శరీరంలో ఇక్కడ నొక్కితే.. కడుపులో గ్యాస్ పరార్ అవుతుంది
ఇటీవల చాలా మంది గ్యాస్ సంబంధిత సమస్యలతో బాధపడుతున్నారు. మారిన జీవనశైలి, తీసుకుంటున్న ఆహారంలో మార్పుల కారణంగా కడుపుబ్బరం వంటి సమస్యల బారిన పడుతున్నారు. దీంతో ఈ సమస్యను తగ్గించుకునేందుకు రకరకాల టానిక్స్, ట్యాబ్లెట్స్ వాడుతున్నారు. అయితే కొన్ని సింపుల్ చిట్కాల ద్వారా ఈ సమస్యకు చెక్ పెట్టొచ్చని మీకు తెలుసా.?
కడుపులో గ్యాస్ సమస్య రాగానే చాలా మంది ట్యాబ్లెట్స్ లేదా సిరప్లను తీసుకుంటారు. అయితే గ్యాస్ను తరిమికొట్టడంలో అక్కుప్రెషర్ టెక్నిక్ బాగా ఉపయోగపడుతుందని మీకు తెలుసా.? శరీరంలోని కొన్ని ప్రత్యేక భాగాలపై ఒత్తిడికి గురి చేయడం వల్ల రక్తప్రసరణ మెరుగై, కండరాలు సడలిస్తాయి. దీంతో గ్యాస్ నుంచి ఉపశమనం లభిస్తంది. అయితే అక్యుప్రెషర్ పాయింట్స్ ఏవి అనేది తెలియాల్సి ఉంటుంది.
బొడ్డుపైన
బొడ్డుకు సుమారు నాలుగు అంగుళాలపై నొక్కడం వల్ల ఫలితం ఉంటుంది. ఈ పాయింట్ను సీవీ12 పాయింట్గా చెబుతారు. ఇక్కడ ఒత్తిడి చేయడం వల్ల ఉదరం, మూత్రాశయం, పిత్తాశయంపై ప్రభావం కనిపిస్తుంది. తేలికగా ఒత్తిడి చేస్తూ, గుండ్రంగా మసాజ్ చేయాలి. ఇలా చేస్తే గ్యాస్ సమస్య నుంచి క్షణాల్లో ఉపశమనం లభిస్తుంది.
చీలమండ పై భాగంలో
చీలమండ నుంచి మూడు అంగుళాల పైన మసాజ్ చేయడం వల్ల గ్యాస్తో కలిగే నొప్పి నుంచి ఉపశమనం లభిస్తుంది. దీనిని ఎస్పీ6 పాయింట్గా చెబుతారు. కడుపులో గ్యాస్ ఏర్పడి నొప్పిగా ఉంటే.. వెంటనే ఈ భాగంలో నొక్కడం లేదా మసాజ్ చేయాలి. ఇలా చేస్తే పొట్ట కింది అవయవాలు, నాడీ వ్యవస్థను ప్రభావితం చేస్తాయి. ఇలా సున్నితం మసాజ్ చేయడం వల్ల పొట్టలోని గ్యాస్ బయటకు వెళ్లి నొప్పి నుంచి ఉపశమనం లభిస్తుంది.
బొడ్డు కింద
బొడ్డుకు ఒకటిన్నర అంగుళ కింద నొక్కడం వల్ల కూడా గ్యాస్ సమస్యకు చెక్ పెట్టొచ్చు. ఈ పాయింట్ను సీవీ6గా చెబుతుంటారు. ఈ భాగంలో తేలికగా నొక్కి, మసాజ్ చేయాల్సి ఉంటుంది. రెండు నుంచి మూడు మినిషాల పాటు ఇలా చేస్తే గ్యాస్ బయటకు పోయి, ఉపశమనం లభిస్తుంది.
జాగ్రత్తలు తప్పనిసరి..
అక్యుప్రెషర్ సమర్థవంతంగా పనిచేస్తుంది. అయితే ఈ విధానం పాటించే సమయంలో కొన్ని జాగ్రత్తలు తీసుకోవాలని నిపుణులు చెబుతున్నారు. వైద్యుల సూచనలు కచ్చితంగా పాటించాలి. ఆక్యుప్రెషర్ పాయింట్లను నొక్కే సమయంలో గాఢంగా శ్వాస తీసుకుంటూ, నిదానంగా శ్వాస వదలాలి.
గట్టిగా నొక్కకూడదు. ఏ ఆక్యుప్రెషర్ పాయింట్లను ప్రెస్ చేయాలో తెలుసుకోవాలి. వాటి స్థానాలు కచ్చితంగా తెలిసిన తర్వాత మాత్రమే నొక్కాలి. ఈ ప్రక్రియలో భాగంగా ఏమైనా నొప్పి కలిగినట్లు అనిపిస్తే వెంటనే ఆపేసి, వైద్యులను సంప్రదించాలి.