Mosquito: మీ బాల్కనీ ఈ మొక్కలు ఉంటే... ఇంట్లోకి ఒక్క దోమ కూడా అడుగుపెట్టదు..!
Mosquito: సాయంత్రం అయితే చాలు.. ఇంట్లోకి దోమలు అడుగుపెట్టేస్తాయి. ఇక ఇంట్లో దోమలు దూరాయి అంటే... మనల్ని కుట్టి కుట్టి చంపేస్తూ ఉంటాయి. ఈ దోమలు తరిమికొట్టేందుకు పెద్దగా కష్టపడాల్సిన అవసరం లేదు. ఈ మొక్కలు మీ ఇంట్లో ఉంటే చాలు.
Mosquito
ఎండాకాలంలో దోమల బెడద చాలా ఎక్కువగా ఉంటుంది. ఈ దోమలు ఇంట్లోకి దూరాయి అంటే మన నిద్రకు భంగం కలిగించడమే కాకుండా , డెంగ్యూ, మలేరియా వంటి తీవ్రమైన వ్యాధుల ప్రమాదాన్ని కూడా పెంచుతాయి. చాలా మంది ఈ దోమల నుండి తమను తాము రక్షించుకోవడానికి మార్కెట్లో దొరికే Mosquito Repellents ని వాడుతూ ఉంటారు. కానీ, వాటిలో ఉండె కెమికల్స్ ఆరోగ్యానికి అంత మంచిదేమీ కాదు. అంతేకాదు.. అవి వాడినా దోమలు పోతయానే గ్యారెంటీ ఉండదు. కానీ.. కేవలం మీ బాల్కనీలో కొన్ని మొక్కలను పెంచడం వల్ల ... మీరు దోమలను శాశ్వతంగా తరిమి కొట్టొచ్చు. ఆ మొక్కలు ఏంటి అనే విషయం ఇప్పుడు తెలుసుకుందాం....
1.తులసి...
మీ ఇంట్లో తులసి మొక్క ఉంటే ఇంట్లో దోమలు అడుగుపెట్టే అవకాశం చాలా తక్కువగా ఉంటుంది. తులసి ఆకుల వాసన దోమలకు నచ్చదు. దోమలు ఇంట్లోకి అడుగుపెట్టే తలుపు లేదా కిటికీ దగ్గరలో తులసి మొక్కను పెంచడం వల్ల ఇంట్లోకి దోమలు వచ్చే సంఖ్య తగ్గుతుంది. అంతేకాదు.. తులసి మొక్క ఇంట్లో ఉంటే.. ఆ ఇంట్లో పాజిటివ్ ఎనర్జీ కూడా పెరుగుతుంది.
2.పుదీనా...
పుదీనా ఘాటైన సువాసన దోమలను దూరంగా ఉంచడానికి సహాయపడుతుంది. మీరు మీ ఇంట్లో ఒక పుదీనా మొక్కను నాటుకోవాలి. దోమలను దూరంగా ఉంచడానికి మీరు పుదీనా మొక్కను పెంచినా పర్లేదు..లేదంటే.. పుదీనా ఆకులతో పేస్టు తయారు చేసి దానిని కిటికీ దగ్గర ఉంచొచ్చు. ఈ వాసనకు దోమలు ఇంట్లోకి అడుగుపెట్టవు.
3.బంతిపూలు...
బంతి పూల వాసనను దోమలు తట్టుకోలేవు. మీ ఇంటి మెయిన్ డోర్, కిటికీల దగ్గర బంతి మొక్కలు నాటితే సరిపోతుంది. ఈ వాసనకు ఇంట్లోకి దోమలు అడుగుపెట్టవు.
ఈ జాగ్రత్తలు కూడా తప్పనసరి...
దోమలు ఇంట్లోకి అడుగుపెట్టకూడదు అంటే... కొన్ని జాగ్రత్తలు తీసుకోవడం చాలా ముఖ్యం. ముఖ్యంగా ఇంట్లో నీరు నిల్వ ఉండకుండా చూసుకోవాలి. కూలర్లు, పూల కుండీల్లో కూడా నీటి నిల్వ లేకుండా చూసుకోవాలి.
అంతేకాదు.. సాయంత్రం సమయంలో దోమలు ఎక్కువగా ఇంట్లోకి అడుగుపెడతాయి. కాబట్టి, కిటికీలు, తలుపులకు మెష్ లు అమర్చుకోవడం మంచిది.
గదిలో కర్పూరం వెలిగిస్తే.. దాని వాసనకు దోమలు దూరంగా ఉంటాయి. ఇది చాలా బాగా పని చేస్తుంది.
వేప ఆకులను కాల్చినా, వేప నూనె ఉపయోగించినా దోమలు తగ్గుతాయి. వేప వాసన దోమలకు ఇష్టం ఉందు.
చెత్త, తడి ప్రదేశాలు, మూలల్లో దుమ్ము ఎక్కువగా ఉంటే దోమలు పెరుగుతాయి. కాబట్టి ఇంటిని ప్రతిరోజూ శుభ్రం చేయాలి.
