రోజూ రెండు మూడు తులసి ఆకులను నమిలితే ఏమౌతుందో తెలుసా?

15

హిందూ మతంలో తులసి ఆకులను ఎంతో పవిత్రంగా భావిస్తారు. కానీ ఈ ఆకుల్లో ఎన్నో దివ్య ఔషదగుణాలుంటాయి. ఇవి మనల్ని ఎన్నో రోగాల నుంచి కాపాడుతాయి. అందుకే తులసి ఆకులను ఎన్నో ఏండ్ల నుంచి ఉపయోగిస్తూ వస్తున్నారు. ఈ కాలంలో కూడా చాలా మంది తులసి ఆకులను రెగ్యులర్ గా ఉపయోగిస్తున్నారు. 

25

ప్రతి ఒక్కరి ఇంటి ముందు ఉండే తులసి ఆకులను ఉపయోగించి దగ్గు, జలుబు, గొంతునొప్పి వంటి ఎన్నో చిన్న చిన్న అనారోగ్య సమస్యలను చాలా తొందరగా తగ్గించుకోవచ్చు. ఇందుకోసం వీటిని నమిలి లేదా టీలో వేసుకుని, కాషాయంగా చేసి తీసుకోవచ్చు. అసలు తులసి ఆకులతో ఉదర సమస్యలను ఎలా తగ్గించుకోవాలో ఇప్పుడు తెలుసుకుందాం పదండి. 

35

ఉదర సమస్యలకు తులసి ఆకులు

తులసి ఆకుల్లో యాంటీ మైక్రోబయల్, యాంటీ ఇన్ఫ్లమేటరీ లక్షణాలు పుష్కలంగా ఉంటాయి. ఇవి మనల్ని ఎన్నో జబ్బులకు దూరంగా ఉంచుతాయి. ముఖ్యంగా ఈ లక్షణాలు కడుపు ఉబ్బరం, గ్యాస్, అజీర్ణం, వంటి కడుపునకు సంబంధించిన ఎన్నో సమస్యలను తొందరగా నయం చేయడానికి సహాయపడతాయి. 

జీర్ణక్రియను ప్రోత్సహిస్తుంది

తులసి ఆకులను తీసుకోవడం వల్ల మన జీర్ణవ్యవస్థ మరింత మెరుగ్గా పనిచేస్తుంది. దీంతో జీర్ణ వ్యవస్థకు సంబంధించిన సమస్యలు రావు. తులసి ఆకులను నమలడం వల్ల జీర్ణ ఎంజైమ్ల ఉత్పత్తి పెరుగుతుంది. దీంతో జీర్ణప్రక్రియ సాఫీగా సాగుతుంది. 

45

గట్ ఆరోగ్యం 

తులసి ఆకులను గట్ ను ఆరోగ్యంగా ఉంచడానికి కూడా సహాయపడతాయి. వీటిని మీ రెగ్యలర్ డైట్ లో చేర్చుకుంటే మీ జీర్ణశయాంతర ఆరోగ్యం మెరుగ్గా ఉంటుంది. అలాగే తరచుగా కడుపునకు సంబంధించిన సమస్యలు కూడా రావు. 

తులసి ఆకులను ఎలా ఉపయోగించాలి?

కడుపునకు సంబంధించిన సమస్యలను తగ్గించుకోవడానికి.. ఒక కప్పు వేడివేడి తులసి టీని తాగండి. ఇందుకోసం మీరు పెద్దగా కష్టపడాల్సిన అవసరం లేదు. ఇందుకోసం మీకు అవసరమైన నీళ్లను తీసుకుని వేడిచేయండి. అందులో కొన్ని తులసి ఆకులను తీసుకుని 5-10 నిమిషాలు నానబెట్టండి. అంతే తులసి టీ రెడీ అయినట్టే. 

55

తులసి పేస్ట్

ఉదర సమస్యలను తగ్గించుకోవడానికి మీరు తులసి పేస్ట్ ను కూడా ఉపయోగించొచ్చు. ఇందుకోసం మీరు కొన్ని తులసి ఆకులను తీసుకుని పేస్ట్ చేయండి. ఈ పేస్ట్ ను నేరుగా మీ కడుపునకు పెట్టండి. ఇలా చేయడం వల్ల కడుపు ఉబ్బరం తొందరగా తగ్గిపోతుంది.