పాటు జుట్టు ఒత్తుగా, పొడవుగా పెరుగుతుంది.
జుట్టు ఆరోగ్యం బాగుంటుంది: ఇందుకోసం ఒక కప్పులో గుడ్డు తెల్లసోన (Egg white), కొద్దిగా తేనె (Honey) వేసి బాగా కలుపుకోవాలి. ఇప్పుడు ఈ మిశ్రమాన్ని జుట్టుకు బాగా అప్లై చేసుకుని ఇరవై నిమిషాల తరువాత తలస్నానం చేయాలి. ఈ హెయిర్ ప్యాక్ లో ఉండే పోషకాలు జుట్టు ఆరోగ్యాన్ని మెరుగుపరిచి జుట్టు ఒత్తుగా, పొడవుగా, వేగంగా పెరిగేందుకు సహాయపడతాయి.
జుట్టు రాలడం తగ్గుతుంది: జుట్టు కుదుర్లు బలహీనంగా ఉండడంతో జుట్టురాలే సమస్య అధికమవుతుంది. కనుక జుట్టు కుదుర్లకు తగిన పోషణను అందించడం కోసం జుట్టుకు గుడ్డు తెల్లసొనను (Egg white) అప్లై చేసుకోవాలి. ఆరిన తరువాత గాఢత తక్కువ గల షాంపూతో తలస్నానం చేయాలి. ఇలా క్రమం తప్పకుండా వారానికి రెండు మూడు సార్లు ప్రయత్నిస్తే జుట్టురాలే సమస్యలు (Hair loss) తగ్గుతాయి.