ఒత్తిడికి గురవుతున్నారా? వీటిని తినండి తగ్గిపోతుంది

కొన్ని ఆహారాలు మీకు విశ్రాంతిని కలిగిస్తాయి. అలాగే ఆందోళన, ఒత్తిడిని కూడా తగ్గిస్తాయి. ఒత్తిడి తగ్గడానికి ఎలాంటి ఆహారాలను తినాలో ఇప్పుడు తెలుసుకుందాం..  

ఒత్తిడి అనేది ప్రపంచవ్యాప్తంగా మిలియన్ల మందిని ప్రభావితం చేసే ఒక సాధారణ సమస్య. పండ్లు, కూరగాయలు, ఇతర ఆరోగ్యకరమైన ఆహారాలు ఎక్కువగా ఉండే పోషకాహారం ఒత్తిడి లక్షణాలను తగ్గించడానికి సహాయపడుతుందని నిపుణులు చెబుతున్నారు. స్ట్రెస్ తగ్గడానికి ఎలాంటి ఆహారాలను తినాలంటే..

డార్క్ చాక్లెట్

డార్క్ చాక్లెట్లను చాలా మంది ఇష్టంగా తింటుంటారు. అయితే ఇవి మన ఆరోగ్యానికి ఎంతో మేలు చేస్తాయి. ఎందుకంటే దీనిలో ఎన్నో పోషకాలతో పాటుగా యాంటీ ఆక్సిడెంట్లు కూడా పుష్కలంగా ఉంటాయి. ఇవి శరీరానికి తక్కువ ఒత్తిడి రసాయనాలను ఉత్పత్తి చేయడానికి సహాయపడతాయి. అలాగే జ్ఞాపకశక్తి పెరుగుతుంది. ఆందోళన నుంచి ఉపశమనం పొందుతారు.

బెర్రీలు

బెర్రీలలో యాంటీ ఇన్ఫ్లమేటరీ లక్షణాలు, యాంటీ ఆక్సిడెంట్లు, విటమిన్ సి పుష్కలంగా ఉంటాయి. ఈ పోషకాలు ఒత్తిడిని తగ్గించడానికి బాగా ఉపయోగపడతాయి. ఉదయం బెర్రీలను తింటే ఒత్తిడి, ఆందోళనలు తగ్గిపోతాయి. వీటిని పెరుగుతో కలిపి తినండి.  

orange

నారింజ

నారింజల్లో విటమిన్ సి ఎక్కువగా ఉంటుంది. ఇవి ఆందోళనను తగ్గించే లక్షణాలను కలిగి ఉన్నాయని కనుగొనబడింది. అందుకే వీటిని మీ ఆహారంలో చేర్చండి. విటమిన్ సి శరీరంలో ఆక్సీకరణ ఒత్తిడిని తగ్గిస్తుంది. ఇది ఒత్తిడి, ఆందోళన స్థాయిలను తగ్గిస్తుంది. 

అరటి

ప్రతి అరటిపండులో 37 మిల్లీగ్రాముల మెగ్నీషియం ఉంటుంది. ఇది ఈ ముఖ్యమైన ఖనిజానికి అద్భుతమైన మూలం. ఒత్తిడి స్థాయిలను నియంత్రించడానికి, హృదయ స్పందన రేటును తగ్గించడానికి మెగ్నీషియం అవసరం. ఈ ఖనిజం ప్రశాంతంగా ఉండటానికి,  ఆందోళనను, మానసిక స్థితిని నియంత్రించడానికి సహాయపడుతుంది.

Image: Getty Images

చిలగడదుంపలు

చిలగడదుంపలను క్రమం తప్పకుండా తినడం వల్ల మీ శరీరంలో విటమిన్ బి 6 పెరుగుతుంది. ఇది డోపామైన్, సెరోటోనిన్ సంశ్లేషణకు అవసరం. మీ మానసిక స్థితి డోపామైన్ ద్వారా నియంత్రించబడుతుంది. ఇది ఆందోళనను తగ్గిస్తుంది. మానసిక స్థితిని మెరుగుపరుస్తుంది.